નવું વર્ગીકરણ:AMFIએ યસ બેન્ક સહિત છ શેર લાર્જકેપ કેટેગરીમાં સામેલ કર્યા, BSE માર્કેટકેપમાં લાર્જકેપ્સનો હિસ્સો 76.38 ટકાનો

મ્યુચ્યુઅલ ફંડ્સના સંગઠન એમ્ફીએ કંપનીઓના માર્કેટકેપના આધારે નવું વર્ગીકરણ જારી કર્યું છે. તેમાં યસ બેન્ક અને અદાણી એન્ટરપ્રાઇસિસ સહિત છ સ્ક્રીપ્સને લાર્જકેપમાં સમાવિષ્ઠ કરાયા છે. આ ફેરફાર આગામી છ માસ સુધી લાગુ પડશે. આ વર્ગીકરણ અનુસાર મ્યુચ્યુઅલ ફંડ્સ કંપનીઓએ ઇક્વિટી ફંડ યોજનાઓ તૈયાર કરવી પડે છે.

સેબીના નિયમ અનુસાર ભારતીય મ્યુચ્યુઅલ ફંડ્સ કંપનીઓએ દર છ મહિને કંપનીઓનું વર્ગીકરણ કરવાનું રહે છે. તેમાં માર્કેટકેપના સંદર્ભમાં ટોચની 100 કંપનીઓને લાર્જકેપમાં, ત્યારપછી 250 કંપનીઓને મિડકેપમાં અને બાકીની કંપનીઓને સ્મોલકેપમાં મૂકવામાં આવે છે. સૌથી મહત્વની વાત એ છે કે, લાર્જકેપ કંપનીઓની સંખ્યા 100 છે. પરંતુ કુલ માર્કેટકેપમાં તેમનો હિસ્સો 76.38 ટકાનો છે. જ્યારે 250 મિડકેપ કંપનીઓનો બીએસઇના કુલ માર્કેટકેપમાં હિસ્સો 15.41 ટકા છે.

લાર્જકેપમાં 6 કંપનીનો સમાવેશ