તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Business
  • Finance Minister May Announce Festival Package Or Rs 1.5 Lakh Crore For Stressed Industries

આત્મનિર્ભર ભારત 3.0:2.65 લાખ કરોડની પ્રોત્સાહક જાહેરાતો - દેશવાસીઓ ઘર ખરીદો ટેક્સ બચાવો, કંપનીઓ નોકરીઓ આપો, PF સરકાર ભરશે

નવી દિલ્હી10 મહિનો પહેલા
  • કૉપી લિંક
  • ઈકોનોમીને પ્રોત્સાહન આપવા રૂ. 1.5 લાખ કરોડની જાહેરાત કરી શકે છે
  • GST કલેક્નાશન ઓક્ટોબરમાં 10% વધીને રૂ. 1.05 લાખ કરોડ થયું
  • ચીન સામેના પડકારો માટે ઘરેલુ ઉત્પાદન પર ફોકસ

નાણા મંત્રી નિર્મલા સીતારમણે ગુરુવારે આત્મનિર્ભર ભારત 3.0ની જાહેરાત કરી. રોજગારી વધારવા તે અંતર્ગત 12 પગલાં જાહેર કરાયા. કોરોનાના કારણે મંદી સામે ઝઝૂમી રહેલા બજારની ચાલ સુધારવા રોજગાર પર ફોકસ કરાયું છે. સંગઠિત ક્ષેત્રના કર્મચારીઓ માટે પણ સરકારે જોગવાઇ કરી છે. પીએમ આવાસ (શહેરી)નો વ્યાપ પણ વધારાયો છે. આત્મનિર્ભર ભારત અભિયાન 3.0 અંતર્ગત 2,65,080 કરોડ રૂ.ની જાહેરાતો કરાઇ છે, જે જીડીપીના 15 ટકા છે. રાહત પેકેજમાં તમારા માટે શું છે તે જાણો...

આ યોજના 30 જૂન 2021 સુધી લાગુ રહેશે. તેનાથી રિયલ એસ્ટેટની કિંમતોમાં ઘટાડો આવશે. તેનાથી જે ઘરો વેચાઈ શકયા નથી, તેને વેચવામાં રાહત મળશે. તેનાથી બિલ્ડર્સ અને ગ્રાહકો બંનેને ફાયદો થશે. તેમણે કહ્યું કે મજબૂત રિકવરીની આશા દેખાઈ રહી છે કારણ કે કોરોનાના મામલાઓ ઘટી રહ્યાં છે અને મોતનો દર પણ ઘટી રહ્યો છે. તેમણે કહ્યું કે ઈલેક્ટ્રિસિટીના વપરાશમાં વાર્ષિક આધાર પર 12 ટકાનો વધારો થયો છે. જ્યારે વાર્ષિક આધારે રેલવેના ભાડામાં રોજનો 20 ટકાનો ગ્રોથ દેખાઈ રહ્યો છે.

બેન્ક ક્રેડિટ ગ્રોથમાં વધારો
બેન્ક ક્રેડિટ 23 ઓક્ટોબર સુધી વાર્ષિક આધાર પર 5.10 ટકા સુધરી છે. શેરબજાર હાલ રેકોર્ડ ઉંચાઈ પર છે. તેમણે ડેવલોપર્સ અને ઘર ખરીદનારાઓ માટે રેસિડેન્શિયલ રિયલ એસ્ટેટ ઈન્કમ ટેક્સમાં રાહત આપવાની વાત કહી છે.

