તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Government's Ambitious Targets For Electric Vehicles Should Be Practical: SIAM

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ઇલેક્ટ્રિક વ્હિકલ્સને લઇને સરકારનો લક્ષ્યાંક મહત્ત્વાકાંક્ષી હોવાની સાથે વ્યવહારિક પણ હોવો જોઈએ: SIAM

એક વર્ષ પહેલા
  • કૉપી લિંક
  • બિનજરૂરી ઉતાવળથી ઓટો ઉદ્યોગને અસર થવી ન જોઈએ
  • ટૂંકા ગાળામાં ટુ-થ્રી વ્હીલરનાં વેચાણ પર પ્રતિબંધથી ઉદ્યોગને નુકસાન થશે
  • BS VI માટે રૂ. 70,000-80,000 કરોડનાં જંગી રોકાણની જરૂર પડશે

અમદાવાદ: ભારત મહત્ત્વાકાંક્ષી રાષ્ટ્ર છે અને દુનિયાની સાથે તાલમેળ જાળવવાની સાથે ઇલેક્ટ્રિક વ્હિકલ્સ (EVs)નાં ક્ષેત્રમાં મોખરે રહેવા આતુર છે. જોકે આ મહત્ત્વાકાંક્ષાને પૂરી કરવા વ્યવહારિક અભિગમની જરૂરી પડશે અને ઓટોમોટિવ ઉદ્યોગે બિનજરૂરી ફેરફાર કર્યા વિના શક્ય હોય એવા ઉપાયો કરવાની જરૂર છે એવી ચેતવણી ધ સોસાયટી ઓફ ઇન્ડિયન ઓટોમોબાઇલ મેનુફેક્ચરર્સ (SIAM)ના પ્રેસિડન્ટ રાજન વાઢેરાએ આપી હતી.

1) ટુ અને થ્રી વ્હીલરનાં વેચાણ પર પ્રતિબંધની દરખાસ્ત અવ્યવહારુ છે

અત્યારે ઓટોમોટિવ ઉદ્યોગ BS VI નિયમોનું પાલન કરવા હરણફાળ ભરવા વિવિધ પડકારોનો સામનો કરે છેઆ માટે ઉદ્યોગે ધ્યાન કેન્દ્રિત કરવું પડશે અને રૂ. 70,000-80,000 કરોડનાં જંગી રોકાણની જરૂર પડશે. આ રોકાણ પરત મળે એ અગાઉ સરકારે વર્ષ 2023 સુધીનાં ટૂંકા ગાળાની અંદર આઇસીઈ આધારિત થ્રી વ્હીલર્સનાં વેચાણ પર પ્રતિબંધ મૂકવાની અને વર્ષ 2025 સુધીમાં 150સીસીથી ઓછા 2 વ્હીલર્સનાં પ્રતિબંધ મૂકવાની દરખાસ્ત રજૂ કરી છે. આ કસમયે રજૂ કરવામાં આવેલી તદ્દન અવ્યવહારિક દરખાસ્ત છે એવું વાઢેરાએ જણાવ્યું હતું.

વાઢેરાએ કહ્યું હતું કે, ઓટોમોટિવ ઉદ્યોગની સાચી કરોડરજ્જુ લઘુ અને મધ્યમ ક્ષેત્ર છે, જેમાં મોટી સંખ્યામાં કમ્પોનેન્ટ સપ્લાયર્સ ટૂ/થ્રી વ્હીલર સેગમેન્ટને સપોર્ટ કરે છે. જ્યારે વર્ષ 2023 અને 2025 સુધીમાં 2/3 વ્હીલને 100% EVમાં પરિવર્તિત કરવાનો વિચાર કરવામાં આવે છે, ત્યારે દેશમાં કોઈ પણ પક્ષ – ઉદ્યોગ, સરકાર કે સપ્લાયર્સ EVનો અર્થપૂર્ણ અનુભવ ધરાવતાં નથી. હાલની સ્થિતિમાં EV તરફ પરિવર્તનને વેગ આપતી કોઈ પણ નીતિ મોટાં ફેરફારોને પ્રેરિત કરશે, જેનાથી ઓટો ઉદ્યોગને નોંધપાત્ર નુકસાન થઈ શકે છે અને આ એમએસએમઇની સંપૂર્ણ ઇકોસિસ્ટમને મોટો ફટકો આપશે, જેનાં પરિણામે રોજગારીનાં સર્જનને નકારાત્મક અસર થશે.

વાઢેરાએ કહ્યું હતું કે, ભારતનાં ઉત્પાદન ક્ષેત્રમાં એકમાત્ર સફળતા ઓટો ઉદ્યોગને મળી છે. EV ટેકનોલોજીઓ આટલા ટૂંકા ગાળાની અંદર માગને સંપૂર્ણપણે બદલશે એવી આશામાં આગામી 5થી 6 વર્ષની અંદર પરિપક્વ ઓટોમોટિવ ટેકનોલોજીઓ પર પ્રતિબંધ મૂકવાની બિનજરૂરી ઉતાવળ દ્વારા આ સફળતાની ગાથાને અસર ન થવી જોઈએ. આ પ્રકારની અવાસ્તવિક અપેક્ષાઓ અને નીતિઓથી વિશ્વનાં નંબર 1 ટૂ/થ્રી વ્હીલર ઉદ્યોગને નુકસાનકારક અસર થવાની સાથે ગ્રાહક અને બજારમાં ઇલેક્ટ્રિક વ્હિકલની સ્વીકાર્યતા ઊભી કરવામાં મદદ પણ નહીં થાય.

વાઢેરાએ જણાવ્યું હતું કે, અત્યારે દેશમાં ઓટોમોટિવ ઉદ્યોગનાં તમામ પક્ષો સાથે ચર્ચાવિચારણા કરીને તમામ વિસ્તારોમાં જરૂરી માળખાગત સુવિધાઓ સ્થાપિત કરવા માટે સંપૂર્ણ યોજના સાથે વ્યવહારિક સમયગાળામાં મહત્ત્વાકાંક્ષી ઇલેક્ટ્રિક વ્હિકલ બજારમાં ઉતારવા માટે યોજનાની જરૂર છે. SIAMનાં નેજાં હેઠળ ઓટો ઉદ્યોગ સરકાર સાથે ગાઢ ભાગીદારી જાળવી રાખશે, જે ઇલેક્ટ્રિક વાહનો માટે આયોજિત પરિવર્તન અને રાષ્ટ્રનિર્માણને સુનિશ્ચિત કરશે.

આજનું રાશિફળ

મેષ
Rashi - મેષ|Aries - Gujarati News
મેષ|Aries

પોઝિટિવઃ- આ સમયે ગ્રહ સ્થિતિ અનુકૂળ છે. સન્માનજનક સ્થિતિ બનશે. તમે તમારી કોઇ નબળાઈ ઉપર વિજય પણ પ્રાપ્ત કરવામાં સક્ષમ રહેશો. વિદ્યાર્થીઓને કરિયરને લગતી કોઇ સમસ્યાનું સમાધાન મળવાથી વધારે ઉત્સાહ રહેશે. ...

વધુ વાંચો