તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Business
  • Wealth Of Gautam Adani Gained By Rs 45,700 Crore In A Year, Total Wealth Of The Top 10 Richest People In Gujarat Is Over Rs 3 Lakh Crore

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ગુજરાતના ધનકુબેરો:12 નવા અબજોપતિઓનો ઉમેરો, અદાણીની સંપત્તિ રૂ. 45,700 કરોડ વધી; બાલાજી વેફર્સના વિરાણીબંધુઓ રૂ. 8900 કરોડના માલિક

અમદાવાદ2 મહિનો પહેલા
  • કૉપી લિંક
  • ગુજરાતમાં રૂ. 1000 કરોડથી વધુ સંપત્તિ ધરાવતા 59 લોકો
  • રાજ્યના અમીરોની સંપત્તિમાં 3%થી 52% સુધીનો વધારો

હુરુન રિપોર્ટ ઇન્ડિયા અને ઇન્ડિયા ઇન્ફોલાઇન ફાઈનાન્સ લિમિટેડ (IIFL) વેલ્થે આજે ઇન્ડિયા રિચ લિસ્ટ 2020ની યાદી બહાર પાડી છે. આ લિસ્ટ મુજબ, ગુજરાતમાં 49 લોકો એવા છે જેમની વેલ્થ રૂ. 1000 કરોડથી વધુ છે. આ યાદીમાં રૂ. 1.40 લાખ કરોડની વેલ્થ સાથે અદાણી ગ્રુપના ચેરમેન ગૌતમ અદાણીનું નામ સૌથી ઉપર છે, જયારે રૂ. 33,800 કરોડ સાથે નિરમાના કરસન પટેલ બીજા ક્રમે અને ઝાયડસ ગ્રુપના પંકજ પટેલ રૂ. 33,700 કરોડ સાથે ત્રીજા ક્રમે છે.

ગુજરાતના ટોપ-20 ધનકુબેરો

નામસંપત્તિ (રૂ.)કંપની
ગૌતમ અદાણી

1.40 લાખ કરોડ

અદાણી ગ્રુપ
કરસન પટેલ33,800 કરોડનિરમા
પંકજ પટેલ33,700 કરોડઝાયડસ
સમીર મહેતા21,900 કરોડટોરન્ટ ફાર્મા
સુધીર મહેતા21,900 કરોડટોરન્ટ ફાર્મા
ભદ્રેશ શાહ11,600 કરોડ

AIA એન્જિનિયરિંગ

બિનિશ ચુડગર10,600 કરોડઇન્ટાસ ફાર્મા
નિમિશ ચુડગર10,600 કરોડઇન્ટાસ ફાર્મા
ઉર્મિશ ચુડગર10,600 કરોડઇન્ટાસ ફાર્મા
સંદીપ એન્જિનિયર9,500 કરોડએસ્ટ્રલ સ્ટેરિટેક
હસમુખ ચૂડગર6,900 કરોડઇન્ટાસ ફાર્મા
દર્શન પટેલ5,400 કરોડવિની કોસ્મેટિક
અચલ બકેરી5,000 કરોડસિમ્ફની
રાજીવ મોદી4,800 કરોડકેડિલા ફાર્મા
પ્રકાશ સંઘવી3,600 કરોડરત્નમણી મેટલ્સ
ભીખાભાઈ વિરાણી3,300 કરોડબાલાજી વેફર્સ
અમિત બક્ષી3,000 કરોડએરિસ લાઇફ સાયન્સ
કાનજીભાઇ વિરાણી2,800 કરોડબાલાજી વેફર્સ
ચંદુભાઈ વિરાણી2,800 કરોડબાલાજી વેફર્સ
અશ્વિન ગાંધી2,600 કરોડએશિયન પેઈન્ટ્સ

ગુજરાતના અમીરોની સંપત્તિમાં 52%નો વધારો
રિપોર્ટ મુજબ છેલ્લા એક વર્ષમાં ગુજરાતના અમીરોની સંપત્તિમાં 3%થી 52% સુધીનો વધારો થયો છે. ગૌતમ અદાણીની સંપત્તિ આ એક વર્ષમાં રૂ. 45,700 કરોડનો વધારો થયો છે. તેવી જ રીતે પંકજ પટેલની વેલ્થ 52% વધી છે. ટોરન્ટ ફાર્માના સુધીર અને સમીર મહેતાની સંપત્તિમાં 38%નો વધારો થયો છે.

