ઓટોમોબાઇલ:હીરોના 1500 શૉ રૂમ ખૂલતાં જ 10 હજાર બાઈકનું વેચાણ

હીરો મોટોકોર્પે લૉકડાઉન પછી તેના 1500 રિટેલ આઉટલેટ ફરી શરૂ કરી દીધા છે. છેલ્લા કેટલાક દિવસ દરમિયાન કંપનીએ 10 હજાર મોટરસાઈકલ-સ્કૂટરનું વેચાણ શરૂ કર્યું છે. કંપનીએ કહ્યું કે અધિકૃત વિતરક અને સર્વિસ સેન્ટરે કામ શરૂ કરી દીધું છે. કંપનીએ તેના પ્લાન્ટમાંથી વાહનો મોકલવાનું 7 મેથી શરૂ કર્યું છે.
હરિયાણાના ધારુહેરા અને ગુડગાંવ તથા ઉત્તરાખંડના હરિદ્વાર પ્લાન્ટમાં કામ શરૂ
વિશ્વભરમાં કંપનીએ કોરોનાને કારણે સાવચેતીના પગલારૂપે ઉત્પાદન બંધ કર્યું હતું. 4 મેથી હરિયાણાના ધારુહેરા અને ગુડગાંવ તથા ઉત્તરાખંડના હરિદ્વાર પ્લાન્ટમાં કામ શરૂ કર્યું છે. કંપનીએ કહ્યું હતું કે રિટેલ આઉટલેસનું ડોમેસ્ટિક વેચાણમાં 30 ટકા હિસ્સો છે. કંપનીએ દરેક આઉટલેટમાં કોરોનાને કારણે તમામ પ્રકારની સાવચેતી રાખવાનું પણ જણાવ્યું છે.