• Home
  • Business
  • Companies are recalling workers who went home during the lockdown by chartered plane

કવાયત / લોકડાઉન દરમિયાન ઘરે ગયેલા મજૂરોને ચાર્ટર્ડ પ્લેન દ્વારા પાછા બોલાવી રહી છે કંપનીઓ

પ્રતિકાત્મક તસવીર
પ્રતિકાત્મક તસવીર
X
પ્રતિકાત્મક તસવીરપ્રતિકાત્મક તસવીર

  • હાલમાં મજૂરોની અછતથી કંપનીઓને કામ કરવામાં મુશ્કેલી આવી રહી છે
  • 700થી વધુ ડોમેસ્ટિક ફ્લાઇટ્સથી કામદારોને પાછા બોલાવવામાં આવ્યા

દિવ્ય ભાસ્કર

Jun 30, 2020, 12:18 PM IST

નવી દિલ્હી. કોરોનાને કારણે, દેશમાં લોકડાઉન લાગુ થયા પછી લાખો મજૂરો તેમના ગામો અને ઘરોમાં પાછા ફરી ગયા હતા. પરંતુ હવે અનલોક-1માં અર્થતંત્રનો મોટો ભાગ ખુલ્યો છે. સ્થિતિ એ છે કે કંપનીઓ ચાર્ટર્ડ ફ્લાઇટ્સ સાથે મજૂરોને ફેક્ટરીઓમાં પાછા લઈ રહી છે. ઉત્પાદન કંપનીઓ, ખાસ કરીને સ્કિલ્ડ અને અનસ્કિલ્ડ કામદારો બંનેની ભારે અછતનો સામનો કરી રહી છે. આવી સ્થિતિમાં કામદારોને કોઈપણ રીતે પાછા લાવવું તેમના માટે જરૂરી છે. એક અહેવાલ મુજબ, છેલ્લા એક મહિનામાં મેન્યુફેક્ચરિંગ, ઇન્ડસ્ટ્રીયલ ગૂડ્સ, રિઅલ એસ્ટેટ, હોસ્પિટાલિટી જેવા ક્ષેત્રોની કંપનીઓએ 700થી વધુ ડોમેસ્ટિક ફ્લાઇટ્સ દ્વારા કામદારોને તેમના ઘરેથી પાછા કાર્યસ્થળ પર લાવ્યા છે.

આ કંપનીઓએ ચાર્ટર્ડ ફ્લાઇટ સેવા લીધી હતી
સરકારી કંપની ONGC લિમિટેડ અને ઇન્ફ્રા કંપની લાર્સન એન્ડ ટુબ્રોએ પટણા અને ભુવનેશ્વરથી મુંબઇ અને અમદાવાદની ચાર્ટર્ડ ફ્લાઇટ્સ ચલાવીને કામદારોને પાછા બોલાવ્યા હતા. અહેવાલમાં જણાવ્યા અનુસાર, કેટલીક કંપનીઓ અને એરલાઇન્સના અધિકારીઓએ અહેવાલ આપ્યો છે કે ચેન્નાઈ અને રાજમુંદ્રી જેવા ઇન્ડસ્ટ્રીયલ હબ સુધી કર્મચારીઓને પહોચાડવા માટે ઘણી ચાર્ટર્ડ ફ્લાઇટ્સ લેવામાં આવી છે.

કંપનીઓને કામદારો ગુમાવવાનો ભય
હકીકતમાં, લોકડાઉનમાં મોટા પાયે મજૂરો વતન પરત ફરતાં ઉદ્યોગનાં લોકો ખૂબ ચિંતિત હતા. પગાર ન મળવાના કારણે કેટલા કામદારો પરેશાન થયા હતા અથવા તેમની નોકરી ગુમાવી દીધી હતી જેથી તેઓને પગપાળા પાંચસો-હજાર કિલોમીટર દૂર તેમના ઘરે ચાલ્યા ગયા હતા. તેથી જ, ખાસ કરીને ઉત્પાદન કરતી કંપનીઓને ડર હતો કે તેઓએ કુશળ અને અકુશળ મજૂરોની તીવ્ર અછતમાંથી પસાર થવું પડી શકે છે.

ONGCએ આશરે 5000 કર્મચારીઓને બોલાવ્યા
સ્પાઈસ જેટના એક અધિકારીના જણાવ્યા મુજબ, અમે કંપનીઓ વતી ઘણી ચાર્ટર્ડ ફ્લાઇટ્સ ચલાવી છે, જેમાં તેમના કર્મચારીઓને દેશની અંદર અને દેશની બહાર પણ વિવિધ કાર્યસ્થળો પર લઈ જવામાં આવ્યા છે. એક મોટી કંપની સતત આપણા વિમાનોનું બુકિંગ કરીને તેના કર્મચારીઓને પહોંચાડે છે. એર ઇન્ડિયાના એક અધિકારીના જણાવ્યા મુજબ, ONGCએ આશરે 5,000 કર્મચારીઓને ચાર્ટર્ડ પ્લેન દ્વારા તેના વિવિધ કેન્દ્રોમાં પહોચાડ્યા છે. આમાં બિહાર, ઝારખંડ, પૂર્વી ઉત્તર પ્રદેશના કર્મચારીઓ શામેલ છે.

Next Stories

    ની  સંપૂર્ણ વાંચનસામગ્રી