નાણામંત્રીની મહત્વની જાહેરાતો

  • નાણાંમંત્રીએ દેશમાં કોવિડ-19ની રિકવરીને પહોંચી વળવા માટે મદદ કરવા નવી રાહત અને પ્રોત્સાહનોની જાહેરાત કરી છે. મે 2020 થી કેન્દ્ર સરકાર દ્વારા જે પણ રાહત આપવામાં આવી છે, તે રાહતની કામગીરીની સમીક્ષા પણ કરવામાં આવી રહી છે.
  • સીતારામને કહ્યું કે, વિદેશી વિનિમય 560 અબજ ડોલર પર પહોંચી ગયું છે. તેમણે કહ્યું કે GST કલેક્શન ઓક્ટોબરમાં 1.05 લાખ કરોડ રૂપિયા પર પહોંચી ગયું છે. એપ્રિલથી ઓગસ્ટ દરમિયાન FDI 35.37 અબજ ડોલર રહ્યું છે, વાર્ષિક 13%ની વૃદ્ધિ દર્શાવે છે.
  • મુખ્ય અર્થશાસ્ત્રીઓએ સૂચવ્યું છે કે રિકવરી માત્ર માંગથી જ નહીં, પણ મજબૂત આર્થિક વૃદ્ધિમાંથી પણ આવશે. તેમણે કહ્યું કે ઓક્ટોબરમાં PMI 58.9 ઉપર પહોંચી ગયો. જે સપ્ટેમ્બરમાં 54.6 ની સપાટીએ હતો.
  • વીજ વપરાશમાં વધારો અને બજારનું મજબૂત પ્રદર્શન સુધારણાના કેટલાક સંકેતો છે. છેલ્લા 10-15 દિવસથી આર્થિક સુધારા દેખાય છે.
  • સ્વનિર્ભર ભારત અભિયાન-1 અંતર્ગત કેટલીક બાબતોમાં પર પ્રગતિ જોવા મળી રહી છે. વન નેશન વન રેશનકાર્ડ આમાં અગ્રણી છે. તેનો અમલ 1 સપ્ટેમ્બરથી કરવામાં આવ્યો હતો. અત્યાર સુધીમાં 68.6 કરોડ લોકોએ આ યોજનાનો લાભ લીધો છે.
  • ઇન્ટ્રા સ્ટેટ પોર્ટેબિલીટી હેઠળ, તેની અંતર્ગત 1.5 કરોડ માસિક વ્યવહારો કરવામાં આવ્યા છે. પ્રધાનમંત્રી શેરી વિક્રેતાઓ યોજના હેઠળ 26.62 લાખ લોનની અરજીઓ મળી છે. તેમાંથી 13.78 લાખ રૂપિયાની લોન એપ્લિકેશન હેઠળ 30 રાજ્યો અને 6 કેન્દ્રશાસિત પ્રદેશોમાં 1,373.22 કરોડ રૂપિયાની મંજૂરી આપવામાં આવી છે.
  • કિસાન ક્રેડિટ કાર્ડ હેઠળ અત્યાર સુધીમાં 183 લાખ અરજીઓ આવી છે. બેંકોએ આ અંતર્ગત 150 લાખ ખેડુતોને કિસાન ક્રેડિટ કાર્ડ જારી કર્યા છે. બેંકે બે તબક્કામાં 1,43,262 કરોડ રૂપિયા મંજુર કર્યા છે.
  • પ્રધાનમંત્રી મત્સ્ય સંપદા યોજના અંતર્ગત 21 રાજ્યો દ્વારા કુલ 1,681.32 કરોડ રૂપિયાની મંજૂરી આપવામાં આવી છે. આ સાથે નાબાર્ડ દ્વારા 25 હજાર કરોડનું વધારાનું વિતરણ ખેડૂતોને કરવામાં આવ્યું છે. આ ઇમરજન્સી વર્કિંગ કેપિટલ ફંડિંગ છે.
