તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

બહાર કરતાં ઘરની અંદરની હવા વધુ ખરાબ હોય છે, દેશમાં સૌપ્રથમ અમદાવાદ અને ગાંધીનગરમાં સર્વે થયો

એક વર્ષ પહેલા
  • કૉપી લિંક
  • હોસ્પિટલ્સ, મોલ, ઓફિસીસ અને થિયેટર્સની અંદર પણ હવાનું પ્રદૂષણ સામાન્ય કરતાં વધુ ખરાબ
  • ઇન્ડોર એર ક્વોલિટી ઇન્ડેક્સ 50-70 પોઈન્ટનો હોવી જોઈએ તેની સામે 100થી વધુ આવ્યો

1) દેશમાં પહેલીવાર ઇન્ડોર એર ક્વોલિટી સર્વે ગુજરાતમાં થયો

ઈશરેમાં લર્નિંગના વાઈસ પ્રેસિડેન્ટ યોગેશ ઠક્કરે જણાવ્યું કે, ભારત પાસે ઈનડોર એર ક્વોલિટી અંગે રિયલ ટાઈમ ડેટા ઉપલબ્ધ નથી, પણ સમારંભના એક હિસ્સા તરીકે અમે એન્જીન્યરીંગ કોલેજોના સ્ટુડન્ટસ ચેપ્ટર્સ અને ઈશરેના યુવા એન્જીન્યરોની સહાયથી આ ડેટા એકત્ર કરવાનો જંગી પ્રયાસ હાથ ધર્યો છે. દેશમાં પહેલીવાર ઇન્ડોર એર ક્વોલિટી સર્વે ગુજરાતમાં થયો છે. આ સર્વે ગાંધીનગર અને અમદાવાદની 251 જેટલી રહેણાંક, કોમર્શિયલ, હોસ્પિટલ્સ, મોલ, ઓફિસીસ અને થિયેટર્સ બિલ્ડિંગ્સમાં કરવામાં આવ્યો હતો.

ઈશરે કોન્ફ્લુઅન્સના ચેરમેન કમલેશ મહેતાએ જણાવ્યું કે, આ પ્રોગ્રામની સફળતાને આધારે ઈશરે તેનાં 42 ચેપ્ટર્સ અને 12,000થી વધુ સ્ટુડન્ટ મેમ્બર્સ મારફતે સમગ્ર દેશમાં આ ડેટા રેકોર્ડ કરશે. મને વિશ્વાસ છે કે આ ડેટા આંખ ઉઘાડનારો બની રહેશે અને ભવિષ્યમાં નીતિ ઘડનાર  અને ડિઝાઈનર સમુદાય માટે સાચા ઈજનેરી ઉપાયો હાથ ધરવા માટે ખૂબ જ ઉપયોગી નિવડશે.

પંકજ ધારકરે જણાવ્યું કે, એર ક્વોલિટીના સ્ટાન્ડર્ડ બનાવવા માટે ઈશરે દ્વારા બ્યુરો ઓફ ઇન્ડિયન સ્ટાન્ડર્ડ (BIS) સાથે વાતચીત શરુ કરવામાં આવી છે અને આના ઉપર ટૂંક સમયમાં નિર્ણય પણ લેવાય તેવી સંભાવના છે. આમાં મુખ્યત્વે એરકન્ડીંશન અને એર પ્યુરીફાયરમાં ફિલ્ટરેશન અને ટેક્નોલોજીને લગતા સ્ટાન્ડર્ડ ફિક્સ કરવામાં આવશે.

પંકજ ધારકર જણાવે છે કે, અમેરિકા, કેનેડા, ડેનમાર્ક, ચીન અને ભારતના નિષ્ણાત વકતાઓ આ કોન્ફ્લુઅન્સમાં સામેલ થશે અને ચર્ચા કરશે કે કથળતી જતી હવાની ગુણવત્તાની સમસ્યા  કેવી રીતે નિવારી શકાય. IAQA (ઈનડોર એર ક્વોલિટી એસોસિએશન (Inc.)) IEQ GA (ઈનડોર એનવાયરોમેન્ટલ ક્વોલિટી- ગ્લોબલ એલાયન્સ)ના પ્રેસીડેન્ટસ અને ડિરેકટર્સ પણ આ સમારંભમાં પ્રવચન આપશે. આ સમારંભને વિશ્વની 12 અલગ અલગ એન્જીન્યરીંગ અને આર્કિટેક્ચરલ સોસાયટીઝનો સહયોગ પ્રાપ્ત થયો છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે માર્કેટિંગ કે મીડિયાને લગતી કોઇપણ મહત્ત્વપૂર્ણ જાણકારી મળી શકે છે, જે તમારી આર્થિક સ્થિતિ માટે ખૂબ જ ઉપયોગી સાબિત થશે. કોઇપણ ફોન કોલને ઇગ્નોર ન કરો. તમારા મોટાભાગના કામ સહજ અને આરામદાયક ...

    વધુ વાંચો