• Home
  • Bollywood
  • TV
  • Late Kushal Punjabi's wife Audrey Dolhen opens up on their relationship

ખુલાસો / કુશલ પંજાબીની પત્ની ઓડ્રેએ કહ્યું, પરિવાર તથા દીકરાને લઈ તે ક્યારેય ગંભીર નહોતો

Late Kushal Punjabi's wife Audrey Dolhen opens up on their relationship
X
Late Kushal Punjabi's wife Audrey Dolhen opens up on their relationship

Divyabhaskar.com

Jan 04, 2020, 04:40 PM IST
મુંબઈઃ ટીવી તથા બોલિવૂડ એક્ટર કુશલ પંજાબીએ 26 ડિસેમ્બરે રાત્રે પોતાના ઘરે પંખા સાથે લટકીને આત્મહત્યા કરી હતી. કુશલે સુસાઈડ નોટમાં લખ્યું હતું કે તેના મોત માટે કોઈને પણ જવાબદાર માનવામાં ના આવે. કુશલના ખાસ ફ્રેન્ડ ચેતન હંસરાજે સ્વીકાર્યું હતું કે કુશલ ડિપ્રેશનમાં હતો. ચેતને એમ પણ કહ્યું હતું કે લગ્નજીવનમાં મુશ્કેલી હોવાથી કુશલ છેલ્લાં ઘણાં સમયથી ડિપ્રેશનમાં હતો. હવે, કુશલની પત્ની ઓડ્રે ડોલેએ વેબસાઈટ પીપીંગમૂન સાથેની વાતચીતમાં કહ્યું હતું કે તેનું નામ કારણ વગરનું લાવવામાં આવે છે. 

શું કહ્યું ઓડ્રેએ?

1. લગ્ન બચાવવાનો પૂરતો પ્રયાસ કર્યો

ઓડ્રેએ કહ્યું હતું, મને ખબર નથી પડતી કે શા માટે મારી પર આક્ષેપો કરવામાં આવે છે. કુશલ આ સંબંધોને નિભાવી શક્યો નહીં. કુશલ પરિવારને લઈને ક્યારેય ગંભીર નહોતો. આટલું જ નહીં તે એક બેદરકાર પિતા હતો. મેં ક્યારેય કુશલને પુત્ર કિઆન સાથે વાત કરતાં રોક્યો નહોતો. મેં તો કુશલને શાંઘાઈમાં રહેવાનું કહ્યું હતું પરંતુ તેણે ક્યારેય રસ બતાવ્યો નહીં. ખરી રીતે તો હું કુશલના ખર્ચાઓ ઉપાડતી હતી. કિઆને પણ પિતામાં રસ લેવાનું બંધ કરી દીધું હતું. મેં કુશલ સાથેના સંબંધો ટકાવવા માટે પૂરતો પ્રયાસ કર્યો હતો. 

2. મલ્ટી નેશનલ કંપનીમાં કામ કરે છે

ઓડ્રે હાલમાં ચીનની મૅરીટાઈમ કંપનીમાં કામ કરે છે. ઓડ્રેના મતે, મારો કંપની સાથે કોન્ટ્રાક્ટ હતો અને આ વાત કુશલ ક્યારેય સમજી શક્યો નહીં. તે ઈચ્છતો હતો કે હું લંડન શિફ્ટ થાઉં. જોકે, મારા માટે નોકરી છોડવી શક્ય નહોતી. કુશલને ક્યારેય દીકરાના ભવિષ્યની ચિંતા નહોતી. કુશલ ક્યારેય  લગ્નજીવનને લઈ ગંભીર નહોતો. હું દીકરા કિઆન સાથે ફ્રાંસમાં ક્રિસમસ વેકેશન પર ગઈ હતી. મને ખબર નથી કે કુશલની આત્મહત્યા પાછળ મને કેમ જવાબદાર ઠેરવવામાં આવે છે? કુશલને કારણે અમારા સંબંધો નિષ્ફળ રહ્યાં. 

3. ગોવામાં લગ્ન કર્યાં હતાં

કુશલ પંજાબીએ યુરોપિયન ગર્લફ્રેન્ડ ઓડ્રે ડોલે સાથે ગોવામાં વર્ષ 2015માં લગ્ન કર્યાં હતાં. કુશલના અંતિમ સંસ્કાર તથા પ્રાર્થના સભામાં ઓડ્રે હાજર રહી હતી. 

COMMENT

Next Stories

    ની  સંપૂર્ણ વાંચનસામગ્રી