ફાઇનાન્સિયલ પ્લાનિંગ / સેવિંગ્સ, ઇન્વેસ્ટમેન્ટ, ફાઇનાન્સિયલ પ્લાનિંગ સાથે જોડાયેલા મહત્વના નિયમો 

divyabhaskar.com

Jan 28, 2019, 12:21 PM IST
Important rules related to savings, investment, financial planning
X
Important rules related to savings, investment, financial planning

  • 25 વર્ષની ઉંમરે તો તમારે 25 ટકા ડેટ ઇન્સ્ટ્રુમેન્ટમાં અને 75 ટકા ઇક્વિટી ઇન્સ્ટ્રુમેન્ટમાં ઇન્વેસ્ટમેન્ટ કરવું જોઇએ
  • 100માંથી 99 રોકાણકારોના કિસ્સામાં સૌથી મોટો ઇએમઆઇ હોમલોનનો હોય છે 
  • તમારી વાર્ષિક આવકના 50 ટકાથી વધુ કિંમતની કાર ખરીદવી નહિં

બિઝનેસ ડેસ્ક(મહેશ ત્રિવેદી). જીવનમાં દરેક વ્યક્તિ કોઇને  કોઇ નિયમ બનાવે છે. ઘણાં મજાકમાં પણ એવું કહેતાં હોય છે કે, આપણો તો એક જ નિયમ છે કે, કોઇ નિયમ જ નહિં લેવાનો.....!! પરંતુ ફાઇનાન્સિયલ પ્લાનિંગ જો નિયમ, પદ્ધતિ અને જરૂરિયાત અનુસાર નહિં કરો તો નહિં જ ચાલે.....એક ફાઇનાન્સિયલ એડવાઇઝરના શબ્દોમાં કહીએ તો, નિયમો એવાં લોકો માટે છે કે, જેઓ તમામ પાસાઓનો વિચાર કર્યા સિવાય નિર્ણયો લેવા ઇચ્છતા હોય છે. 

ફાઇનાન્સિયલ પ્લાનિંગ વીથ ટોપ ટેન રૂલ્સ...

