• Home
  • Coronavirus
  • Heart damage and inflammation of the heart were reported in 79 out of 100 patients after corona infection, with 80% having heart related problems after recovering from corona.

રિસર્ચ / કોરોનાનો ચેપ લાગ્યા બાદ 100માંથી 79 દર્દીઓમાં હાર્ટ ડેમેજ અને હૃદયમાં સોજો આવવાની ફરિયાદ નોંધાઈ, કોરોનામાંથી રિકવર થયા બાદ 80%ને હૃદય સંબંધિત સમસ્યાઓ શરૂ

Heart damage and inflammation of the heart were reported in 79 out of 100 patients after corona infection, with 80% having heart related problems after recovering from corona.
X
Heart damage and inflammation of the heart were reported in 79 out of 100 patients after corona infection, with 80% having heart related problems after recovering from corona.

  • સંશોધકોના જણાવ્યાનુસાર, ચેપ લાગ્યા બાદ શરીરમાં ઓક્સિજનની સમસ્યા પેદા થાય છે જેના કારણે હૃદયને ઘણા અવયવો સુધી લોહી પહોંચાડવામાં મહેનત કરવી પડે છે
  • ચેપ વધી જાય તો હૃદય પર આ દબાણ વધે છે તેથી, હાર્ટના ટિશ્યૂ નબળા પડવા લાગે છે અને સમસ્યાઓ વધવા લાગે છે

દિવ્ય ભાસ્કર

Jul 31, 2020, 09:26 AM IST

કોરોનામાંથી સ્વસ્થ થયા પછી પણ વાઇરસના ચેપની અસર શરીરમાં લાંબા સમય સુધી જોઈ શકાય છે. અમેરિકન મેડિકલ એસોસિએશન જર્નલના રિસર્ચમાં આ વાત સામે આવી છે. આ સંશોધનમાં જણાવ્યા મુજબ, કોરોનામાંથી રિકવર થયા બાદ 80% લોકોમાં હૃદયની સમસ્યાઓ જોવા મળી છે. આ રિસર્ચ એપ્રિલથી જૂન દરમિયાન થયું હતું. આમાં કોરોનાના એવા દર્દીઓ સામેલ હતા જેઓ પહેલા તંદુરસ્ત હતા અને તેમની ઉંમર 40 થી 50 વર્ષ હતી.

100 દર્દીઓ પર રિસર્ચ કરાયું

સંશોધકોના જણાવ્યા અનુસાર, કોરોનાથી પીડિત 100 લોકો પર આ રિસર્ચ કરાયું હતું. આમાંથી 67 દર્દીઓ એવા હતા જેઓ એસિમ્પ્ટોમેટિક હતા અથવા ખૂબ હળવા લક્ષણો ધરાવતા હતા. અન્ય 23 દર્દીઓને હોસ્પિટલમાં દાખલ કરવામાં આવ્યા હતા. દર્દીઓના હૃદય પર કોરોના શું અસર કરે છે તે જાણવા માટે MRI, બ્લડ ટેસ્ટ અને હાર્ટ ટિશ્યૂની બાયોપ્સી કરવામાં આવી હતી.

78% દર્દીઓમાં હૃદય પર સોજો જોવા મળ્યો

સંશોધક ક્લાઉડ ડબલ્યુ યેન્સીના જણાવ્યા અનુસાર, રિસર્ચમાં 100માંથી 78 દર્દીઓમાં હાર્ટ ડેમેજ અને હાર્ટ સોજો જોવા મળ્યો છે. આ રિસર્ચને સર્ટિફિકેટ મળ્યા બાદ એવી બધી બાબતો જાહેર થવાની બાકી છે જે ભવિષ્યમાં શરીરના ભાગોને કેટલી અસર કરશે તે જણાવશે. જેટલો વધારે ચેપ વધશે ભવિષ્યમાં એટલી વધારે સાઇડ ઇફેક્ટનું જોખમ પણ વધશે.

બ્રિટનમાં કરવામાં આવેલા રિસર્ચમાં પણ એ જ જાણવા મળ્યું કે, કોરોનાના 1216 દર્દીઓમાં ચેપ લાગ્યા બાદ તેમને હૃદય સંબંધિત સમસ્યાઓ થવા લાગી. 15% દર્દીઓમાં હૃદય સંબંધિત એવા કોમ્પ્લિકેશન્સ સામે આવ્યા જે બહુ ગંભીર હતા અને જીવલેણ પણ હતા.

હૃદયને કેમ અસર થઈ રહી છે?

વૈજ્ઞાનિકો એ જાણવાનો પ્રયાસ કરી રહ્યા છે કે દર્દીઓ પર લાંબા સમય સુધી કોરોનાની આડઅસરો શા માટે જોવા મળે છે. તેમનું કહેવું છે કે, કોરોના સીધી દર્દીઓના ફેફસાંને અસર કરે છે. જેના કારણે શરીરમાં ઓક્સિજનના સ્તરને અસર પહોંચે છે. આ સ્થિતિમાં લોહીને અન્ય અવયવો સુધી પહોંચાડવા માટે ઘણી મહેનત કરવી પડે છે. સતત દબાણ આવવાને કારણે હૃદયના ટિશ્યૂ નબળા થવા લાગે છે અને હૃદયરોગને લગતા કેસો ઉભા થાય છે.

Next Stories

    ની  સંપૂર્ણ વાંચનસામગ્રી