તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Business
  • District Central Cooperative Bank Clears Way For Merger With State Cooperative Bank, State Govt Recommends

RBIની ગાઇડલાઇન્સ:ડિસ્ટ્રિક્ટ સેન્ટ્રલ કો-ઓપરેટિવ બેન્કનો સ્ટેટ કો-ઓપરેટિવ બેન્કમાં મર્જરનો રસ્તો સાફ, રાજ્ય સરકારની ભલામણ જરૂરી

મુંબઈ2 મહિનો પહેલા

ભારતીય રિઝર્વ બેન્કે ડિસ્ટ્રિક્ટ સેન્ટ્રલ કો-ઓપરેટિવ બેન્ક્સ(DCCB)નું સ્ટેટ કો-ઓપરેટિવ બેેન્ક્સ (StCB)માં મર્જરને લઈને નવી ગાઈડલાઈન્સ બહાર પાડી છે. બેન્કે કહ્યું છે કે જે DCCBનું StCBમાં મર્જરને લઈને રાજ્ય સરકારનો પ્રસ્તાવ આવશે, એની પર RBI વિચાર કરશે. StCB અને DCCBને લઈને બેન્કિંગ રેગ્યુલેશન(એમેન્ડમેન્ટ) એક્ટ 2020 1 એપ્રિલ 2021થી લાગુ થઈ ગયો છે.

ઘણાં રાજ્યોએ કર્યો મર્જરનો આગ્રહ
ઘણાં રાજ્યોએ RBIને ડિસ્ટ્રિક્ટ સેન્ટ્રલ કો-ઓપરેટિવ બેન્કસને સ્ટેટ કો-ઓપરેટિવ બેન્ક્સમાં મર્જરને લઈને આગ્રહ કર્યો છે. એ પછી જ RBIએ આ નવી ગાઈડલાઈન્સ બહાર પાડી છે. ગાઈડલાઈન્સ મુજબ લીગલ ફ્રેમવર્કની વિસ્તૃત સ્ટડી પછી રાજ્યો તરફથી પ્રસ્તાવ મોકલવામાં આવ્યા પછી જ RBI બેન્કોના મર્જર પર વિચાર કરશે.

મર્જરના પ્રસ્તાવને શેરહોલ્ડર્સની બહુમતી હોવી જોઈએ
RBIની ગાઈડલાઈન્સના જણાવ્યા મુજબ વિલયની સ્કીમ સંબંધિત બેન્કના શેરહોલ્ડર્સની બહુમતી હોવી જોઈએ. આ સિવાય રાજ્ય સરકારના પ્રસ્તાવનું નાબાર્ડ(NABARD) પરીક્ષણ કરશે અને પ્રસ્તાવની ભલામણ કરશે. DCCBના StCBમાં મર્જરના પ્રસ્તાવને RBI નાબાર્ડની સાથે પરીક્ષણ કરશે.

મર્જરની મંજૂરીની પ્રક્રિયા બે તબક્કામાં પૂરી થશે
ગાઈડલાઈન્સના જણાવ્યા મુજબ, મર્જરની પ્રક્રિયા બે તબક્કામાં પુરી થશે. પ્રથમ તબક્કામાં નિશ્ચિત શરતોને પુરી કરવાના પ્રસ્તાવને સિદ્ધાંતિક મંજૂરી આપવામાં આવશે. પ્રથમ તબક્કાની પ્રક્રિયા પુરી થયા પછી નાબાર્ડ અને RBI ગાઈડલાઈન્સ મુજબ અંતિમ મંજૂર આપશે. જો કોઈ મર્જરને પુરી કરવા માટે શેરની અદલા-બદલી જરૂરી છે તો કેટલાક DCCBના શેરહોલ્ડર્સને ઘણા શેર ફાળવવામાં આવશે નહિ. તે પછી રાજ્ય સરકારને પર્યાપ્ત રોકાણ કરશે.