ટ્રેન્ડ:ઈ-કોમર્સ બૂમ છતાં ફિઝિકલ રિટેલનું પ્રભુત્વ યથાવત દેશમાં આ વર્ષે 15, આવતા વર્ષે 16 શોપિંગ મોલ ખૂલશે

ટેક્નોલોજીના યુગમાં ઇ-કોમર્સ માર્કેટનું વર્ચસ્વ વધી રહ્યું છે ત્યારે હજુ પણ મોટાભાગનો વર્ગ ફિઝિકલ રિટેલ સેગમેન્ટને જ પ્રાધાન્ય આપી રહ્યો છે. એજ્યુકેશન, ઇન્ટરનેટનો વધી રહેલો વ્યાપ, આકર્ષક ડિસ્કાઉન્ટ છતાં ગ્રાહકોનું વલણ શોપિંગ અને સામાજિક વલણ સામાન્ય સ્થિતિમાં પાછું આવ્યું છે અને ભીડવાળા વાતાવરણે દેશના શોપિંગ મોલ્સને ફરીથી ધમધમતા કરવાનું શરૂ કર્યું છે.

તેના કારણે રિટેલ રિયલ એસ્ટેટ ક્ષેત્ર મજબૂત પુનરાગમન કરી રહ્યું છે. રિટેલ જગ્યાની માંગ પણ ઝડપી વધી રહી છે. તેને પહોંચી વળવા માટે ટીયર-1 -2 અને ટીયર-3 જેવા શહેરોમાં પણ નવા મોલ ખોલવામાં આવનાર છે. આ વર્ષે દેશના 12 શહેરોમાં 15 નવા મોલ ખોલવામાં આવશે. ચેન્નાઈમાં સૌથી વધુ 4 મોલ ખુલશે

પ્રોપર્ટી કન્સલ્ટન્ટ એનારોકના તાજેતરના અહેવાલ મુજબ 2022 સુધીમાં મોલમાં જગ્યાનો પુરવઠો બમણો થઈને 150000 ચોરસ ફૂટ થઈ જશે. જેમાં ટીયર-1 શહેરોમાં 76 લાખ 50 હજાર ચોરસ ફૂટ વિસ્તારનો વિસ્તાર કરવામાં આવશે.જ્યારે ટીયર-2 અને 3 શહેરોમાં આ આંકડો 25 લાખ ચોરસ ફૂટ થશે. એટલે કે આ વર્ષે 75 ટકાથી વધુ નવા મોલ્સ ટીયર-1 શહેરોમાંથી હશે.

ગયા વર્ષે 57 લાખ 60 હજાર ચોરસ ફૂટ મોલ વિસ્તાર વધ્યો હતો જેમાં ટીયર-1 અને 2 શહેરોનો હિસ્સો અનુક્રમે 70% અને 30% હતો. આવતા વર્ષે 16 નવા મોલ શરૂ થવાની અપેક્ષા છે. તેમનો વિસ્તાર 75 લાખ ચોરસ ફૂટથી વધુ હશે. ખાસ વાત એ છે કે નાના શહેરો એટલે કે ટીયર 2 અને 3નો હિસ્સો વધીને 33% થશે.

ટીયર 2-3માં 91 ટકાની વૃદ્ધિ નોંધાઇ
ટીયર 2-3 શહેરોમાં પણ મોલ્સની સંખ્યા વધી રહી છે. આ શહેરોમાં વાર્ષિક ધોરણે આ વર્ષે મોલ સપ્લાયમાં 91%નો વધારો જોવા મળી રહ્યો છે. મહામારી-આર્થિક સંકટ હોવા છતાં મોલ્સની સંખ્યા અને વિસ્તારનો વધારો સ્પષ્ટપણે ભારતમાં ફિઝિકલ રિટેલનું વર્ચસ્વ દર્શાવે છે. 2022 સુધીમાં મોલમાં જગ્યાનો પુરવઠો બમણો થઈને 150000 ચોરસ ફૂટ થઈ જશે. જેમાં ટીયર-1 શહેરોમાં 76 લાખ 50 હજાર ચોરસ ફૂટ વિસ્તારનો વિસ્તાર કરવામાં આવશે. ઇ-કોમર્સ સેક્ટરના ગ્રાથમાં પણ ઝડપી વૃદ્ધિ રહી છે. > પંકજ રેનઝેન,સીઇઓ- એમડી,એનારોક રિટેલ