તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Business
  • Reliance Industries Falsified The Predictions Of All The Experts, Understand Every Aspect Of The Company's Results

ભાસ્કર એક્સપ્લેનર:રિલાયન્સ ઇન્ડસ્ટ્રીઝે બધા નિષ્ણાતોના અનુમાન ખોટા પાડ્યા, સમજો કંપનીના રિઝલ્ટના દરેક પાસા

મુંબઈ2 મહિનો પહેલા
  • કૉપી લિંક
  • RILના કુલ નફામાંથી BP ડીલની આવક બાદ કરીએ તો નફો ઘટી જાય છે
  • લોકડાઉનમાં રિટેલ અને પેટ્રોલિયમ બિઝનેસની આવકને અસર થઇ હતી

દેશની સૌથી મોટી કંપની રિલાયન્સ ઇન્ડસ્ટ્રીઝ લિમિટેડે (RIL) ગુરુવારે જૂન ક્વાર્ટરના નાણાકીય પરિણામો રજૂ કર્યા હતા. જોકે, આ પરિણામે બ્રોકરેજ હાઉસ અને વિશ્લેષકોએ આપેલા અગાઉના તમામ અંદાજોને ખોટું સાબિત કર્યું છે. અનુમાન હતું કે કંપનીના નફામાં નુકસાન થશે, પરંતુ કંપનીએ આશરે 30.6% વધુ નફો બતાવ્યો છે. આ બધું કેવી રીતે થયું તે આપણે આ ભાગોમાં સમજીએ છીએ. રિલાયન્સ એ દેશની સૌથી મોટી કંપની છે. આને પરિણામથી બધાને આંચકો લાગ્યો છે. તેનો નફો 30.6% વધીને રૂ. 13,248 કરોડ થયો છે. કોઈપણ કંપનીનો નફો એ ભાગ છે જે તમામ ખર્ચ, કર વગેરે બાદ કરતાં બચે છે.

નફો કેમ વધ્યો- રિલાયન્સને બ્રિટીશ પેટ્રોલિયમ સાથેની ડીલથી રૂ. 4,966 કરોડ મળ્યા છે. તેના કુલ નફામાંથી બાદ કરવામાં આવે તો કંપનીનો નફો રૂ. 8,277 કરોડ થાય છે. એટલે કે ગત વર્ષના જૂન ત્રિમાસિકમાં નફો રૂ. 10,140 કરોડ હતો તેની તુલનામાં આ વર્ષે નફો ઘટી જાય છે.

રેવન્યુ- કંપનીને કોઈ પણ પ્રકારે આવક થાય છે તેને રેવન્યુ ગણાય છે. કોઈપણ રીતે, જો કંપનીના બેલેન્સશીટમાં કોઈ પૈસા આવે છે, તો તે આવક ગણાય છે. RILની આવક રૂ. 1.74 લાખથી 42% ઘટીને 1.09 લાખ કરોડ થઈ છે.

રેવન્યુ કેમ ઘટી- લોકડાઉનથી સમગ્ર અર્થવ્યવસ્થા અટકી ગઈ હતી. વૈશ્વિક સ્તરે માગ ઓછી રહી છે. મુખ્યત્વે માગના અભાવે, કંપનીની આવક ઘટી હતી. વળી, આ સમયગાળા દરમિયાન ક્રૂડ તેલોના ભાવ પણ ઘટતા રહ્યા. આ દરમિયાન તેની O2C આવક પર ભારે અસર થઈ હતી, તેથી તેની આવકમાં ઘટાડો થયો છે.

ક્રૂડ ઓઈલની કિંમતો- જૂનના ત્રિમાસિક ગાળામાં કંપની માટે ક્રૂડના ભાવ ઘણા ઓછા હતા. જૂન ક્વાર્ટરમાં બ્રેન્ટ ક્રૂડના ભાવ બેરલ દીઠ સરેરાશ 29.2 ડોલર હતા. એક બેરલમાં 159 લિટર તેલ હોય છે. એક વર્ષ અગાઉ જૂન ક્વાર્ટરમાં તે બેરલ 68.8 ડોલર હતું. એટલે કે, કિંમતોમાં 57.6% ઘટાડો થયો હતો, જેણે કંપનીની આવકને અસર કરી હતી.

કંપનીનું ગણિત શું હતું? ક્રૂડ ઓઇલના ભાવ સસ્તા હોવા છતાં દેશમાં પેટ્રોલિયમના ભાવ જૂના સ્તરે રહ્યા હતા. વૈશ્વિક સ્તરે માંગ ઓછી રહી છે. કારણ કે તેલના ભાવ હંમેશા વૈશ્વિક સ્તરે ચાલે છે. આનાથી કંપનીનો ખર્ચ ઓછો થયો છે.

