• Home
  • Business
  • Latest News
  • Narayan Murthy, angry for an hour and a half late in the program; Finished the 20 minute speech in 5 minutes and said I'm not used to this

એમેઝોન સંભવ / કાર્યક્રમમાં દોઢ કલાક મોડું થતા નારાયણ મૂર્તિ નારાજ; 20 મિનિટની સ્પીચ 5 મિનિટમાં ખતમ કરીને કહ્યું- હું આનાથી ટેવાયેલો નથી

Narayan Murthy, angry for an hour and a half late in the program; Finished the 20 minute speech in 5 minutes and said - I'm not used to this

  • દિલ્હીના જવાહરલાલ નહેરુ સ્ટેડિયમમાં નાના અને મધ્યમ વેપારીઓ માટે એમેઝોન સંભવ સમિટનું આયોજન થયું હતું
  • એમેઝોનના ફાઉન્ડરની હાજરીમાં ઈન્ફોસિસના ફાઉન્ડર નારાયણ મૂર્તિએ કાર્યક્રમ મોડો શરૂ થતા નારાજગી વ્યક્ત કરી હતી 

Divyabhaskar.com

Jan 15, 2020, 06:52 PM IST

નવી દિલ્હીઃ ઈન્ફોસિસના ફાઉન્ડર એનઆર નારાયણ મૂર્તિએ બુધવારે ‘એમેઝોન સંભવ’માં હાજરી આપી હતી. જવાહરલાલ નહેરુ સ્ટેડિયમમાં આ કાર્યક્રમ નક્કી કરેલા સમય કરતા દોઢ કલાક મોડો શરૂ થયો હતો. આ અંગે નારાયણ મૂર્તિએ નારાજગી વ્યક્ત કરતા કહ્યું કે, મને આ રીતે મોડા પડવાની ટેવ નથી. બાદમાં નારાયણ મૂર્તિએ તેમનું 20 મિનિટનું ભાષણ 5 મિનિટમાં જ પૂર્ણ કર્યું હતું. બે દિવસીય સંભવ સમિટમાં એમેઝોનના ફાઉન્ડર જેફ બેજોસે પણ હાજરી આપી હતી.

મારી વાત સંક્ષેપમાં કહેવાનો પ્રયાસ કરીશઃ નારાયણ મૂર્તિ
નારાયણ મૂર્તિએ કહ્યું- આપણને લગભગ દોઢ કલાક જેટલું મોડું થઈ ગયું છે. મારે મારી વાત 11.45 સુધી ખતમ કરવાની હતી, પણ હાલ 11.53 થઈ રહ્યા છે એટલે હું મારી વાત સંક્ષેપમાં કહેવાનો પ્રયાસ કરીશ. મારે 20 મિનિટ સુધી બોલવાનું હતું, પણ હવે હું મારી વાત પાંચ જ મિનિટમાં પતાવીશ. કારણ કે હું આવા મોડા કાર્યક્રમોથી ટેવાયેલો નથી.પોતાની વાત ખતમ કરીને તાત્કાલિક તેમણે મંચ છોડી દીધું હતું. ત્યારબાદ તેઓ ફરી સ્ટેજ પર ત્યારે આવ્યા જ્યારે એમેઝોનના સીઈઓ જેફ બેજોસે તેમને પ્રશંસા પત્ર આપવા માટે બોલાવ્યા.
એમેઝોન સંભવ સમિટમાં 100થી વધારે ગ્લોબલ લીડર અને એક્સપર્ટ આવ્યા
નાના અને મધ્યમ વેપારીઓ માટે યોજાયેલા એમેઝોન સંભવ સમિટમાં 100થી વધારે ગ્લોબલ લીડર અને ઈન્ડસ્ટ્રી એક્સપર્ટ ભાગ લઈ રહ્યા છે. એમેઝોનના ફાઉન્ડર અને સીઈઓ જેફ બેજોસ આ સમિટ માટે ભારતના પ્રવાસે આવશે. તેમણે સમિટ દરમિયાન જાહેરાત કરી હતી કે એમેઝોન 2025 સુધી 10 અબજ ડોલર(71 હજાર કરોડ રૂપિયા)ની કિંમસની મેક ઈન ઈન્ડિયા પ્રોડક્ટ્સ એક્સપોર્ટ કરશે. સાથે જ ભારતમાં નાના અને મધ્યમ વેપારીઓને ડિઝિટાઈઝ કરવા માટે એક અબજ ડોલર(7,100 કરોડ રૂપિયા)નું રોકાણ કરવામાં આવશે.

X
Narayan Murthy, angry for an hour and a half late in the program; Finished the 20 minute speech in 5 minutes and said - I'm not used to this
COMMENT

Next Stories

    ની  સંપૂર્ણ વાંચનસામગ્રી