• Home
  • Coronavirus
  • Hydroxychloroquine treatment increases the risk of death in coronavirus patients, US President Donald Trump has said.

રિસર્ચ / હાઈડ્રોક્સીક્લોરોક્વીન દવાની સારવારથી કોરોનાવાઈરસના દર્દીઓમાં મૃત્યુનું જોખમ વધારે

X

  • અમેરિકાના પ્રેસિડન્ટ ડોનાલ્ડ ટ્રમ્પે આ દવાના ઉપયોગ પર ભાર આપ્યો હતો
  • હાઈડ્રોક્સીક્લોરોક્વીન દવા લઈ રહેલા કોરોનાવાઈરસના દર્દીઓમાં અન્ય દર્દીઓ કરતાં 34% મૃત્યુનું જોખમ
  • હાર્વર્ડ મેડિકલ સ્કૂલ, બ્રિઘમ એન્ડ વુમન્સ હોસ્પિટસ સહિતની અનેક સંસ્થાઓ દ્વારા આ રિસર્ચ કરવામાં આવ્યું
  • રિસર્ચમાં 20 ડિસેમ્બર 2019થી 14 એપ્રિલ 2020 સુધી વિવિધ 6 ખંડના કુલ 96,032 લોકો પર અભ્યાસ કરવામાં આવ્યો
  • હાઈડ્રોક્સીક્લોરોક્વીન દવાને અમેરિકાની મેડિકલ સંસ્થા ફૂડ એન્ડ ડ્રગ એડમિનિસ્ટ્રેશન દ્વારા કોરોનાવાઈરસની સારવાર માટ મંજૂરી અપાઈ નથી

દિવ્ય ભાસ્કર

May 23, 2020, 07:21 PM IST

કોરોનાવાઈરસની રસી અને ચોકક્સ દવા શોધવા માટે દુનિયાભરમાં અથાક પ્રયાસો ચાલી રહ્યા છે. માર્ચ મહિનામાં પ્રકાશિત થયેલાં ફ્રેન્ચ વૈજ્ઞાનિકોના રિસર્ચમાં મલેરિયાની સારવારમાં ઉપોયોગી હાઈડ્રોક્સીક્લોરોક્વીનનો ઉપયોગ કોરોનાવાઈરસની સારવારમાં પણ થઈ શકે તેવું કહેવાયું હતું, પરંતુ પ્રખ્યાત ઈન્ટરનેશનલ મેડિકલ જર્નલ ‘લાન્સેટ ’માં પ્રકાશિત થયેલાં એક રિસર્ચ પ્રમાણે કોરોનાવાઈરસના દર્દીઓની સારવાર હાઈડ્રોક્સીક્લોરોક્વીનથી કરવા પર મૃત્યુનું જોખમ વધે છે. આ એજ દવા છે જેના પર અમેરિકાના પ્રેસિડન્ટ ડોનાલ્ડ ટ્રમ્પે ટ્વીટ કરી દુનિયાભરનું આકર્ષણ લીધું હતું.

રિસર્ચ

  • આ રિસર્ચ હાર્વર્ડ મેડિકલ સ્કૂલ, બ્રિઘમ એન્ડ વુમન્સ હોસ્પિટસ સહિતની અનેક સંસ્થાઓ દ્વારા કરવામાં આવ્યું છે.

  • રિસર્ચમાં 20 ડિસેમ્બર 2019થી 14 એપ્રિલ 2020 સુધી વિવિધ 6 ખંડના કુલ 96,032 લોકો પર અભ્યાસ કરવામાં આવ્યો હતો.
  • તેમાંથી 14,888 કોરોનાવાઈરસના દર્દીઓને હાઈડ્રોક્સીક્લોરોક્વીન અથવા ક્લોરોક્વીન, અથવા તેની સાથે મેક્રોલાઈડ એન્ટિબાયોટિક દવા આપવામાં આવી હતી. અન્ય 81,144 દર્દીઓની સારવાર અન્ય રીતે કરવામાં આવી હતી.
  • રિસર્ચમાં સામેલ કુલ દર્દીઓમાંથી 10,700 લોકો મૃત્યુ પામ્યા હતાં.
  • આ રિસર્ચ અનુસાર, જે લોકોની સારવાર હાઈડ્રોક્સીક્લોરોક્વીનથી થઈ હતી તે લોકોનો મૃત્યુનું જોખમ 34% વધારે જોવા મળ્યું હતું અને હૃદય સંબંધિત બીમારીનું જોખમ 137% વધારે જોવા મળ્યું હતું.
  • જોકે વૈજ્ઞાનિકોએ આ તારણ ઉંમર, જાતિ, સ્વાસ્થ્યની પરિસ્થિતિ સહિતના પરિબળોને આધારે નક્કી કર્યું છે.
  • રિસર્ચમાં સામેલ વૈજ્ઞાનિકો અનુસાર આ મામલે હજું મોટા પાયે રિસર્ચ થાય તેની આવશ્યકતા છે.

થોડા દિવસ અગાઉ જ ડોનાલ્ડ ટ્રમ્પે જણાવ્યું હતું કે તેઓ વાઈરસથી બચવા માટે  હાઈડ્રોક્સીક્લોરોક્વીન લઈ રહ્યા છે

  • મલેરિયાની સારવારમાં ઉપયોગી આ દવા અને કોરોનાવાઈરસની સારવાર માટેના અનેક રિસર્ચ સામે આવી ચૂક્યા છે. પ્રથમ વાર ફ્રેન્ચ વૈજ્ઞાનિકો દ્વારા કહેવાયું હતું કે આ દવા કોરોનાવાઈરસની સારવારમાં ઉપયોગી છે.

  • ત્યારબાદ અનેક વૈજ્ઞાનિકોએ આ વાતનું ખંડન પણ કર્યું હતું. આ દવાને અમેરિકાની મેડિકલ સંસ્થા FDA (ફૂડ એન્ડ ડ્રગ એડમિનિસ્ટ્રેશન) દ્વારા કોરોનાવાઈરસની સારવાર માટ મંજૂરી પણ મળી નથી. ‘જામા’ મેડિકલ જર્નલમાં પ્રકાશિત થયેલાં એક રિસર્ચ અનુસાર કોરોનાવાઈરસના દર્દીઓની સારવાર હાઈડ્રોક્સીક્લોરોક્વીન કરવાથી દર્દીઓમાં કાર્ડિયેક અરેસ્ટનું જોખમ વધે છે.
  •  થોડા દિવસ અગાઉ જ ડોનાલ્ડ ટ્રમ્પે જણાવ્યું હતું કે તેઓ વાઈરસથી બચવા માટે હાઈડ્રોક્સીક્લોરોક્વીન લે છે. ત્યારબાદ આ રિસર્ચ પ્રકાશિત થતાં વૈજ્ઞાનિકોમાં ગેરસમજણ ઊભી થઈ છે. ભારત સહિત અનેક દેશોમાં આ દવાનો ઉપયોગ કોરોનાવાઈરસની સારવારમાં કરવામાં આવી રહ્યો છે.

Next Stories

    ની  સંપૂર્ણ વાંચનસામગ્રી