અમીરોની યાદીમાં 12 નવા લોકોનો સમાવેશ
હુરુન રિપોર્ટ ઇન્ડિયા અને ઇન્ડિયા ઇન્ફોલાઇનના ઇન્ડિયા રિચ લિસ્ટમાં ગુજરાતમાં 12 નવા લોકોનો સમાવેશ થયો છે. આ યાદીમાં એસ્ટ્રલ સ્ટેરિટેક દુષ્યંત પટેલ, કોરોના રેમેડીઝના ક્રિતીકુમાર મહેતા, પારસ ફાર્માના ગિરીશ પટેલ સહિતનાં નામો છે. આ તમામની કુલ સંપત્તિ રૂ. 15,700 કરોડ જેટલી થાય છે.

ટોપ-10 ભારતીય અમીરોમાં 5 ગુજરાતી
IIFL હુરુન રિપોર્ટ ઇન્ડિયાએ ભારતીય અમીરોની જે યાદી બહાર પાડી છે એમાં ટોપ-10 ભારતીય અમીરોમાં 5 ગુજરાતી છે. આમાં સૌથી ઉપર રિલાયન્સના મુકેશ અંબાણી છે. આ સિવાય આ યાદીમાં ગૌતમ અદાણી, અઝિમ પ્રેમજી, ઉદય કોટક અને દિલીપ સંઘવી પણ છે. ટોપ-10 રિચેસ્ટ ભારતીયોની કુલ સંપત્તિ રૂ. 17.02 લાખ કરોડ છે, જેમાંથી 63.65% એટલે કે રૂ. 10.83 લાખ કરોડ ગુજરાતીઓની સંપત્તિ છે.

ગુજરાતમાં ફાર્મા સેક્ટરમાં સૌથી વધુ અમીરો
લિસ્ટ મુજબ ગુજરાતમાં રૂ. 1,000 કરોડથી વધુ વેલ્થ ધરાવતા કુલ 59 લોકો છે. આમાંથી 18 લોકો ફાર્માસ્યુટિકલ સેક્ટર સાથે સંકળાયેલા છે. જ્વેલરી સેક્ટરમાંથી 11 લોકો, ફૂડ અને બેવરેજીસ ક્ષેત્રમાંથી 7 અને કન્સ્ટ્રકશન અને એન્જિનિયરિંગ સેકટરમાંથી 4 લોકો છે.

ક્યાં શહેરમાં કેટલા ધનાઢ્યો રહે છે

  • અમદાવાદ- 38
  • સુરત-11
  • રાજકોટ-7
  • વડોદરા-3
  • મુંબઈ-217
  • દિલ્હી-128
  • બેંગ્લુરુ-67
  • હૈદરાબાદ-51
  • ચેન્નઈ-37
  • કોલકાતા-32
  • પુણે-21

આજનું રાશિફળ

મેષ
Rashi - મેષ|Aries - Gujarati News
મેષ|Aries

પોઝિટિવઃ- આ સમય વિવેક અને ચતુરાઈથી કામ લેવાનો છે. તમારા છેલ્લાં થોડા સમયથી અટવાયેલાં કામ આજે પૂર્ણ થશે. બાળકના કરિયર અને અભ્યાસને લગતી કોઇ સમસ્યાનું પણ સમાધાન મળી શકશે. નેગેટિવઃ- રૂપિયા-પૈસાના મામલ...

વધુ વાંચો