માગ વધી:આર્ટફેક્ટ્સના ઓક્શન બિઝનેસ 2022માં કુલ વેચાણમાં 45.2% હિસ્સો ધરાવતી 165 કરોડથી વધુની કલાકૃતિઓ

આર્ટફેક્ટ્સનો બિઝનેસ વૈશ્વિક સ્તરે ઝડપી વધી રહ્યો છે. કેટલાક વર્ષોથી વિશ્વભરના ધનિકોની સંપત્તિમાં સતત વધારો થઈ રહ્યો છે જેના કારણે આ પ્રકારની પ્રોડક્ટની માગ ઝડપી ખુલી છે. હાઈ-એન્ડ પ્રોપર્ટી, ઓટોમોબાઈલ અને આર્ટની ખરીદીમાં થયેલા વધારા પરથી આનો અંદાજ લગાવી શકાય છે. છેલ્લા પાંચ વર્ષમાં 10 લાખ ડોલરથી વધુની કિંમતની આર્ટવર્કના વેચાણમાં તીવ્ર વધારો થયો છે જે લગભગ 8.26 કરોડ રૂપિયા છે. આર્ટવર્કના ક્ષેત્રમાં સંશોધન કરતી લંડન સ્થિત રિસર્ચ ફર્મ આર્ટ ટેક્ટિક અને ઓક્શન હાઉસ સોથેબીના સંયુક્ત રિપોર્ટમાંથી આ માહિતી મળી છે.

વૈશ્વિક સ્તરે ધનિકોની સંખ્યામાં વધારો થવા ઉપરાંત ગ્રાહકો દ્વારા આર્ટ પ્રત્યેનો વધી રહેલો પ્રેમ અને ખરીદ ક્ષમતામાં વધારો આ સેગમેન્ટને વેગ આપવાનું મુખ્ય કારણ રહ્યું છે. રિપોર્ટમાં જણાવવામાં આવ્યું છે કે સમકાલીન, પ્રભાવવાદી, આધુનિક, ન્યુ માસ્ટર્સ અને પરંપરાગત ચાઇનીઝ કલાના વેચાણનું વિશ્વના ત્રણ મુખ્ય હરાજી ગૃહો - સોથેબીઝ, ક્રિસ્ટીઝ અને ફિલિપ્સમાં વિશ્લેષણ કરવામાં આવ્યું છે. સરખામણીમાં ઉચ્ચ સ્તરીય ગૌણ બજારનો સમાવેશ કરવામાં આવ્યો છે. કેટલાક ખાનગી અને અપ્રગટ ડીલનો પણ પ્રથમ વખત રિપોર્ટમાં સમાવેશ કરવામાં આવ્યો છે. અહેવાલમાં જણાવાયું છે કે 2018 દરમિયાન, આ ત્રણ હરાજી ગૃહોએ 1 મિલિયન ડોલરથી વધુની કિંમતની કલાના વેચાણથી $744 મિલિયન (રૂ. 61477 કરોડ)ની કમાણી કરી હતી.

2022માં આ આંકડો 9.5% વધીને $815 મિલિયન (રૂ. 67340 કરોડ) થયો. ખાસ વાત એ છે કે ગયા વર્ષે 20 મિલિયન ડોલર (રૂ. 165 કરોડ)થી વધુની આર્ટવર્કના વેચાણનો હિસ્સો કુલ વેચાણના 45.2% હતો. 2018માં, જ્યાં $1 મિલિયનથી વધુ મૂલ્યના કલાના કાર્યોની સરેરાશ કિંમત $5.3 મિલિયન (રૂ. 43.8 કરોડ) હતી, 2022માં તે વધીને $6 મિલિયન (રૂ. 49.5 કરોડ) થઈ ગઈ.

હાઈ-એન્ડ પ્રોપર્ટી, ઓટોમોબાઈલ અને આર્ટની ખરીદીમાં થયેલા વધારા પરથી આનો અંદાજ લગાવી શકાય છે. છેલ્લા પાંચ વર્ષમાં 10 લાખ ડોલરથી વધુની કિંમતની આર્ટવર્કના વેચાણમાં તીવ્ર વધારો થયો છે જે લગભગ 8.26 કરોડ રૂપિયા છે. આગામી સમયગાળામાં વૈશ્વિક અર્થતંત્રનો ગ્રોથ કેવો રહે છે અને ગ્રાહકોની ખરીદ શક્તિ કેવી રહે છે તેના પર આધાર રહેલો છે.

ખાનગી સોદાઓની સંખ્યામાં પણ ઝડપી વૃદ્ધિ
કોવિડ મહામારી અને ત્યારબાદના કારણે કલાકૃતિઓના ખાનગી વેચાણમાં વધારો જોવા મળ્યો છે. 2019 અને 2020માં સોથબીના ખાનગી વેચાણમાં $1 મિલિયનથી વધુમાં વેચાયેલી આર્ટવર્કનો હિસ્સો વધીને 76% થયો છે. કલાકૃતિઓની સરેરાશ વેચાણ કિંમત પણ રૂ. 55 કરોડથી ઉપર રહી. આર્ટ ટેક્ટિકના સ્થાપક અને સીઇઓ એન્ડર્સ પેટરસન કહે છે કે ખાનગી અને જાહેર વેચાણનો વિરોધાભાસી સંબંધ છે. 2020 માં જ્યાં ખાનગી વેચાણમાં તેજી આવી હતી ત્યાં જાહેર વેચાણમાં ઘટાડો જોવા મળ્યો હતો. પેટરસનના જણાવ્યા અનુસાર શ્રીમંતોએ તેમના નાણાંનો ઉપયોગ આર્ટવર્ક ખરીદવા માટે કર્યો છે. ભારતમાં રોકાણ કરવાનો ટ્રેન્ડ જે રીતે વધી રહ્યો છે તે ભૂતકાળમાં સાવ નહિંવત્ હતો.