બજેટ 2021:EPFમાં વાર્ષિક અઢી લાખથી વધુ જમા રકમના વ્યાજ પર ટેક્સ કપાઈ શકે છે

નવા બજેટમાં ઇપીએફમાં દર વર્ષે અઢી લાખથી વધુની રકમ જમા કરાવવાથી તેના પર મળતું વ્યાજ હવે ટેક્સના દાયરામાં આવી ગયું છે. જો કે વ્યાજ પર ટેક્સની કપાત કયા પ્રકારની હશે તે અંગેનો નિયમ આવવાનો બાકી છે પરંતુ બજેટની જોગવાઈની ભાષા સમજીને વિશેષજ્ઞો કહે છે કે આ હેઠળ આવનારા લોકોએ ટેક્સ દર વર્ષે ચૂકવવો પડશે.

ઉલ્લેખનીય છે કે ઈપીએફમાંથી કોઈપણ પ્રકારના ઉપાડ પર કોઈ ટેક્સ લાગતો નથી. ખાનગી ક્ષેત્રના પગારદારની ગ્રેજ્યુઇટી પર 20 લાખની મર્યાદા પહેલેથી જ છે. 20 લાખથી વધુની રકમ પર ટેક્સ લાગે છે. સરકારી કર્મચારીઓની ગ્રેજ્યુઇટીની રકમ કર મુક્ત હોય છે.