  • આત્મનિર્ભર ભારત અભિયાન-1 અંતર્ગત વન નેશન વન રેશન સ્કીમમાં રેશન કાર્ડની પોર્ટીબિલિટીનો લાભ 68.6 કરોડ લોકોએ ઉઠાવ્યો છે. ઈન્ટરસ્ટ પોર્ટીબિલિટી 28 રાજ્યોમાં લાગુ કરવામાં આવી છે. દર મહિને એક કરોડની લેવડ-દેવડ થઈ રહી છે. પ્રવાસી કામદારો માટે એક પોર્ટલની પણ શરૂઆત કરવામાં આવી છે.
  • આત્મનિર્ભર ભારત અભિયાન-1 અંતર્ગત ECLGSમાં 2.05 લાખ કરોડ રૂપિયા મંજૂર થયા છે. તેમાં 61 લાખ લોકોને કવર કરવામાં આવ્યા છે. 1.52 લાખ કરોડ રૂપિયાનું ડિસ્બર્સમેન્ટ થયું છે. પાર્શિયલ ક્રેડિટ ગેરન્ટી સ્કીમ-2 અંતર્ગત સરકારી બેન્કોએ 26889 કરોડ રૂપિયાના પોર્ટફોલિયોની ખરીદી કરી છે.
  • એનબીએફસી અને હાઉસિંગ ફાઈનાન્સ કંપનીઓ માટે સ્પેશિયલ લિક્વિડિટી સ્કીમ અંતર્ગત 7227 કરોડ રૂપિયાનું ડિસ્બર્સમેન્ટ કરવામાં આવ્યું છે. ડિસ્કોમ માટે લિક્વિડિટી ઈન્જેક્શનના રૂપમાં 118273 કરોડ રૂપિયાની લોનને મંજૂરી આપવામાં આવી છે. આ મંજૂરી 17 રાજ્યો અને કેન્દ્રશાસિત પ્રદેશોમાં આપવામાં આવી છે. આ અંતર્ગત 31136 કરોડ રૂપિયા ડિસ્બર્સમેન્ટ કરવામાં આવ્યા છે.
  • આત્મનિર્ભર ભારત-2ની વાત કરીએ તો તેની જાહેરાત 12 ઓક્ટોબરે કરવામાં આવી હતી. આ અંતર્ગત ફેસ્ટિવલ એડવાન્સ લોન્ચ કરવામાં આવ્યું હતું. તેમાં એસબીઆઈ ઉત્સવ કાર્ડનું વિતરણ કરવામાં આવ્યું હતું. એલટીસી વાઉચર સ્કીમને લોન્ચ કરવામાં આવી હતી. 11 રાજ્યોને 3261 કરોડ રૂપિયાની મંજૂરી આપવામાં આવી છે. આ ઈન્ટરસ્ટ ફ્રી લોન છે.
  • નાણાં મંત્રીએ કહ્યું કે ઈન્કમ ટેક્સ રિફન્ડ અંતર્ગત 39.7 લાખ ટેક્સપેયર્સને 132800 કરોડ રૂપિયા આપવામાં આવ્યા છે.
  • પ્રધાનમંત્રી રોજગાર પ્રોત્સાહન યોજના(PMRPY)ને 31 માર્ચ 2019ના રોજ અમલમાં લાવવામાં આવી હતી. આ અંતર્ગત નવા રોજગારનું નિર્માણ કરવા અને ઈન્સેન્ટિવ આપવાની વાત કહેવામાં આવી હતી. આ અંતર્ગત કુલ 1.21 કરોડ લોકોને 8300 કરોડ રૂપિયા આપવામાં આવ્યા છે.
  • આત્મનિર્ભર ભારત રોજગાર યોજનાના નામથી એક નવી સ્કીમ લોન્ચ કરવામાં આવી છે. આ અંતર્ગત નવી રોજગારીની તકો માટે ઈન્સેન્ટિવ આપવામાં આવશે. આ તકો કોવિડ રિકવરીના તબક્કામાં હોવી જોઈએ. આ સ્કીમ અંતર્ગત જેમને લાભ મળશે તેમાં કોઈ નવો કર્મચારી ઈપીએફઓમાં રજિસ્ટર્ડ કંપનીઓમાં જોડાય છે અને તેનું માસિક વેતન 15 રૂપિયાથી ઓછું છે તો તેનો તેને ફાયદો થશે. આ સ્કીમ એક ઓક્ટોબર 2020થી લાગુ માનવામાં આવશે અને અગામી બે વર્ષ સુધી રહેશે.

