મ્યુચ્યુઅલ ફંડ / શું મ્યુચ્યુઅલ ફન્ડ મારા ભવિષ્ય માટે ધન-સંપત્તિ કમાવામાં મારી મદદ કરી શકે?

Can mutual funds help me to acquire wealth for my future?

Divyabhaskar.com

Jul 10, 2019, 03:58 PM IST

બિઝનેસ ડેસ્કઃ એક રાષ્ટ્રના રૂપમાં વિકસિત અર્થવ્યવસ્થાઓથી વિપરીત આપણે ખર્ચ કરવાના સ્થાને બચત કરવાનું વધુ પસંદ કરીએ છીએ. પછી બચતને એફડી કે પીપીએફમાં મૂકવાની હોય કે હોમ લોનનો ઈએમઆઈ ભરવા માટે ખર્ચમાં કાપ મૂકવાનો હોય, આપણે ખૂબ જ બચત કરીએ છીએ. જોકે શું આ બચત ભવિષ્યના ખર્ચને પુરા કરવા માટે પૂરતી છે, ખાસ કરીને એવા સમયે કે જયારે મોંઘવારી 4%-5%ની સરેરાશથી વધી રહી છે?

તમે તમારા મહિનાના પગારમાંથી જે પણ કંઈ બચાવો છો, તે ભવિષ્યના મોટા ખર્ચાઓને પૂરા કરવા માટે પૂરતું નથી. જેમ કે બાળકોનું ભણતર, તેમનાં લગ્ન, તમારી રિટાયર્ડ લાઈફ. તમારી બચતને રોકાણના રસ્તા પર લઈ જવી જરૂરી છે. જે એક લાંબા સમયના ગાળામાં મોંઘવારીથી વધુ રિટર્ન આપવાની ક્ષમતા ધરાવે છે. નિયમિત રીતે રોકાણ કરવું તે તેને મેળવવાનો સૌથી સહેલો સરળ રસ્તો છે

મ્યુચ્યુઅલ ફન્ડ્સ દ્વારા પ્રસ્તાવિત SIP કે સિસ્ટમેટિક ઈન્વેસ્ટમેન્ટ પ્લાન નિયમિત રૂપથી રોકાણ શરૂ કરવાની એક સારી રીત છે. ભલે રકમ નાની હોય પરંતુ લાંબા સમયમાં તે ધીરે-ધીરે ધનને એકત્રિત કરવાની ક્ષમતા ધરાવે છે.

SIP ઘણાં અલગ-અલગ કારણોથી નિયમિત રોકાણકારોમાં જાણીતી છે. નીચે તે ચીજોની યાદી આપી છે, જેની તમે અવગણના ન કરી શકો.

1. એક SIPની ન્યુનતમ રકમ 500 રૂપિયા પ્રતિ માસથી શરૂ કરી શકાય છે.
2. ઓછી રકમ રોકવા પર વિવિધીકરણ શક્ય છે
3.SIPમાં રોકાણ કરવાને બજારના સમય સાથે કોઈ વાસ્તવિક સંબંધ નથી. જેથી એ સુનિશ્ચિત થઈ શકે કે બજારની કોઈ પણ સ્થિતિ (ઉતાર-ચઢાવ)માં રોકાણ ચાલુ રહે છે અને આ રીતે પ્રતિ યુનિટના ખર્ચને સરેરાશ કરે છે.
4. લાંબા સમયના કમ્પાઉન્ડિંગના પ્રભાવથી લાભ

