કરન્સી:બનાવટી ચલણની સમસ્યાનું સમાધાન કરવા ભારત માટે પોલીમર ચલણ આવશ્યક: સીઆઇઇયુ

નવી દિલ્હીએક મહિનો પહેલા
  • કૉપી લિંક
  • ટેક્નોલોજી દ્વારા પોલીમર બેંકનોટ રજૂ કરીને બનાવટી ચલણ સમસ્યાનું સમાધાન થશે

પાંચ ટ્રિલિયન ડોલરનું અર્થતંત્ર બનવાનો ઉદ્દેશ ધરાવતા ભારતે પોતાનાં ચલણની દ્રષ્ટિએ આત્મનિર્ભર બનવું જોઈએ કે બનવું પડશે. આ માટે પોલીમરની ચલણી બેંકનોટ તરફ વળવું તાર્કિક પગલું બની શકે છે, કારણ કે એનાથી બનાવટી ચલણ બેંકનોટોની સમસ્યાનું સમાધાન કરવામાં મદદ મળશે અને લાંબા ગાળે આ વધારે વાજબી વિકલ્પ પણ છે. સરકાર દર વર્ષે ફાટી ગયેલા, ગંદી, વળી ગયેલી કે અસ્પષ્ટ થઈ ગયેલી ચલણી નોટો બદલવા લાખો નવી ચલણ બેંકનોટ પ્રિન્ટ કરે છે. પેપર પર પ્રિન્ટ થતી ચલણી બેંકનોટ તેમાં ઉપયોગ થતી સામગ્રીની મર્યાદાઓને કારણે ટૂંકા ગાળા માટે સર્ક્યુલેશનમાં રહે છે.

આપણો દેશ બનાવટી ચલણી નોટોની સમસ્યાનો સતત સામનો કરે છે, જે આર્થિક સુરક્ષા માટે ગંભીર જોખમ છે. આરબીઆઈના તાજેતરના વાર્ષિક અહેવાલના વિશ્લેષણમાં દર્શાવવામાં આવ્યું છે કે, અગાઉના નાણાકીય વર્ષની સરખામણીમાં રૂ. 10, રૂ. 20, રૂ. 200, રૂ. 500 અને રૂ. 2,000ના મૂલ્યોની બનાવટી ચલણી નોટોની સંખ્યામાં નોંધપાત્ર વધારો થયો હતો. નાણાકીય વર્ષ 2021-22 દરમિયાન બેંકો અને આરબીઆઈએ કુલ 2,30,971 બનાવટી ચલણી નોટોની ઓળખ કરી હતી. આ પાસાંઓને આવરી લઈને નવી દિલ્હી-સ્થિત સ્વતંત્ર સંશોધનલક્ષી થિંક-ટેંક-કાઉન્સિલ ફોર ઇન્ટરનેશનલ ઇકોનોમિક અંડરસ્ટેન્ડિંગ (સીઆઇઇયુ)એ “મેકિંગ ઇન્ડિયા આત્મનિર્ભર ઇન કાઉન્ટરફેઇટ પ્રૂફ કરન્સી” નામનું એક સંશોધનપત્ર જાહેર કર્યું છે.

તેમાં ભારતમાં પોલીમર ચલણ અને એના સંભવિત ફાયદાની પ્રસ્તૂતીનું વિશ્લેષણ રજૂ કરવામાં આવ્યું છે. રિપોર્ટમાં જણાવવામાં આવ્યું હતું કે, “ભારતની રાષ્ટ્રીય આર્થિક સુરક્ષા અને ચલણી બેંકનોટ જે ભૂમિકા ભજવે છે એને ધ્યાનમાં રાખીને સરકારે દુનિયાના અન્ય ઘણા દેશોની જેમ પોલીમર બેંકનોટ પ્રસ્તુત કરવાની શક્યતાનું મૂલ્યાંકન કરવું મહત્ત્વપૂર્ણ છે.

પેપર પર આયાતની નિર્ભરતા ઘટાડશે
પોલીમરની પ્રસ્તુતિ ભારત માટે નોંધપાત્ર રીતે ફાયદારૂપ થઈ શકે છે. આ “મેક ઇન ઇન્ડિયા” પહેલમાં પ્રદાન કરશે, પેપર પર આયાતની આપણી નિર્ભરતા ઘટાડશે અને ભારતને બેંકનોટ ટેકનોલોજી માટે ટેકનોલોજીના કેન્દ્ર તરીકે વિકસાવશે. બેંકનોટ પેપરની આયાત પર પોતાની નિર્ભરતા ઘટાડવામાં ભારત નોંધપાત્ર રોકાણ કરે છે. પોલીમોર બેંકનોટ ટેકનોલોજીના આગામી તબક્કાનું પ્રતિનિધિત્વ કરે છે. ભારતની ‘આત્મનિર્ભર ભારત’ અને ‘મેક ઇન ઇન્ડિયા’ પહેલોને અનુરૂપ પોલીમર બેંકનોટ માટે ટેકારૂપ ઇકોસિસ્ટમ ઊભી કરવા સ્વદેશી સમાધાનો વિકસાવવા આવશ્યક છે. આ ભારત માટે આ ક્ષેત્રમાં લીડર બનવાનો માર્ગ મોકળો કરશે.

ભારત દુનિયામાં BOPP ફિલ્મ્સનો બીજો સૌથી મોટો ઉત્પાદક
ભારત દુનિયામાં BOPP ફિલ્મ્સનો બીજો સૌથી મોટો ઉત્પાદક દેશ છે, જે પોલીમર ફિલ્મ માટે સબસ્ટ્રેટ સ્વરૂપો ધરાવે છે, જેનો ઉપયોગ ચલણ માટે થાય છે. ભારતીય પોલીમર ઉદ્યોગ હાઈ-ટેક ફિલ્મ્સ ઓફર કરવા વિકસિત ક્ષમતાઓ ધરાવે છે એ બાબતનો વિચાર કરીને સરકારે વિચાર કરવો જોઈએ કે, ભારતીય બજારમાં સ્વદેશી જરૂરિયાતો પૂર્ણ કરવાની સંભવિતતા ધરાવી શકે એવી કંપનીઓ કાર્યરત છે કે નહીં.

અન્ય સમાચારો પણ છે...