આર્થિક મંદીની ચિંતા:ક્રૂડના નીચા ભાવોથી OMCની નફાકારકતામાં વૃદ્ધિ થશે: મૂડીઝ

નવી દિલ્હી12 દિવસ પહેલા
  • કૉપી લિંક

રાજ્ય હસ્તકની ઇન્ડિયન ઓઇલ કોર્પોરેશન (IOC), ભારત પેટ્રોલિયમ કોર્પોરેશન લિમિટેડ (BPCL) અને હિન્દુસ્તાન પેટ્રોલિયમ કોર્પોરેશન લિમિટેડ (HPCL) ચાલુ નાણાકીય વર્ષ દરમિયાન ઇંધણની ઓછી કિંમતો છતાં પણ ઓછી આવક નોંધાવશે જેનું કારણ પહેલા છ મહિના દરમિયાન કંપનીઓ દ્વારા કિંમતોને યથાવત્ રાખવાનું છે.

મૂડીઝ અનુસાર આર્થિક મંદીની ચિંતાને કારણે આંતરરાષ્ટ્રીય સ્તરે ક્રૂડ ઓઇલની કિંમતોમાં ઘટાડો થયો છે ત્યારે IOC, BPCL, HPCL જેવી રાજ્ય હસ્તકની કંપનીઓની ખોટમાં કેટલાક અંશે ઘટાડો થયો છે. જો કે પહેલા છ મહિના દરમિયાન માર્કેટમાં ખોટને કારણે 31 માર્ચ, 2023 દરમિયાન પૂરા થતા નાણાકીય વર્ષ દરમિયાન આવકમાં ઘટાડો જોવા મળશે.

ઓઇલ માર્કેટિંગ કંપનીઓએ કિંમતો પર કોઇ વધારો કર્યો ન હતો. જેને કારણે એપ્રિલ-સપ્ટેમ્બર, 2022 દરમિયાન કંપનીઓને સંયુક્તપણે કુલ રૂ.21,000 કરોડની ખોટ સહન કરવાનો વારો આવ્યો હતો. તદુપરાંત, રૂપિયા સામે ડોલરની મજબૂતિને કારણે પણ ઓઇલની કિંમતોને અસર થવાને કારણે પણ નફા પર પ્રતિકૂળ અસર જોવા મળી હતી.

ઇંધણની કિંમતો પર અંકુશથી ક્રેડિટ ઘટશે
ક્રૂડ ઓઇલની કિંમતોમાં વધારાની સાથે કાર્યકારી મૂડીની જરૂરિયાતોમાં પણ નોંધપાત્ર રીતે વધારો થયો છે. કંપનીઓના ક્રેડિટ મેટ્રિક્સમાં પણ ઘટાડો યથાવત્ રહેશે. જો કંપનીઓ કિંમતમાં અંકુશ યથાવત્ રાખશે અને તેને કારણે ખોટ થશે અને બીજી તરફ જો સરકાર દ્વારા સમયાંતરે કોઇ હસ્તક્ષેપ કે રાહત પૂરી પાડવામાં આવશે નહીં તો કંપનીઓની ફંડામેન્ટલ ક્રેડિટ ક્વોલિટીમાં પણ ઘટાડો થશે.

અન્ય સમાચારો પણ છે...