તો ચાલો, SIPના કેટલાક ખાસ ફાયદાઓને વિગતે જોઈએ

તમામ મ્યુચ્યુઅલ ફન્ડમાં જોખમ હોય છે કારણ કે તે બજાર સાથે જોડાયેલાં માધ્યમમાં રોકાણ કરે છે. જ્યારે તમે મ્યુચ્યુઅલ ફન્ડમાં SIP દ્વારા રોકાણ કરો છો તો તમે રૂપિયાના સરેરાશ ખર્ચથી બજારની અસ્થિરતાને સફળતાપૂર્વક ટક્કર આપી શકો છે. તેનો અર્થ એ છે કે તમે NAV વધુ હોવા પર ઓછાં યુનિટ ખરીદો છો અને NAV ઓછી હોવા પર વધુ યુનિટ ખરીદો છો. ભવિષ્યમાં જો બજારમાં તેજી આવે છે, તો યુનિટનો સરેરાશ ખર્ચ NAVથી ઓછો થઈ જાય છે. ઉદાહરણ માટે NAV 10 રૂપિયા છે, અને તમે દર મહિને 1000 રૂપિયા રોકાણ કરો છો, તો તમને 100 યુનિટ મળે છે અને જો તે ઘટીને 5 રૂપિયા થઈ જાય છે તો તમને 200 યુનિટ મળે છે. લાંબા સમયમાં જો બજારમાં ઉતાર-ચઢાવ બંને આવે છે તો પ્રતિ યુનિટનું સરેરાશ મૂલ્ય ઘટી જશે અને આ પ્રકારના નફાની અસ્થિરતાને ઘટાડશે.

લાંબા ગાળા માટે ઓછી માત્રામાં રકમ SIPમાં રોકીને તમે ધન કમાઈ શકો છો અને ચક્રવૃદ્ધિતાની અસરનો લાભ ઉઠાવી શકો છો. તેનો અર્થ એ છે કે પ્રથમ મહિનામાં જે તમે નફાની કમાણી કરી છે, તે બીજા મહિનામાં તમારા મૂળ ધન (માસિક SIP રકમ)માં પરત રોકાણ થઈ જાય છે અને તે ઘણાં વર્ષો સુધી સતત ચાલુ રહે છે અને આ રીતે તમારા રોકાણની રકમ વધી જાય છે. જેટલા વધુ સમય સુધી તમે SIPમાં રોકાણ કરશો, તેટલો જ વધુ ફાયદો તમને મળી શકે છે.

આ કારણે લાંબા સમય સુધી મ્યુચ્યુઅલ ફન્ડમાં SIP દ્વારા બજારોમાં રોકાણ કરવાથી તમને સેવિંગમાં મદદ મળી શકે છે.

તો ચાલો, આ વાતને ઉદાહરણથી સમજીએ. માની લો તમે 20 વર્ષ સુધી ઈક્વિટી ફન્ડમાં દર મહીને 1,000 રૂપિયાનું રોકાણ કર્યું છે, જેની પર તમને 8 ટકા રિટર્ન મળે છે તો તમને માત્ર 2.40 લાખ રૂપિયાની મૂળ રકમ પર મળનારી અંતિમ રકમ 5.89 લાખ રૂપિયા થશે (1000x240 મહિના). જો આ જ SIPને તમે 5 વર્ષ બીજા વધારીને 25 વર્ષની સમય સીમા માટે કરી છો, તો લાંબા ગાળામાં કમ્પાઉન્ડિંગના પ્રભાવથી 9.51 લાખ રૂપિયા અંતિમ રકમમાં ઉમેરાતા જવા જોઈએ. 25 વર્ષના ગાળામાં રોકાણ કરવામાં આવ્યું તો મૂળ રકમ માત્ર 3 લાખ રૂપિયા છે (આ ઉદાહરણ માત્ર સંદર્ભ માટે છે અને તેને નિરપેક્ષ મૂલ્યના રૂપિયામાં ન લેવું જોઈએ).

SIP શરૂ કરવાનો કોઈ સમય હોતો નથી. જેટલી ઝડપથી શરૂ થઈ શકે એટલું સારું છે. જેટલો લાંબો ગાળો એટલો ફાયદો થવાની શકયતા. SIP એ એક આમ આદમીના આર્થિક લક્ષ્યનો જવાબ છે.

(મ્યુચ્યુઅલ ફંડ રોકાણ માર્કેટ જોખમોને આધિન છે. યોજના સંબંધિત તમામ દસ્તાવેજો ધ્યાનથી વાંચી લેવા.)

X
Can mutual funds help me to acquire wealth for my future?
COMMENT

Next Stories

    ની  સંપૂર્ણ વાંચનસામગ્રી