• Gujarati News
  • Business
  • RBI May Raise Interest Rates Further By 0.75 Per Cent, Adversely Affecting Business Sentiment

ભાસ્કર એનાલિસિસ:આરબીઆઈ વ્યાજદરોમાં વધુ 0.75 ટકાનો વધારો કરી શકેે, બિઝનેસ સેન્ટિમેન્ટ પર પ્રતિકૂળ અસર થશે

નવી દિલ્હી18 દિવસ પહેલા
  • કૉપી લિંક
  • 7 ટકા મોંઘવારી બની ટ્રિગર પોઈન્ટ, ગ્રોથ પર અસર થશે

રિઝર્વ બેન્ક દ્વારા ચાર વર્ષ બાદ પ્રથમ વખત પોલિસી રેટમાં વધારો માત્ર શરૂઆત છે. આગામી સમયમાં તેમાં વધુ 0.75 ટકા સુધીનો વધારો થવાનો વકી છે. જેનાથી રેપો રેટ 5 ટકાથી વધશે. એક મહિના પહેલા મોનેટરી પોલિસી બેઠકમાં દરોમાં કોઈ ફેરફાર ન કરનાર રિઝર્વ બેન્કે અચાનક જ વ્યાજદરોમાં વધારાની જાહેરાત કરી છે. નિષ્ણાતોના મતે તેનું સૌથી મોટું કારણ મોંઘવારી છે. માર્ચના ફુગાવાના આંકડા, જે એપ્રિલમાં મોનેટરી પોલિસીની સમીક્ષા પછી તરત જ આવ્યા હતા, તે 6.95% પર પહોંચી ગયો હતો, જ્યારે આરબીઆઈએ ફુગાવો 6.5 ટકાથી ઓછો રહેવાનો અંદાજ આપ્યો હતો.

આરબીઆઈને ભય છે કે, વધતી મોંઘવારી આર્થિક વિકાસનો શ્વાસ રૂંધાવશે. આ જ કારણ છે કે અચાનક મીટીંગ બોલાવીને દરોમાં વધારો કરવામાં આવ્યો હતો. બેન્ક ઓફ બરોડાના ચીફ ઈકોનોમિસ્ટ મદન સબનવીસ કહે છે કે આરબીઆઈનો નિર્ણય એ સંકેત છે કે ઈઝી મની હવે ભૂતકાળ બની ગઈ છે. આ વર્ષે રેપો રેટ 0.50% થી વધારીને 0.75% કરવામાં આવી શકે છે. બેન્કિંગ સિસ્ટમમાં લિક્વિડિટીની સ્થિતિને આધારે CRRમાં પણ વધારો શક્ય છે.

પોલિસી દરોમાં શું વધારો કરવામાં આવ્યો?
કોરોનાના સમયગાળા દરમિયાન અર્થતંત્રમાં રોકડમાં વધારો થયો હતો, જેના કારણે બેન્કો વધુ લોનનું વિતરણ કરી રહી હતી. આ લોનએ વધારાની માંગ ઉભી કરી હતી. પોલિસી રેટમાં વધારો અને CRRમાં વધારો થવાથી લોન મોંઘી થશે અને બેન્કોની ધિરાણ ક્ષમતા ઘટશે. તેનાથી વધારાની માંગ ઘટશે અને ફુગાવો અંકુશમાં રહેશે.

મોંઘવારી પહેલાથી જ છે, હવે રિઝર્વ બેન્ક શા માટે ચિંતિત છે?
માર્ચમાં ફુગાવો 7 ટકા પર પહોંચી ગયો હતો. ક્રૂડના વધતા ભાવ અને ઈન્ડોનેશિયાના પામ ઓઈલની નિકાસ પરના નિયંત્રણોને કારણે તેમાં વધુ વધારો થવાની ધારણા હતી. આ ફુગાવો વપરાશ પર અસર કરી શકે છે.રોકાણમાં ઘટાડો અને આખરે આર્થિક વૃદ્ધિ પર પ્રતિકૂળ અસર થઇ.

રિયલ એસ્ટેટ: ઘર ખરીદવાનો ખર્ચ વધશે
અત્યાર સુધી વ્યાજ દર રેકોર્ડ નીચા સ્તરે હતા, જેના કારણે મકાનોના વેચાણને વેગ મળ્યો હતો. માત્ર ગ્રાહકો માટે જ નહીં પરંતુ બિલ્ડરો માટે પણ મોંઘી થશે. > અનુજ પુરી, ચેરમેન, એનારોક

ઓટો: કારને ફટકો પડશે, ટુ વ્હીલર પર વધુ અસર
લાંબા સમય સુધી રાહ જોવાના કારણે પીવી સેગમેન્ટને અસર થઈ શકે છે, પરંતુ ટુ વ્હીલરમાં મંદીનુ વલણ જોવા મળ્યુ છે. મોંઘી લોન પડકાર બનશે. > વિંકેશ ગુલાટી, પ્રમુખ, FADA

બેન્કિંગ : લોનના વિતરણ માટે બેન્કોની મૂડી ઘટશે
CRRમાં 0.50%ના વધારા સાથે, ₹87,000 કરોડની રોકડ બેન્કિંગ સિસ્ટમમાંથી આરબીઆઈમાં જશે.બેન્કોની લોન વિતરણ કરવાની ક્ષમતામાં ઘટાડો થશે. > ધીરજ રેલ્લી, સીઈઓ, એચડીએફસી સિક્યુરિટીઝ

અન્ય સમાચારો પણ છે...