મુશ્કેલીમાં હોય તેવા ક્ષેત્રો પર ધ્યાન કેન્દ્રિત કરવામાં આવશે
અહેવાલો અનુસાર સરકાર મુશ્કેલીમાં હોય તેવા ક્ષેત્રો પર ધ્યાન કેન્દ્રિત કરશે. આના માધ્યમથી તે અર્થવ્યવસ્થાને પુનર્જીવિત કરવાનો પ્રયાસ કરશે. કેબિનેટે બુધવારે મળેલી બેઠકમાં 10 સેક્ટરમાં પ્રોડક્શન લિંક્ડ ઇન્સેન્ટિવ્સ (PIL)ના અમલીકરણને મંજૂરી આપી છે. PIL હેઠળ આવતા 5 વર્ષમાં 1.46 લાખ કરોડ રૂપિયા પૂરા પાડવામાં આવશે. સૂત્રોના જણાવ્યા અનુસાર 57 હજાર કરોડની મહત્તમ પ્રોત્સાહન પ્રાપ્ત કરનારા ક્ષેત્રોમાં ઓટો ભાગો અને ઓટોમોબાઈલ ક્ષેત્ર હોઈ શકે છે.

ઘરેલું ઉત્પાદન વધારવા પર ફોકસ
આ સિવાય જે ક્ષેત્રોને લાભ થશે તેમાં એડવાન્સ સેલ કેમિસ્ટ્રી, બેટરીઓ, ફાર્મા, ફૂડ પ્રોડક્ટ્સ અને વ્હાઇટ ગુડ્સ સામેલ છે. આ યોજના અંતર્ગત કેન્દ્ર સરકાર વધારાના ઉત્પાદન પર કંપનીઓને પ્રોત્સાહન આપશે અને તેમને નિકાસ પણ કરશે. ગયા મહિને, નીતિ આયોગના વાઇસ ચેરમેન રાજીવ કુમારે જાહેરાત કરી હતી કે સરકાર ઘરેલું ઉત્પાદન ક્ષેત્રને ટેકો આપવા માટે ઉત્પાદન સાથે જોડાયેલા પ્રોત્સાહન લાવશે.

બે મુદ્દાઓ પર ધ્યાન કેન્દ્રિત કરવામાં આવશે

  • રાહત પેકેજ બે મુદ્દાઓ પર ધ્યાન કેન્દ્રિત કરશે. પ્રથમ તે છે કે વધુને વધુ લોકોને રોજગાર કેવી રીતે પૂરી પાડવી તેના ઉપર રાહત પેકેજમાં મહત્વની જાહેરાત હોઈ શકે છે. આ માટે સરકાર પ્રોવિડન્ટ ફંડમાં 10% સબસિડીની જાહેરાત કરી શકે છે.
  • બીજા પગલા તરીકે, સરકાર કે.વી. કામત સમિતિ દ્વારા દબાણ અને મુશ્કેલી હેઠળ તમામ 26 ક્ષેત્રો માટે ઇમરજન્સી ક્રેડિટની વ્યવસ્થા કરી શકે છે. વિવિધ ક્ષેત્ર માટે વિવિધ રાહત આપી શકાય છે.

PM શહેરી આવાસ યોજના

  • હેતુ- રોજગારી, પાકા મકાનોની ઉપલબ્ધતા

અસર- તે માટે 18 હજાર કરોડ રૂ.ની વધારાની જોગવાઇ કરાઇ છે. તેનાથી 12 લાખ નવા ઘર બનશે, 18 લાખ અધૂરા બનેલા ઘરના પ્રોજેક્ટ પૂરા થશે. આ બજેટમાં જાહેર થયેલા 8 હજાર કરોડ ઉપરાંત છે. તેનાથી અંદાજે 78 લાખથી વધુ લોકોને રોજગારીની આશા છે. માગ ઊભી થશે, ગરીબોને પાકા મકાન મળશે.

