તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Coronavirus
  • Started With The ‘social Bubble’ Model, New Zealand, To Escape The Corona; After Germany, Now Applied In Britain

નવો શબ્દ-નવો ટ્રેન્ડ:કોરોનાથી બચવા માટે 'સોશિયલ બબલ' મોડેલ, ન્યુઝીલેન્ડથી તેની શરૂઆત થઈ; જર્મની પછી, હવે બ્રિટનમાં લાગુ

એક વર્ષ પહેલા
  • કૉપી લિંક
  • 'સોશિયલ બબલ' પરિવાર, ખાસ મિત્ર અથવા કલીગ હોય તેને કહેવામાં આવે છે જેને તમે દરરજો મળો છો
  • સંશોધકોના જણાવ્યા પ્રમાણે, લોકો આ મોડેલથી અંતર રાખીને એકબીજાની મદદ કરી શકે છે

લોકડાઉનનામાં ઓછા પ્રતિબંધોની વચ્ચે પરિવારના સભ્યો એક બીજાને મળે છે તો ચેપના કિસ્સામાં ઘટાડો થઈ શકે છે. સંશોધકોએ તેને સોશિયલ બબલ નામ આપ્યું છે. સમગ્ર દુનિયામાં સૌથી વધારે ચર્ચા ન્યુઝીલેન્ડના 'સોશિયલ બબલ'  મોડેલની થઈ રહી છે. બ્રિટનના પ્રધાનમંત્રી બોરિસ જ્હોનસે પણ આ મોડેલને અપનાવવાની વાત કરી છે. ઓક્સફોર્ડ યુનિવર્સિટીએ સોશિયલ બબલ પર રિસર્ચ બાદ પોતાનો અભિપ્રાય વ્યક્ત કર્યો. સંશોધકો દ્વારા સમજો શું છે સોશિયલ બબલ અને તેની ગાઈડલાઈ-

શું છે સોશિયલ બબલઃ પરિવારના સભ્ય, મિત્ર અથવા કલીગને જે હંમેશાં મળતા હોય છે તેમના જૂથને સોશિયલ બબલ કહેવામાં આવે છે. લોકડાઉન દરમિયાન તેમને મળવાની મંજૂરી આપવાની વાત કહેવામાં આવી રહી છે. તેની શરૂઆત ન્યુઝીલેન્ડથી થઈ છે, આ પ્રયોગ સફળ રહ્યો છે. મળતી વખતે અંતર રાખવું જરૂરી છે. ઓક્સફોર્ડ યુનિવર્સિટીના રિસર્ચમાં જણાવ્યા પ્રમાણે, હંમેશાં લોકો નાનાં નાનાં ગ્રુમાં એક-બીજાને મળે તો વાઈરસના ચેપને ફેલાવવાથી રોકી શકાય છે.

ન્યુઝીલેન્ડનો સક્સેસ મંત્રઃ ન્યુઝીલેન્ડની વસ્તી 50 લાખથી પણ ઓછી છે. ફેબ્રુઆરીના અંતમાં અહીં કોરોનાએ પ્રવેશ કર્યો હતો. સરકારે આ અદૃશ્ય શત્રુ સામે લડવાની તૈયારી શરી કરી દીધી. મેડિકલ એક્સપર્ટની સાથે 4 પોઈન્ટનો કાર્યક્રમ બનાવ્યો. તેમાં 43 પોઈન્ટ હતા. તેમાં સોશિયલ બબલ પણ એક મહત્ત્વનો પોઈન્ટ હતો. અહીં 7 સપ્તાહનું કડક લોકડાઉન કરવામાં આવ્યું હતું. દર અઠવાડિયે સમીક્ષા કરવામાં આવતી. દેશમાં કુલ 1154 કેસ સામે આવ્યા અને માત્ર 22 લોકોના મોત થયા હતા.

સમજો સોશિયલ ડિસ્ટન્સિંગ અને સોશિયલ બબલ વચ્ચેનો તફાવતઃ સંશોધકોના જણાવ્યા અનુસાર, સોશિયલ ડિસ્ટન્સિંગમાં લોકોને ભીડ અથવા સમૂહમાં રહેવાની મંજૂરી નથી હોતી તેથી એક બીજાના સંપર્કમાં લોકો નથી આવતા. જ્યારે સોશિયલ બબલમાં ઘરમાં જ પરિવારના સભ્યો, મિત્ર અથવા કલીગને મળવાની મંજૂરી હોય છે પરંતુ વાત કરતા સમયે તેમની વચ્ચે પર્યાપ્ત અંતર હોય છે. 

કેમ જરૂરી છે આ મોડલઃ લંડન સ્કૂલ ઓફ ઈકોનોમિક્સ એન્ડ પોલિટિકલ સાયન્સના રિસર્ચમાં જણાવ્યા પ્રમાણે, આ મોડેલ એવા લોકોને રાહત આપશે જે સંક્રમણના હાઈ રિસ્ક ઝોનમાં રહે છે અને તેમને વધારે સંભાળની જરૂર છે. અથવા એકલા આઈસોલેશવમાં છે અને તેમને મદદની જરૂર છે. સંશોધકોના જણાવ્યા પ્રમાણે, કેટલાક લોકો એવા છે કે જે લોકડાઉનના કારણે તણાવમાં છે અથવા તેમની આર્થિક સ્થિતિ સારી નથી, તેમને પરિવારનો સાથે મળે તો પરિસ્થિતિને સુધારી શકાય છે. 

આઈસોલેશન કરતાં અંતર રાખવું વધારે સારુંઃ સોશિયલ બબલ પર ઓક્સફોર્ડ યુનિવર્સિટીનું રિસર્ચ નેચર હ્યુમન બિહેવિયર જર્નલમાં પ્રકાશિત કરવામાં આવ્યું છે. સંશોધક પ્રો. મેલિંડાના જણાવ્યા પ્રમાણે, આઈસોલેશન કરતાં વધારે સારું છે અંતર જાળવવાનું. આ રીતે લાંબા સમય સુધી કોરોના ચેપનો ગ્રાફ વધતા અટકાવી શકાય છે.

કયા દેશોએ મોડેલ અપનાવ્યું: કેટલાક દેશોમાં સોશિયલ બબલનું મોડેલ અપનાવવામાં આવ્યું છે અને કેટલાક દેશોમાં તેની તૈયારી ચાલી રહી છે. જેમ કે, જર્મની અને ન્યુઝીલેન્ડમાં તેને લાગુ કરવામાં આવ્યું છે અને બ્રિટનના પ્રધાનમંત્રી બોરિસ જ્હોનસે પણ તેને પોતાના દેશમાં અપનાવવાની વાત કરી છે. 

માર્કેટમાં પણ સોશિયલ બબલથી ઈનોવેશનઃ આ નવા કોન્સેપ્ટ પર કંપનીઓ ઈનોવેટિવ પ્રોપ્સ અને ડિવાઈસ બનાવી રહી છે. તેમનું ધ્યાન લોકોના જીવન બચાવના આઈડિયા પર છે અને એવી પ્રોડક્ટરની માંગ વધી રહી છે જેનાથી સોશિયલ ડિસ્ટન્સિંગ જાળવી શકાય. તસ્વીર ઈટાલીના એક પાર્કની છે જ્યાં સેન્ટ્રો બેન્ઝિની કંપની દ્વારા બનાવવામાં આવેલા ફાઈબરના બબલનુમા ઘેરામાં પોતાના પરિવાર અને મિત્રોની સાથે એકબીજાથી અંતર રાખીને બેસે છે

અન્ય સમાચારો પણ છે...