ભાસ્કર ઈન્ટરવ્યૂ:મજબૂત હરીફાઈમાં ટકી રહેવા વેપારને તકનીકે રૂપે સક્ષમ બનાવવા અતિ આવશ્યક: નવેદ ચૌધરી

આજના હરીફાઈના યુગમાં કંપનીઓ એડવાન્સ ટેક્નોલોજીથી સજ્જ હોવી અત્યંત જરૂરી છે. જો જમાનાની સાથે અને માર્કેટ કરતાં કંઈક અલગ ન વિચારવામાં આવે તો વેપાર-ધંધાને તાળા વાગતા વાર નહીં લાગે. જેને ધ્યાનમાં રાખી ઈનગ્રામ માઈક્રો તમામ પ્રકારના બિઝનેસને ટેક્નોલોજી ઉપલબ્ધ કરાવવામાં મદદ કરે છે. સાથે ટેક્નોલોજીમાં વેલ્યૂ એડિશન પણ કરી આપે છે.

ક્લાઉડ, ડાયનામિક્સ ટેક્નોલોજી, સપ્લાય ચેઈન અને ટેક્ સોલ્યુશન્સ પર ફોકસ કરી બિઝનેસ પાર્ટનર્સને માર્કેટમાં વધુ સફળતાપૂર્વક સંચાલન કરવા માટે સક્ષમ બનાવે છે. માર્કેટિંગ કોમ્યુનિકેશન અને બ્રાન્ડ મેનેજમેન્ટમાં 20થી વધુ વર્ષનો અનુભવ ધરાવતા ઈનગ્રામના ફાઉન્ડર નવેદ ચૌધરીએ આ સંદર્ભે દૈનિક ભાસ્કર સાથે વાતચીત કરી હતી. અહીં વાતચીતના મુખ્ય અંશો રજૂ છે…

કોવિડ પૂર્વેની તુલનામાં ઈનગ્રામની માર્કેટિંગ યોજના અને દ્રષ્ટિકોણમાં શું બદલાવ આવ્યો?
કોરોના મહામારીએ માર્કેટિંગ, પ્રમોશનલ અને મીડિયા ખર્ચમાં ફેરફારો તેમજ વ્યવસાયો અને બ્રાન્ડ્સને વર્તમાન અને ભાવિ જાહેરાત અને માર્કેટિંગનું પુનઃમૂલ્યાંકન કરવા માટે પ્રોત્સાહિત કર્યા છે. ગ્રાહકોને કોવિડ બાગથી બદલાયેલી બિઝનેસ રણનીતિને સફળ બનાવવા ઈનગ્રામ માઈક્રો કસ્ટમાઈઝ્ડ પ્રોડક્ટ્સ પૂરી પાડે છે. ડિજિટલ માર્કેટિંગ અને નવા મેપિંગ સાધનો અપનાવવાથી, માર્કેટિંગ સ્પેક્ટ્રમની અસરકારકતા વધી છે.

માર્કેટિંગ યોજના/વ્યૂહરચનાઓ હાલ શેમાં ફોકસ કરી રહી છે?
ગ્રાહકોના યોગ્ય જૂથ સુધી પહોંચવા કોઈપણ વ્યવસાય માર્કેટિંગ વ્યૂહરચના સાથે લક્ષ્યો નક્કી કરે છે. ઇન્ગ્રામ માઇક્રો પર, અમે સમયરેખા નક્કી કરવા માટે માર્કેટિંગ વ્યૂહરચનાઓ પર ધ્યાન કેન્દ્રીત કરીએ છીએ. રોકાણ પર વળતર (ROI) નિર્ધારિત કરવા રણનીતિની સફળતાનું મૂલ્યાંકન કરી પાર્ટનર્સના પસંદ કરેલા જૂથને પર્સનલાઈજ્ડ કેમ્પેઈન પ્રદાન કરવા પર પણ ફોકસ કરી રહ્યા છીએ. અમે પ્રાદેશિક પ્રચાર પર પણ ધ્યાન કેન્દ્રિત કરી પ્રાદેશિક અને રાષ્ટ્રીય મીડિયાની અસરકારકતાનો ઉપયોગ કરીએ છીએ.

પ્રિ-કોવિડની તુલનાએ ખરીદીની પસંદગીઓમાં શું બદલાવ આવ્યો?
કોવિડ-19 રોગચાળાએ વિશ્વ વિશેની આપણી સમજને ઘણી હદે બદલી નાખી છે. રોગચાળાએ ઓનલાઈન શોપિંગને વેગ આપ્યો છે, ઓમ્નીચેનલની માંગમાં વધારો અને ખરીદીના વર્તનમાં નોંધપાત્ર ફેરફાર થયો છે. ઘણી નવી ટેક્નોલોજી અને એપ્લિકેશનો અપનાવાઈ છે.

ડિજિટલ ઓટોમેશન માટે તમારો પ્રતિભાવ શું છે? વર્ષોથી ડિજિટલ માર્કેટિંગ કેવી રીતે વિકસિત થયું છે?
ડિજિટલ ટ્રાન્સફોર્મેશન બિઝનેસ ઓપરેશન્સ અને માર્કેટિંગ પ્રવૃત્તિઓના વિશાળ સ્પેક્ટ્રમને અસર કરી શકે છે. ડેટા એનાલિટિક્સ એ માર્કેટિંગ માટે ગેમ-ચેન્જર છે અને ભાવિ માર્કેટિંગના તમામ પ્રયત્નોમાં તે કેટલું મહત્ત્વપૂર્ણ હશે તેના પર ભાર મૂકે છે. ડિજિટલ મીડિયા, અન્ય પરંપરાગત માધ્યમોથી વિપરીત છે, જે વપરાશકર્તાઓ શું વાપરે છે, કેવી રીતે ઉપયોગ કરે છે અને કોની સાથે શેયર કરે છે તેના પર વધુ નિયંત્રણ આપે છે.