1.100માંથી 95 ટકા રોકાણકારોનો કોમન પ્રશ્ન હોય છે કે એસેટે એલોકેશન કેવી રીતે કરવું. ઇક્વિટીમાં રોકાણ કરવું કે નહિં અને કરવું તો કેટલું કરવું.... 
એવો સર્વ સામાન્ય નિયમ છે કે, તમારી જેટલી ઉંમર હોય તેટલાં પ્રમાણમાં ડેટ ઇન્સ્ટ્રુમેન્ટ્સમાં ઇન્વેસ્ટ કરો ઉદાહરણ તરીકે તમારી ઉંમર 25 વર્ષની છે તો તમારે 25 ટકા ડેટ ઇન્સ્ટ્રુમેન્ટમાં અને 75 ટકા ઇક્વિટી ઇન્સ્ટ્રુમેન્ટમાં ઇન્વેસ્ટમેન્ટ કરવું જોઇએ. ઉલ્લેખનીય છે કે, દરેક રોકાણકારે તેમની આર્થિક સ્થિતિ, જોખમ ઉઠાવવાની ક્ષમતા, જવાબદારીઓ અને સગવડ સહિત સંખ્યાબંધ બાબતોને ધ્યાનમાં રાખીને આ નિયમમાં ફેરફાર કરવાનો હોય છે. પરંતુ સાવ મૂડીરોકાણ કરવાની જરૂર જ નથી તેવું સમજી લેવાની જરૂર નથી. 
ઇમર્જન્સી ફંડ કેટલું હોવું જોઇએ
2.અચાનક કમાણી બંધ કે ઓછી થઇ જવી, મેડિકલ ઇમર્જન્સી સહિતના આકસ્મિક ખર્ચના કિસ્સાઓમાં ઇમર્જન્સી ફંડ કામ આવે છે. તમારા માસિક ખર્ચના 6 માસ જેટલું ઇમર્જન્સી ફંડ હોવું જોઇએ. સરકારી કર્મચારીઓએ 3 માસ, ખાનગી કર્મચારીઓએ 6 માસ અને ધંધો વ્યવસાય કરતા લોકોએ 12 માસ સુધીનું ઇમર્જન્સી ફંડ રાખવું જોઇએ. આ ફંડનો તમે રોજિંદી જરૂરિયાતો માટે ઉપયોગ કરી શકતાં નથી. ઇમર્જન્સી મતલબ તમે ચાહો ત્યારે તમારા હાથમાં આવી જાય તેવું ફંડ... 
રિટાયરમેન્ટ માટે કેટલું ફંડ જોઇએ
3.જો તમે 60 વર્ષની વયે રિટાયર થવાના હોય તો તે સમયની તમારી મન્થલી ઇન્કમના એટલિસ્ટ 80 ટકા સુધી મન્થલી રેવન્યુ જનરેટ થઇ શકે તેટલું રિટાયરમેન્ટ કોર્પસ હોવું જરૂરી છે. ધારોકે તમે 60માં વર્ષે છેલ્લી માસિક કમાણી રૂ. 1 લાખ કરી હોય તો તમારા હાથમાં દર મહિને રૂ. 80 હજાર આવવા જોઇએ.
રિટાયરમેન્ટ ગોલ એચીવ કરવા કેટલું રોકાણ
4.નવી જનરેશન ધીરે ધીરે પ્લાન્સ સાથે આગળ વધી રહી છે. ધારોકે તમે 25 વર્ષની વયે કમાણીની શરૂઆત કરો છો. તો તમારે 10 ટકા રકમ રિટાયરમેન્ટ માટે ફાળવવી જોઇએ. પરંતુ જો તમે વહેલું રિટાયરમેન્ટ ઇચ્છતા હોય તો 20 ટકાથી શરૂઆત કરો. 
ઇન્સ્યોરન્સ કેટલો હોવો જોઇએ
5.તમારી વાર્ષિક કમાણીના એટલિસ્ટ 10 ગણો ઇન્સ્યોરન્સ હોવો જોઇએ. ઇન્સ્યોરન્સ એ તમારા ગોલ્સ, જવાબદારીઓ કે ભવિષ્યના ખર્ચનું સાધન સમજવાની ભૂલ કરવી નહિં. 
કમાણીના પ્રમાણમાં લોન કેટલી લેવી
6.100માંથી 99 રોકાણકારોના કિસ્સામાં સૌથી મોટો ઇએમઆઇ હોમલોનનો હોય છે. હોમલોન ઇએમઆઇ તમારી ઇન્કમના 30 ટકાથી વધુ ના હોવો જોઇએ. તમામ લોનનો ઇએમઆઇ તમારી માસિક કમાણીના 40 ટકાથી વધુ ના હોવો જોઇએ. જેમ જેમ રિટાયરમેન્ટ નજીક આવે તેમ તેમ તે ઓછો અને છેલ્લે શૂન્ય થવો જોઇએ. 
કાર કોણે, ક્યારે ખરીદવી જોઇએ
7.મકાન પછી સૌથી મોટી ખરીદી કારની હોય છે. પરંતુ સવારે રૂ. 10 લાખમાં ખરીદેલી કારની કિંમત શોરૂમમાંથી બહાર નીકળ્યા પછી રૂ. 8-9 લાખની થઇ જાય છે. પાંચ વર્ષ પછી તો અડધી પણ નહિં, માટે તમારી વાર્ષિક આવકના 50 ટકાથી વધુ કિંમતની કાર ખરીદવી નહિં, મિનિમમ 20 ટકા ડાઉનપેમેન્ટ કેપેસિટી હોય તો જ ખરીદો. 4 વર્ષથી વધુ અને કમાણીના 10 ટકાથી વધુ ઇએમઆઇ ના આવે તેની કાળજી રાખો. 
કેટલાં વર્ષમાં મૂડી ડબલ થવી જોઇએ
8.ખૂબજ સાદો અને સામાન્ય નિયમ છે, રેટ ઓફ રિટર્નને 72 વડે ભાગો એટલાં વર્ષમાં મૂડી ડબલ થવી જોઇએ. ધારોકે તમે વાર્ષિક 12 ટકાના દરે રિટર્ન ઇચ્છતાં હોય તો, 72/12= 6 અર્થાત્ છ વર્ષમાં મૂડી ડબલ થાય. રેટ ઓફ રિટર્ન કેટલો ઇચ્છો છો તેની ઉપર તમારા મૂડીરોકાણનો પ્રકાર નક્કી થાય છે. 
ફુગાવાના રાક્ષસને ધ્યાનમાં રાખો
9.તમારી મૂડીનો સૌથી મોટો દુશ્મન મોંઘવારી છે. રૂલ ઓફ 70 મુજબ 70ને મોંઘવારીના દર વડે ભાગશો તેટલાં વર્ષમાં તમારી મૂડી અડધી થઇ જશે. ઉદાહરણ તરીકે મોંઘવારીનો દર 7 ટકા ગણીએ તો 10 વર્ષે તમારી રૂ. 100ની નોટ જો તિજોરીમાં જ પડી રહેશે તો તેનું મૂલ્ય રૂ. 50 થઇ ગયું હશે. 
ભારતીય રોકાણકારના પરિપ્રેક્ષ્યમાં
10.અમેરીકન ફાઇનાન્સિયલ પ્લાનિંગ અનુસાર લોંગટર્મ ઇન્વેસ્ટમેન્ટ કરો તો ઇક્વિટીમાં 10 ટકા, એફડીમાં 5 ટકા અને લિક્વિડ ફંડમાં 3 ટકા આસપાસ નેટ રિટર્ન છૂટવું જોઇએ. ભારતીય અર્થતંત્ર, એવરેજ 7 ફુગાવાની સ્થિતિ જોતાં આ રૂલને મોડીફાઇ કરીએ તો 15/7.5/6 કહી શકાય. અર્થાત્ લાંબાગાળાનું મૂડીરોકાણ કરેલું હોય તો ઇક્વિટીમાં 15 ટકા, બેન્ક એફડીમાં 7.5 ટકા અને શોર્ટટર્મ (લિક્વિડ ફંડ્સમાં) 6 ટકા નેટ રિટર્ન (ફુગાવા+ ઇન્કમટેક્સ+ઇન્વેસ્ટમેન્ટ કોસ્ટ ઇફેક્ટ બાદ) મળવું જોઇએ. 
COMMENT

Next Stories

    ની  સંપૂર્ણ વાંચનસામગ્રી