તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

રાજકોટના ઉદ્યોગકારે કારીગરોનું વ્યસન છોડાવવા મંદીનો સહારો લીધો; તમાકુ, ગુટખા, બીડીની આદતોથી નોકરી ગુમાવવી પડશે

10 મહિનો પહેલા
  • કૉપી લિંક
  • ફેક્ટરી પર મોટું સ્ક્રીન લગાવી વ્યાસન મુક્તિ માટે પ્રેરણાદાયી વક્તવ્ય સંભળાવ્યા
  • ખરાબ આદતો છોડાવવા કારીગરો અને અન્ય સ્ટાફને રોજ યોગા કરાવે છે

1) ટાટા ગ્રુપની પ્રવૃત્તિઓ જોઇને પ્રેરણા મળી

આ અંગે Divya Bhaskarને જણાવતા કંપનીના મેનેજીંગ પાર્ટનર સહદેવસિંહ ઝાલાએ કહ્યું કે, અમારે કામના સંદર્ભમાં ટાટા મોટર્સમાં પુણે જવાનું થતું હોય છે અને ત્યાં અમે જોયેલું કે ટાટા ગ્રુપ પોતાના વર્કર્સ માટે ઘણું કરી રહી છે. આ સિવાય જર્મની, ચીન, અમેરિકા જવાનું હોય છે. ત્યાં કારીગરોના વ્યસનને લઇને બહુ જ કડક નિયમો છે જે આપણે ત્યાં નથી. આ બધા ઉપરથી પ્રેરણા લઈને અમે અમારા ત્રણ યુનિટ્સમાં કારીગરોના વ્યસનને છોડાવવા માટે એક ખાસ પ્રોગ્રામ બનાવ્યો અને અમને તેમાં સફળતા પણ મળી છે.

સહદેવસિંહ ઝાલાએ જણાવ્યું કે, અમે જયારે અમારા વર્કર્સને વ્યસન છોડવા માટે કહ્યું ત્યારે ઘણા લોકોને તે પસંદ નહોતું આવ્યું. આ માટે કડક શબ્દોમાં કહ્યું કે જો નોકરી ટકાવી રાખવી હોય તો તમારી ખરાબ આદતોને મુકવી પડશે અને અમે તેમાં મદદ કરીશું. કારીગરો વ્યસન છોડે તે માટે અમે ફેકટરીમાં એક મોટું સ્ક્રીન લગાવી અને પ્રોજેક્ટર દ્વારા તેમાં અલગ અલગ પ્રકારના વ્યસન મુક્તિના પ્રેરણાત્મક પ્રવચનો અને વિડીયો બતાવ્યા.

ઝાલાએ Divya Bhaskar સાથેની વાતચીતમાં જણાવ્યું કે, અમને અમારા આ કામમાં સફળતા મળી એ માટે મંદી એક મોટું પરિબળ છે. સામાન્ય સંજોગો કે તેજીના સમયમાં કારીગરોને નોકરી ગુમાવવાનો ભય રહેતો નથી. નોકરી જાય તો પણ બીજી જગ્યાએ તરત જ કામ મળી રહે છે. પરંતુ, હાલમાં મંદીનો માહોલ હોવાથી તાત્કાલિક કોઈ બીજી જગ્યાએ નોકરી મેળવવી તેમના માટે અઘરું છે. આ વાતને અમે ધ્યાનમાં રાખીને વ્યસન અથવા નોકરીમાંથી કોઈ એકની પસંદગી કારીગરોની સામે મૂકી હતી અને અમે તેમાં સફળ પણ રહ્યા.

વ્યસન એક વાર છૂટી ગયા પછી તેની આદત ફરીવાર લાગી જવાની સંભાવનાઓ હોય છે. આવું ના થાય તે માટે કંપનીએ યોગનો સહારો લીધો અને એક નિયમ બનાવ્યો કે કામ શરુ કરતા પહેલા કારીગરો તેમજ અન્ય સ્ટાફે યોગા કરવા. આ કામમાં કંપનીના માલિકો પણ જોડાયા અને માલિક અને વર્કર્સ સાથે મળીને યોગા કરે છે. છેલ્લા 5 મહિનાથી આ નિયમ છે અને કંપનીમાં માલિક સહીત કામ કરનારા તમામ લોકો માટે એક સમાન રીતે નિયમ લાગુ પડ્યો છે.

આજનું રાશિફળ

મેષ
Rashi - મેષ|Aries - Gujarati News
મેષ|Aries

પોઝિટિવઃ- આ સમયે ગ્રહ સ્થિતિ અનુકૂળ છે. સન્માનજનક સ્થિતિ બનશે. તમે તમારી કોઇ નબળાઈ ઉપર વિજય પણ પ્રાપ્ત કરવામાં સક્ષમ રહેશો. વિદ્યાર્થીઓને કરિયરને લગતી કોઇ સમસ્યાનું સમાધાન મળવાથી વધારે ઉત્સાહ રહેશે. ...

વધુ વાંચો