પાડોશી દેશોમાં સૌથી મોંઘુ પેટ્રોલ ભારતમાં:ભારતીય કરન્સીના બેંચમાર્ક વેલ્યૂ પ્રમાણે પાકિસ્તાનમાં 51.14 રૂપિયા તો વેનેજુએલામાં 1.45 રૂપિયા લિટર વેચાઈ રહ્યું છે પેટ્રોલ

દેશના કેટલાક ભાગોમાં બુધવારે પેટ્રોલના ભાવ 100 રૂપિયા પ્રતિ લિટરને પાર થઈ ગયા. રાજસ્થાનના શ્રીગંગાનગરમાં પેટ્રોલ 100.07 રૂપિયા પર પહોંચી ગયું છે.ભારતીય રૂપિયાના બેંચમાર્કને આધારે ગણતરી કરીએ તો globalpetrolprices.com પ્રમાણે પાડોશી દેશ પાકિસ્તાનમાં પેટ્રોલ અડધી કિંમત(51.14 રૂપિયા પ્રતિ લિટર)માં વેચાઈ રહ્યું છે. બીજી બાજુ ચીનમાં 74.74 રૂપિયા લિટર છે.

દુનિયામાં પેટ્રોલનો સરેરાશ ભાવ 78.65 રૂપિયા/લિટર ભારતીય રૂપિયાના હિસાબથી દુનિયામાં પેટ્રોલનો પ્રતિ લિટર સરેરાશ ભાવ 78.65 રૂપિયા છે. રાજધાની દિલ્હીમાં આ ભાવ 89.54 રૂપિયા લિટર છે, એટલે કે ભારતમાં દુનિયાના સરેરાશ ભાવથી પણ પેટ્રોલ મોંઘુ છે.

નોંધ- આ આંકડા ભારતીય રૂપિયાના હિસાબથી આપવામાં આવ્યા છે. દુનિયાના મોટાભાગના દેશ ક્રુડ ઓઈલ ખરીદવા માટે અમેરિકન ડોલરનો ઉપયોગ કરે છે.