• Gujarati News
  • Business
  • 46 Crore Rupees From Companies Including Paytm razorpay, Raids Conducted At 16 Places

ચાઇનીઝ લોન એપ સામે EDની લાલ આંખ:Paytm-Razorpay સહિતની કંપનીઓના 46 કરોડ રૂપિયા ફ્રીઝ, 16 સ્થળે પાડ્યા દરોડા

16 દિવસ પહેલા
  • કૉપી લિંક

એન્ફોર્સમેન્ટ ડિરેક્ટોરેટ(ED)એ Paytm, Razorpay અને Cashfreeનાં બેંક એકાઉન્ટ અને વર્ચ્યુઅલ એકાઉન્ટના 46.67 કરોડ રૂપિયા ફ્રીઝ કર્યા છે. ચાઈનીઝ લોન એપ મામલે મોટી કાર્યવાહી કરવામાં આવી છે. 14 સપ્ટેમ્બરે દિલ્હી, ગાઝિયાબાદ, લખનઉ, મુંબઈ, બિહારનાં 6 સ્થળે દરોડા પાડવામાં આવ્યા હતા.

એન્ફોર્સમેન્ટ ડિરેક્ટોરેટ(ED)એ ચાઈનીઝ લોન એપ મામલે મોટી કાર્યવાહી કરી છે. EDએ મોટી એપ ગણાતી Paytm, Razorpay અને Cashfreeનાં બેંક ખાતાં ફ્રીઝ કર્યા છે. થોડા દિવસ અગાઉ EDએ કંપનીઓની ઓફિસ પર દરોડા પાડ્યા હતા.

16 સ્થળે દરોડા
14 સપ્ટેમ્બરે દિલ્હી, ગાઝિયાબાદ, લખનઉ, મુંબઈ, બિહારનાં 6 સ્થળે દરોડા પાડવામાં આવ્યા હતા. HPZ લોન એપ વિરુદ્ધ નોંધાયેલા મની લોન્ડરિંગ કેસમાં દિલ્હી, ગુરુગ્રામ, મુંબઈ, પુણે, ચેન્નઈ, હૈદરાબાદ, જયપુર, જોધપુર અને બેંગલુરુમાં Paytm, Razorpay, Cashfree અને EASEBUZZનાં 16 સ્થળે દરોડા પાડવામાં આવ્યા હતા.

તપાસ દરમિયાન EDને માહિતી મળી હતી કે આ કંપનીઓનાં વર્ચ્યુઅલ ખાતાંમાં ભારે રકમ જમા કરેલી છે. ઈઝીબઝ પ્રાઈવેટ લિમિટેડના ખાતામાં 33.36 કરોડ રૂપિયા, રેઝરપે સોફ્ટવેર પ્રાઈવેટ લિમિટેડના ખાતામાં 8.21 કરોડ રૂપિયા, કેશફ્રી પેમેન્ટ ઈન્ડિયા પ્રાઈવેટ લિમિટેડના ખાતામાં 1.28 કરોડ રૂપિયા અને PAYTM પેમેન્ટ સર્વિસ લિમિટેડના ખાતામાં 1.11 કરોડ રૂપિયા મળ્યા છે.

EDના નિવેદન અનુસાર, આ અલગ-અલગ ખાતાં અને વર્ચ્યુઅલ એકાઉન્ટમાં લગભગ 46.67 કરોડ રૂપિયાની કુલ રકમ શોધી કાઢીને ફ્રીઝ કરવામાં આવી હતી. ED નાગાલેન્ડ પોલીસ દ્વારા ગયા વર્ષે નોંધાયેલા મની લોન્ડરિંગ કેસ પર તપાસ કરી રહી હતી.

શું છે મામલો?
HPZ TOKEN એપ આધારિત કંપની છે, જેણે બિટકોઈન અને ક્રિપ્ટોકરન્સીમાં રોકાણ કરવાના નામે યુઝર્સને વધુ લાભ આપવાની લાલચ આપી હતી. શરૂઆતમાં યુઝર્સને HPZ TOKEN કંપનીમાં રોકાણ કરવા બદલ રોકાણને બમણું કરવાની લાલચ આપવામાં આવી હતી. UPI અને અન્ય પેમેન્ટ ગેટવે દ્વારા યુઝર્સ પાસેથી પેમેન્ટ એકત્ર કરવામાં આવ્યું. શરૂઆતમાં રોકાણકારોને આંશિક રકમની ચુકવણી પણ કરી. એવો આરોપ છે કે બાકીની રકમ વિવિધ પેમેન્ટ ગેટવે અને બેંકો દ્વારા વિવિધ વ્યક્તિઓ અને કંપનીઓનાં ખાતાંમાં ટ્રાન્સફર કરવામાં આવી હતી.

નકલી સરનામાને આધારે થતી હતી કામગીરી
EDએ આ મહિને રેઝરપે પ્રાઈવેટ લિમિટેડ, કેશફ્રી પેમેન્ટ, PAYTM પેમેન્ટ સર્વિસ લિમિટેડ અને ચીની વ્યક્તિઓ દ્વારા ચાલતી કંપનીઓની ઓફિસની તપાસ કરી. તપાસ દરમિયાન માહિતી મળી કે આ કંપની નકલી સરનામાને આધારે કામ કરી રહી છે. ચીની વ્યક્તિ સંચાલિત સંસ્થાઓનાં વેપારી ખાતાં અને બેંક ખાતાંમાં 17 કરોડ રૂપિયાની રકમ જપ્ત કરવામાં આવી છે.

અન્ય સમાચારો પણ છે...