આત્મનિર્ભર ભારત યોજના

  • હેતુ- ભરતીઓમાં કંપનીઓ પ્રોત્સાહિત થાય

અસર- 30 જૂન, 2021 સુધી લાગુ રહેશે. તેનો લાભ જે લોકો અગાઉ EPFOમાં રજિસ્ટર્ડ નહોતા તેમને મળશે. જેમની સેલરી 15 હજારથી ઓછી હશે તેને લાભ. જેમની નોકરી 1 માર્ચથી 30 સપ્ટે. દરમિયાન ગઇ હોય અને 1 ઓક્ટો. કે તે પછી રોજગારી મળી હોય તેમને લાભ. 1 હજારથી વધુ કર્મીવાળી કંપનીમાં નવા કર્મચારીને સરકાર 2 વર્ષ સબસિડી આપશે.

ઈન્કમ ટેક્સમાં રાહત

  • હેતુ- રિયલ એસ્ટેટ/ મધ્યમ વર્ગને રાહત

અસર - ડેવલપર્સ-ઘર ખરીદનારાને ITમાં રાહત. સર્કલ રેટ અને એગ્રિમેન્ટ વેલ્યૂના ફર્કને 10%થી વધારીને 20% કરાયો. એટલે કે પ્રોપર્ટીનું મૂલ્ય ઘટ્યા પછી જો કોઈ ઘર સર્કલ રેટના કારણે નહીં વેચાતું હોય, તો હવે તે માટે ઈન્કમ ટેક્સમાં 20% છૂટ મલશે. રૂ. બે કરોડ સુધીના ઘર ખરીદી પર લાભ.

પીએલઆઈ યોજના

  • હેતુ- ચીનના પડકારો સામે લડવાનો

અસર - ઘરેલુ ઉત્પાદનને પ્રોત્સાહન આપવા PLI યોજના હેઠળ 5 વર્ષમાં 1.46 લાખ કરોડની પ્રોત્સાહિત રકમ મળશે. આ પહેલા 51,311 કરોડ અપાયેલા. આ યોજના એક આઉટપુટ આધારિત હોય છે, જેમાં ઉત્પાદક જે સામાનનું ઉત્પાદન કરે તેને સરકાર તરફથી નિર્ધારિત પ્રોત્સાહન રકમ મળે છે.

ઈન્ફ્રા સેક્ટર સિક્યોરિટી ઘટી

  • હેતુ - કામ માટે મૂડી ઉપલબ્ધતા

અસર - કન્સ્ટ્રક્શન અને ઈન્ફ્રા. સેક્ટરની કંપનીઓને મૂડી અને બેન્ક ગેરંટીની તકલીફ થતી હતી. બેન્ક ગેરંટી માટે તેમને 10% પર્ફોમન્સ સિક્યોરિટી આપવી પડતી હતી, હવે 3% આપવી પડશે. તેનો ફાયદો એ કંપનીઓને મળશે જેના પ્રોજેક્ટ પર કોઈ કેસ ના હોય. આ સ્કીમ 31 ડિસેમ્બર 2021 સુધી લાગુ રહેશે.

વડાપ્રધાન ગરીબ કલ્યાણ યોજના

  • હેતુ- ગ્રામીણ અર્થતંત્રને પ્રોત્સાહન

અસર- કોરોના લૉકડાઉનના કાળમાં ઘર પાછા ગયેલા મજૂરો માટે આ યોજના છે. સરકારે વધારાની 10 હજાર કરોડની જોગવાઈ કરી છે. તેનો ઉપયોગ મનરેગા કે ગ્રામ સડક યોજનામાં કરાશે.

ઈમરજન્સી ક્રેડિટ લાઈન ગેરંટી

  • હેતુ- એમએસએમઈને પ્રોત્સાહન આપવું

અસર - ઈમરજન્સી ક્રેડિટ લાઈન ગેરંટી સ્કીમ(ઈસીજીએલએસ) 31 માર્ચ 2021 સુધી વધી ગઈ છે. તે હેઠળ MSMEને વિના વ્યાજે લોન મળશે. મુદ્રા લોન હેઠળ લોન લેનારા લોકો પણ તેમાં સામેલ થશે.

અન્ય સમાચારો પણ છે...