રેવન્યુ ઘટવાના બીજા કારણો- બ્રેન્ટ ક્રૂડના ભાવ નીચા હતા, છૂટક વ્યવસાયમાં 17% નો ઘટાડો થયો છે. આ ઘટાડો લોકડાઉનને કારણે હતો. લોકડાઉનથી સ્ટોરને ચલાવવા પર પ્રતિબંધ હતો.

પડકારજનક વાતાવરણ- લોકડાઉનને કારણે પડકારજનક વાતાવરણમાં રિલાયન્સની આવકમાં 42%નો ઘટાડો થયો હતો પણ નફો વધ્યો હતો. પરંતુ, જો આપણે તેના નફાને બીજી રીતે જોઈએ તો તેમાં 18%નો ઘટાડો થયો છે. કંપનીને જે નફો થયો છે તે અપવાદરૂપ લાભ (એક્સેપ્શનલ ગેઇન) છે કે તેને કોઈ અન્ય રીતે થયો છે, આવકના આધારે નહીં. આ નફો મુખ્યત્વે BPના સોદાને કારણે થયો હતો. અન્ય તમામ મોરચે કંપનીની આવકમાં ઘટાડો થયો છે. કંપની માટે રાહત એ હતી કે જિયોની આવકમાં 33.7% અને નફામાં 182% નો વધારો થયો છે.

ઇબિટ્ડા- પરિણામની બીજી વાત એ છે કે રિલાયન્સે ઇબિટ્ડા (EBITDA) પર નિયંત્રણ રાખ્યું છે. તેનું ઇબિટ્ડા માર્જિન 52% રહ્યું છે. આ શક્ય હતું કારણ કે ખર્ચમાં ઘટાડો થયો હતો અને ખર્ચ બચાવવામાં આવ્યા હતા.

ભવિષ્યમાં શું થશે- જો કંપની હજી પણ ખર્ચ પર નિયંત્રણ રાખશે, તો તેનો EBITDA અને નફો વધતો રહેશે. જ્યારે આવક ફરીથી પાટા પર આવશે, ત્યારે તેની વધુ અસર EBITDA અને નફામાં જોવા મળશે.

રિલાયન્સનો EPS- કંપનીનું અર્નિંગ પર શેર એટલે કે EPS જૂન ક્વાર્ટરમાં 22.1% વધીને રૂ. 20.7 હતી. ધારો કે રૂ. 100 આવક છે અને 500 શેર્સ છે તો શેર દીઠ કમાણી 20 પૈસા થઇ ગણાય.

જિયોનું સ્ટેન્ડએલોન રિઝલ્ટ- સ્ટેન્ડએલોન એટલે ગ્રુપની કંપનીઓનું અલગ અલગ પરિણામ. જેમ કે, રિલાયન્સમાં રિટેલ, જિયો, પેટ્રોકેમિકલ્સ વગેરે જેવા ઘણા સેગમેન્ટ્સ છે. જિયોની આવક રૂ. 19,513 કરોડ હતી. એક વર્ષ પહેલાની તુલનાએ તે 33.7% વધી છે.

કેમ આવક વધી- કંપનીએ આ સમયગાળા દરમિયાન જિયોના પ્લાન મોંઘા કર્યા હતા. બીજું કે કંપનીએ અનલિમિટેડ પ્લાનમાં કોલિંગ ઉપર મર્યાદા મૂકી દીધી. આ સમયગાળા દરમિયાન કંપનીના ગ્રાહકોની સંખ્યા પણ વધીને 39.8 કરોડ થઈ ગઈ છે. આનાથી તેને ગ્રાહકોના સરેરાશ ખર્ચમાં પણ વધારો થયો છે. આ સરેરાશ ખર્ચ (ARPU) રૂ. 140.3 રહ્યો હતો.

ડેટા ટ્રાફિકમાં વધારો- આ સમય દરમિયાન, જિયોનો વાયરલેસ ડેટા ટ્રાફિક પણ 30% વધીને 1,420 કરોડ GB રહ્યો હતો. જ્યારે કોઈ પણ વસ્તુનો વપરાશ વધશે, ત્યારે તેની આવકમાં વધારો થશે અને તેનો નફો વધશે. આ સમયગાળા દરમિયાન, ગ્રાહક દીઠ ડેટા વપરાશ દર મહિને 12.1 GB હતો. ફોન કોલ્સના કિસ્સામાં, દરેક ગ્રાહક મહિનામાં 12.6 કલાકના ફોન કોલ્સ કરે છે.

0

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે તમે ધૈર્ય અને વિવેકનો ઉપયોગ કરીનો કોઇપણ સમસ્યાનો ઉકેલ લાવવામાં સક્ષમ રહેશો. આર્થિક પક્ષ પહેલાંથી વધારે સુદઢ સ્થિતિમાં રહેશે. પરિવારના લોકોની નાની-મોટી જરૂરિયાતોનું ધ્યાન રાખવાથી તમને સુખ...

વધુ વાંચો