કોરોના વેક્સિન પહેલાં રિહર્સલ:33 રાજ્યોના 736 જિલ્લામાં ડ્રાઈ રન, સ્વાસ્થય મંત્રીએ કહ્યું- આગામી થોડા દિવસોમાં વેક્સિન શરૂ થઈ જશે

દેશના 33 રાજ્યોના 736 જિલ્લામાં આજે કોરોના વેક્સિનેશનના ડ્રાઈ રનનો બીજો ફેઝ ચાલી રહ્યો છે. તેનો હેતુ એ છે કે, રિયલ વેક્સિનેશન શરૂ થાય એ પહેલાં ખ્યાલ આવી જાય કે આગામી સમયમાં શું-શું તકલીફ આવી શકે છે. સ્વાસ્થય મંત્રી ડૉ. હર્ષ વર્ધને ડ્રાય રનની તપાસ કરવા આજે તમિલનાડુની મુલાકાતે ગયા છે. તેમણે કહ્યું કે, આગામી થોડા દિવસોમાં અમે દેશના લોકોને કોરોના વેક્સિન આપવાની શરૂઆત કરી દઈશું.

ડ્રાઈ રન કેવી રીતે ચાલી રહી છે?

2જી જાન્યુઆરીએ થઈ હતી પહેલી ડ્રાઈ રન
ગયા સપ્તાહમાં 125 જિલ્લાના 285 સેન્ટર્સ પર પહેલાં ફેઝની ડ્રાઈ રન કરવામાં આવી હતી. મોટા ભાગના રાજ્યોમાં આ રિહર્સલ ઠીક-ઠાક રહેશે. અમુક જગ્યાઓ પર ખામી જોવા મળી હતી. ભોપાલમાં 5 ખામી જોવા મળી હતી.
1. વેક્સિનેશનની માહિતીપોર્ટલ પર નોંધાવા માટે માહિતી મેન્યુએલી આપવી પડશે.
2. ઘણાં સ્વાસ્થ્યકર્મી રજિસ્ટર્ડ મોબાઈલ નંબર લઈને નહતા પહોંચ્યા. આ સંજોગોમાં વેક્સિન લગાવ્યા પછી તેમને જે SMS મળ્યો તે તેઓ દેખી ન શક્યા.
3. ઓબ્ઝર્વેશ રૂમમાં ભીડ થઈ ગઈ.
4. ઠંડીના કારણે ઘણાં લોકો સ્વેટર, જેકેટ અને ફૂલ સ્લીવના કપડાં પહેરીને આવ્યા હોવાથી વેક્સિનેશનમાં વાર લાગી.
5. વેક્સિનેશન દરમિયાન સોશિયલ ડિસ્ટન્સિંગ ન દેખાયું.