અમૂલે અગાઉ કેમલ મિલ્ક અમુલે કેમલ મિલ્કના લોન્ચિંગ પહેલા ઊંટડીના દૂધમાંથી બનેલી ચોકલેટ બજારમાં રજૂ કરી હતી, જેને સતત સારો પ્રતિસાદ મળી રહ્યો છે. આ ઉપરાંત ફ્લેવર્ડ કેમલ મિલ્ક પણ બજારમાં મુકવાની અમૂલની યોજના છે.

કચ્છની સરહદ ડેરીના ચેરમેન વાલમજી હુંબલે જણાવ્યું હતુકે, ઊંટડીના દુધની સેલ્ફ લાઈફ સામાન્ય પેકિંગમાં 4 દિવસની છે. હવે જયારે આને સમગ્ર દેશમાં પહોચાડવાની તૈયારીઓ ચાલે છે તો તેની સેલ્ફ લાઈફ વધારવા માટે ટેટ્રા પેકમાં વેચાણ કરવામાં આવશે. તેનાથી ઊંટડીનું દુધ 80 દિવસ સુધી વપરાશમાં લઇ શકાશે.

કેમલ મિલ્ક પચવામાં આસાન હોય છે અને તેના ઘણા લાભ છે, જેમાં ઈન્સ્યુલીન જેવા પ્રોટીનનું ઉંચુ પ્રમાણ તેને ડાયાબિટીક વ્યક્તિ માટે લાભદાયી બનાવે છે. કેમલ મિલ્ક હજારો વર્ષથી વિવિધ સંસ્કૃતિઓમાં ઉપયોગમાં લેવાતુ આવ્યું છે. આરોગ્યના વિવિધ લાભ ધરાવતા આ દૂધને કારણે બજારમાં એક નવું ક્ષેત્ર ખૂલ્યું છે.

રાજસ્થાનના બીકાનેરની કંપની આદવિક ફૂડ્સ એન્ડ પ્રોડક્ટસ પ્રાઇવેટ લિમિટેડ છેલ્લા ઘણા સમયથી કેમલ મિલ્કના વેચાણમાં સક્રિય છે. આ કંપનીએ 2017ની શરૂથી રાજસ્થાનના ઊંટ ઉછેરતા ખેડૂતો પાસેથી દૂધ લે છે અને તેના ઉત્પાદનોનું ઓનલાઇન વેચાણ પણ થઈ છે.