ફરી બેબી પાઉડર વેચી શકશે જોનસન:બોમ્બે હાઇકોર્ટે મહારાષ્ટ્ર સરકારના આદેશને કર્યો રદ્દ

મુંબઇ હાઇકોર્ટે જોનસન એન્ડ જોનસન (J&J)ને રાહત આપતા કંપનીને તેના મુલુન્ડ પ્લાન્ટમાં બનનાર બેબી પાઉડરને વેચવાની અનુમતિ આપી છે. જોનસનના બેબી પાઉડર મેન્યુફેક્ચરિંગ લાઇસન્સને મહારાષ્ટ્ર સરકારે કેન્સલ કરી દીધું હતું. આ ચુકાદાને કંપનીએ બોમ્બે હાઇકોર્ટમાં પડકાર્યો હતો.

કોર્ટે પોતાના ચુકાદો સંભળાવતા કહ્યું હતું કે કોસ્મેટિક્સ પ્રોડક્ટની ક્વોલિટી અને સેફ્ટી સ્ટાન્ડર્ડને જાળવી રાખવું બહુ મહત્ત્વપૂર્ણ છે, પરંતુ કોઇ પ્રોડક્ટમાં મામૂલી ઊણપ હોવાથી આખી મેન્યુફેક્ચરિંગ પ્રોસેસને બંધ કરવી યોગ્ય નથી.

નવેમ્બરમાં આપ્યા હતા તપાસના આદેશ
આની પહેલાં નવેમ્બરમાં હાઇકોર્ટે J&Jના બેબી પાઉડર સેમ્પલની ફરીથી તપાસ કરવાના આદેશ આપ્યા હતા. જોનસનના બેબી પાઉડર મેન્યુફેક્ચરિંગ લાઇસન્સને મહારાષ્ટ્ર સરકારે કેન્સલ કરી દીધું હતું. આના આદેશ 15 અને 20 સપ્ટેમ્બરે આપ્યા હતા. પહેલા આદેશમાં મુલુન્ડ પ્લાન્ટમાં બેબી પાઉડર બનાવવાનું લાઇસન્સ કેન્સલ કરવામાં આવ્યું હતું. બીજા આદેશમાં મેન્યુફેક્ચરિંગ અને ડિસ્ટ્રિબ્યુશન રોકવા માટે પણ કહેવામાં આવ્યું હતું. હાઇકોર્ટે આ આદેશની વિરુદ્ધ કંપનીની અરજી પર સુનાવણી કરતા આ ચુકાદો સંભળાવ્યો છે.

2018માં સેમ્પલ લીધા, 2019માં રિપોર્ટ આવ્યો હતો
ડિસેમ્બર 2018માં એક તપાસ દરમિયાન FDAએ ક્વોલિટી ચેક માટે પૂના અને નાસિકથી J&Jના ટેલ્ક-આધારિત બેબી પાઉડરના સેમ્પલ લીધા હતા. એમાં મુલુન્ડ પ્લાન્ટમાં બનેલા સેમ્પલને 'સ્ટાન્ડર્ડ ક્વોલિટીના' નથી માનવામાં આવ્યાં હતાં.

2019માં આવેલા ટેસ્ટના રિઝલ્ટમાં કહેવામાં આવ્યું છે કે 'સેમ્પલ IS 5339: 2004 (સેકન્ડ રિવિઝન અમેન્ડમેન્ટ નંબર 3) ટેસ્ટ pHમાં બાળકો માટે ત્વચા પાઉડરનું સ્પેસિફિકેશનનું અનુપાલન નથી કરાતું.' બાદમાં કંપનીને ડ્રગ એન્ડ કોસ્મેટિક્સ એક્ટ, 1940 હેઠળ કારણ બતાઓ નોટિસ આપવામાં આવી હતી.

કંપનીને રોજનું 2.5 કરોડનું નુકસાન
કંપનીએ પોતાની અરજીમાં કહ્યું હતું કે ફેબ્રુઆરી, માર્ચ અને સપ્ટેમ્બર 2022ની 14 રેન્ડમ બેન્ચોનું એક ઇન્ડિપેન્ડન્ટ ટેસ્ટિંગ લેબોરેટરીમાં ટેસ્ટ કરવામાં આવ્યું હતું. બધા નિર્ધારિત પીએચ માનકની અંદર યોગ્ય રીતે જળવાઇ રહ્યા હતા. કંપનીએ કહ્યું કે તેઓ છેલ્લાં 57 વર્ષોથી મુલુન્ડ પ્લાન્ટમાં બેબી પાઉડર બનાવી રહ્યા છે. J&Jનું લાઇસન્સ જાન્યુઆરી 2020માં રિન્યૂ કરવામાં આવ્યું હતું. કંપનીએ દાવો કર્યો કે લાઇસન્સ રદ્દ થવાને કારણ તેને રોજનું 2.5 કરોડ રૂપિયાનું નુકસાન થઇ રહ્યું છે.

ટેલ્કથી કેન્સરનું જોખમ
ટેલ્કથી કેન્સરના ખતરાના આરોપ લાગતા રહે છે. હકીકતમાં જ્યાંથી ટેલ્કને માઇન કરીને નિકાળવામાં આવે છે, ત્યાંથી એસ્બેસ્ટસ પણ નીકળે છે. એસ્બેસ્ટસ (અબરક) પણ એક પ્રાકૃતિક રૂપે મેળવેલું સિલિકેટ મિનરલ છે. તે શરીરને નુકસાન પહોંચાડે છે. જ્યારે ટેલ્કની માઇનિંગ કરવામાં આવે છે તો તેમાં એસ્બેસ્ટસનો પણ મળવાનો ખતરો રહે છે.

બેબી ટેલ્કમ પાઉડર વેચવાનું બંધ કરશે J&J
વિતેલા દિવસોમાં જોનસન એન્ડ જોનસને કહ્યું હતું કે 2023 સુધી આખી દુનિયામાં પોતાનો બેબી ટેલ્કમ પાઉડર વેચવાનું બંધ કરી દેશે. J&Jનો ટેલ્કમ પાઉડર અમેરિકા અને કેનેડામાં 2020માં બંધ થઇ ચૂક્યો છે. હવે કંપની ટેલ્ક બેઝ્ડ પાઉડરની જગાએ કોર્નસ્ટાર્ચ બેઝ્ડ પાઉડર વેચશે.