સતત ત્રીજા દિવસે બજાર ઘટ્યું:સેન્સેક્સ 452 પોઈન્ટ ઘટીને 59,900 પર બંધ, નિફ્ટીમાં 127 પોઈન્ટનો ઘટાડો; IT શેર સૌથી વધુ તૂટ્યા

સપ્તાહના પાંચમા અને છેલ્લા ટ્રેડિંગ દિવસે એટલે કે શુક્રવારે (6 જાન્યુઆરી) ભારતીય શેરબજારમાં ઘટાડો જોવા મળ્યો હતો. સેન્સેક્સ 452 પોઈન્ટના ઘટાડા સાથે 59,900 પર બંધ રહ્યો હતો. નિફ્ટી 132 પોઈન્ટ ઘટીને 17,859 પર છે. બજારમાં સતત ત્રીજા દિવસે ઘટાડો નોંધાયો છે. સેન્સેક્સના 30 શેરોમાંથી 26માં ઘટાડો નોંધાયો હતો. તે જ સમયે, માત્ર 4 શેરોમાં વધારો જોવા મળ્યો હતો.

JSW સ્ટીલ-TCS ટોપ લુઝર
JSW સ્ટીલ, TCS, IndusInd Bank, Tech Mahindra, Bajaj Finance, Col India અને Kotak Bank સહિત 39 નિફ્ટી શેરોમાં ઘટાડો થયો હતો. બીજી તરફ બ્રિટાનિયા, રિલાયન્સ, M&M, BPCL, ONGC, નેસ્લે ઈન્ડિયા, બજાજ ઓટો અને ITC સહિત 11 નિફ્ટી શેરોમાં તેજી જોવા મળી હતી.

IT સેક્ટરમાં સૌથી વધુ 2%નો ઘટાડો
NSE પર 11 ક્ષેત્રીય સૂચકાંકોમાંથી 10માં ઘટાડો થયો હતો. IT સેક્ટરમાં સૌથી વધુ 2%નો ઘટાડો જોવા મળ્યો હતો. બેન્ક, ઓટો, ફાઇનાન્સિયલ સર્વિસ, ફાર્મા, પીએસયુ બેન્ક, પ્રાઇવેટ બેન્ક અને રિયલ્ટી, મીડિયા અને મેટલ સેક્ટરમાં પણ ઘટાડો નોંધાયો હતો. FMCG સેક્ટરમાં માત્ર થોડો વધારો જોવા મળ્યો હતો.

ગુરુવારે પણ ઘટાડા બાદ બજાર બંધ રહ્યું હતું
આ પહેલા ગુરુવારે (5 જાન્યુઆરી) પણ શેરબજારમાં ઘટાડો જોવા મળ્યો હતો. સેન્સેક્સ 304 પોઈન્ટ ઘટીને 60,353 પર બંધ રહ્યો હતો. નિફ્ટી 51 પોઈન્ટના ઘટાડા સાથે 17,992ના સ્તરે આવી ગયો હતો.