કેન્સના IPO બમ્પર નફો:32% ઉપર લિસ્ટ થયો કેન્સ ટેક્નોલોજીનો શેર, સેન્સેક્સમાં 150 અંકોની તેજી

18 દિવસ પહેલા
  • કૉપી લિંક

અઠવાડિયાના બીજા કારોબારી દિવસ મંગળવારે શેરબજારમાં તેજી છે. સેન્સેક્સ 150થી વધુ અંક વધીને 61,300ની પાર કારોબાર કરી રહ્યું છે. નિફ્ટીમાં પણ આશરે 50 અંકોની તેજી છે. તે 18.200ની પાર કારોબાર કરી રહ્યું છે. સેન્સેક્સના 30માંથી 19 શેરોમાં ઘટાડો છે, જ્યારે 11 શેરોમાં તેજી છે. અલ્ટ્રાટેક સિમેન્ટ અને ઇન્ડસઇન્ડ બેંક આશરે 2% વધ્યા. નેસ્લે, પાવરગ્રીડ અને કોટક બેન્કમાં અડધા ટકાથી વઘુ ઘટાડો છે.

કેન્સના શેરમાં બમ્પર નફો
કેન્સ ટેક્નોલોજીનું લિસ્ટિંગ નેશનલ સ્ટોક એક્સચેન્જ (NSE)પર 32.54% વધીને 778 રૂપિયાના લેવલ પર રહ્યું. ત્યાં બોમ્બે સ્ટોક એક્સચેન્જ (BSE)પર શેર 32% ઉપર 775 રૂપિયાના લેવલ પર લિસ્ટ થયું. તેની ઇશ્યૂ પ્રાઇઝ 587 રૂપિયા હતી. 10 નવેમ્બરથી 14 નવેમ્બર સુધી સબ્સક્રિપ્શન માટે ખૂલેલ 857.82 કરોડ રૂપિયાના આ IPOને 34.22 ગણી બોલીઓ મળી હતી.

જેરોધા એપ ડાઉન
ટ્રેડિંગ પ્લેટફોર્મ જેરોધાના ઘણા યૂઝર્સને મંગળવારની સવારે પોતાની એપ કાઇટ પર ટ્રેડિંગ કરવામાં મુશ્કેલીનો સામનો કરવો પડ્યો. ઘણા યૂઝર્સે સોશિયલ મીડિયા પર કહ્યું કે તેઓ ઓર્ડર પ્લેસ નથી કરી શકતા અથવા તેમના ઓર્ડર કેન્સલ થઇ રહ્યા છે. downdetector.com અનુસાર, 71% યૂઝર્સે ટ્રેડિંગમાં મુશ્કેલીનો રિપોર્ટ કર્યો, ત્યાં 16%એ વેબસાઇટ સંબંધિત સમસ્યાઓનો સામનો કર્યો અને 13%એ મોબાઇલ બ્રોકરેજની સાથે કઠિનાઇનો સામનો કર્યો. ટ્વિટર પર પણ કેટલાક યૂઝર્સે મુશ્કેલીનો રિપોર્ટ કર્યો.

રૂપિયો તેજીની સાથે ખૂલ્યો
ડોલરના મુકાબલે રૂપિયા આજે 12 પૈસા ઉછળીને 81.72ના સ્તરે ખૂલ્યો. સોમવારે ડોલરના મુકાબલે રૂપિયો 5 પૈસાના ઘટાડા સાથે 81.79 પર બંધ થયો હતો. ત્યાં છ મુદ્રાઓના બાસ્કેટના મુકાબલે ડોલરની સ્ટ્રેંથનું અનુમાન લગાવાવાળો ડોલર ઇન્ડેક્સ 0.24% ઘટીને 107.57 પર આવી ગયો. એક્સપર્ટનું માનવું છે કે ડોલરની મજબૂતાઇ અને બજારોમાં સતર્કતાની વચ્ચે સીમિત રહીને ટ્રેડ કરવાની આશા છે.

સોમવારે સેન્સેક્સ 518 એક તૂટ્યો હતો
અઠવાડિયાના પહેલા કારોબારી દિવસ સોમવારે શેરબજારમાં ઘટાડો રહ્યો. સેન્સેક્સ 518 અંક એટલે 0.84%ના ઘટાડા સાથે 61,144 પર બંધ થયો હતો. નિફ્ટી પણ 153 અંક એટલે કે 0.84 તૂટીને 18,154 પર બંધ થયો હતો. સેન્સેક્સના 30માંથી 22 સ્ટોકમાં ઘટાડો રહ્યો. સેન્સેક્સ પર ટેક મહિન્દ્રા સૌથી વધુ 2.19% તૂટ્યો હતો. એક્સિસ બેન્ક અને એરટેલમાં લગભગ 1.5%ની તેજી રહી.