નિર્ણય લેવામાં નિષ્ફળ:સેન્ટ્રલ બેન્કોની ભૂલનો ભોગ સામાન્ય લોકો બન્યા: રિપોર્ટ

વિશ્વભરની સેન્ટ્રલ બેંકો ફુગાવાનો સચોટ અંદાજ કાઢવામાં અને તે મુજબ સમયસર નિર્ણય લેવામાં નિષ્ફળ રહી છે. ગયા વર્ષે, ઘણી કેન્દ્રીય બેંકોએ પણ સ્વીકાર્યું હતું કે ફુગાવાના તેમના અંદાજ ખોટા નીકળ્યા હતા. આની ભરપાઈ કરવા માટે તેઓ સતત વ્યાજદરમાં વધારો કરી રહ્યા છે, જેના કારણે અર્થવ્યવસ્થા તેમજ સામાન્ય લોકો અને રોકાણકારોને પણ નુકસાન થઈ રહ્યું છે.

સૌથી તાજેતરનું ઉદાહરણ યુએસ સેન્ટ્રલ બેંક, ફેડરલ રિઝર્વનું છે. બુધવારની મોડી રાત્રે (ભારતીય સમય અનુસાર) તે વ્યાજ દરોમાં 0.75% વધારો કરી દીધો છે. જ્યારે એક અઠવાડિયા પહેલા સુધી, ફેડ ચેરમેન જેરોમ પોવેલ અને તેમની ટીમે અનેક પ્રસંગોએ કહ્યું હતું કે દરોમાં 0.50% વધારો થઈ શકે છે. યુરોપિયન સેન્ટ્રલ બેંક (ECB) ના પ્રમુખ ક્રિસ્ટીન લેગાર્ડે પણ કડક નાણાકીય નીતિનો સંકેત આપ્યો છે, જ્યારે અગાઉ આ મામલે તેમનું વલણ નરમ હતું. બીજી તરફ, રિઝર્વ બેંક ઓફ ઓસ્ટ્રેલિયા પણ મધ્યસ્થ બેંકોમાં જોડાઈ છે જે અગાઉ દર્શાવેલ કરતાં વધુ ઝડપથી વ્યાજદરમાં વધારો કરી રહી છે.

ભારતીય રિઝર્વ બેંકે પણ લાંબા સમય સુધી સંયમ દર્શાવ્યો, પછી એક મહિનાના એક ક્વાર્ટરમાં, પોલિસી દરોમાં 0.90% નો વધારો કરી દીધો છે અને આગળ જતા સમયાંતરે હજુ વ્યાજદરમાં વધારો કરે તેવી સંભાવના છે. બેંક ઓફ જાપાનના ભૂતપૂર્વ બોર્ડ મેમ્બર સયુરી શિરાઈએ કહ્યું, ‘સેન્ટ્રલ બેંકો કંઈ સમજી રહી નથી. તાજેતરના ભૂતકાળમાં કરવામાં આવેલી વિશ્વસનીયતા પુનઃપ્રાપ્ત કરવા માટે, તેઓએ પોલિસી દરો એટલી હદે વધારવાની જરૂર છે કે ફુગાવો નીચે આવવા લાગે. પરંતુ તેના કારણે વૈશ્વિક આર્થિક રિકવરી ફરી એકવાર પાટા પરથી ઉતરી શકે છે. આવી પરિસ્થિતિ બધા માટે જોખમ વધારશે.