• Home
  • Bollywood
  • TV
  • Choreographer Terence Lewis Explains reality TV contestants pay money to win

શોકિંગ / કોરિયોગ્રાફર ટેરેન્સ લુઈસનો ખુલાસો, સ્પર્ધકો રિયાલિટી શો જીતવા માટે પૈસા આપે છે

Choreographer Terence Lewis Explains  reality TV contestants pay money to win
X
Choreographer Terence Lewis Explains  reality TV contestants pay money to win

Divyabhaskar.com

Nov 07, 2019, 11:13 AM IST
મુંબઈઃ બોલિવૂડ કોરિયોગ્રાફર ટેરેન્સ લુઈસે અનેક ડાન્સ રિયાલિટી શોમાં લોકોની ડાન્સિંગ ટેલેન્ટની પરખ કરી છે. હાલમાં જ ટેરેન્સે રિયાલિટી શોના સ્પર્ધકોને લઈ ઘણું જ શોકિંગ નિવેદન આપ્યું હતું. ટેરેન્સે કહ્યું હતું કે શો જીતવા માટે સ્પર્ધકો પૈસા રોકે છે. 

શું કહ્યું ટેરેન્સે?

1. શો જીતવા પૈસાનું રોકાણ કરવું પડે છે

ઝી5ની અપકમિંગ વેબ સીરિબઝ ‘લવ, સ્લીપ, રિપીટ’ના સ્પેશિયલ સ્ક્રીનિંગ દરમિયાન ટેરેન્સે રિયાલિટી શો જીતવાની પ્રોસેસ પર ચર્ચા કરી હતી. તેણે કહ્યું હતું, આ એક મોટી ગેમ છે. તમારે જીતવા માટે ઘણું બધું ઈન્વેસ્ટ કરવું પડે છે, કારણ કે અહીંયા બધું જ વોટ પર આધાર રાખે છે. વોટિંગ અલગ-અલગ રીતે થાય છે. આથી જ સ્પર્ધકો આ દિશામાં ઘણો જ પ્રયાસ કરે છે. જોકે, તેને લાગે છે કે આ ગેમમાં માત્ર પ્રતિભાશાળી વ્યક્તિને જ સામે કંઈક મળે છે. રાઘવ જુયલ (‘ડાન્સ ઈન્ડિયા ડાન્સ’ ફૅમ) એક સારું ઉદાહરણ છે. તેણે માત્ર શો જ નહોતો જીત્યો પરંતુ તે ઈન્ડસ્ટ્રીમાં સારું કામ કરી રહ્યો છે. 

2. ગેમ શો એક રાજકારણ જેવો છે

ટેરેન્સે આગળ કહ્યું હતું, સ્પર્ધકો જીતવા માટે ઘણું જ ઈન્વેસ્ટ કરતાં હોય છે અને આ ઘણું જ સરળ છે. શોમાં રહેવા માટે તેમને કોલ કે વોટ કરનાર લોકો મળી જાય છે. ચેનલને પણ આ સામે કોઈ વાંધો હોતો નથી, કારણ કે કોણ જીતે છે ને કોણ હારે છે, તેનાથી ચેનલને કોઈ ફરક પડતો નથી. તેઓ બસ એક સારો શો બનાવવા ઈચ્છે છે અને વધુમાં વધુ લોકો આ શો જુએ અને ટીઆરપી આવે, તેવી મહેચ્છા હોય છે. સ્પર્ધકોએ જ એ વિચારવાનું હોય છે કે કોણ જીતે છે અને આથી જ તેઓ જીતવા માટે અન્ય રસ્તાઓનો ઉપયોગ કરે છે. આ રાજકારણ જેવું જ છે, જેમાં ઉમેદવાર ચૂંટણી લડે છે અને ચૂંટણી જીતવા માટે તે પૈસા લગાવે તે સમજી શકાય તેવી વાત છે. 

3. આ બાબતો પણ વોટિંગને અસર કરે છે

વોટિંગ નંબર્સને કઈ બાબતો અસર કરે છે, તેને લઈને પણ ટેરેન્સે વાત કરી હતી. તેણે કહ્યું હતું કે સ્થાનિક ક્ષેત્ર તથા પોલિટિકલ આધાર પર પણ લોકો વોટ કરે છે. લોકો વોટ સમયે જજમેન્ટલ હોઈ શકે છે. ક્યારેક એ વાત પણ મહત્ત્વની હોય છે કે સ્પર્ધક કયા રાજયમાંથી આવે છે અને ત્યાં કઈ પોલિટિકલ પાર્ટીનો પ્રભાવ છે. વોટ્સ કમાવવા માટે આ વાત ઘણીવાર સારી સાબિત થઈ શકે છે અને ઘણીવાર ખરાબ પણ બને છે. 

4. આ શોમાં જજ તરીકે જોવા મળ્યો હતો

ટેરેન્સ ‘ડાન્સ ઈન્ડિયા ડાન્સ’ (ત્રણ સિઝન), ‘નચ બલિયે 5’ તથા ‘નચ બલિયે શ્રીમાન વર્સિસ શ્રીમતી’માં જજ તરીકે જોવા મળ્યો હતો. 

5. આ ફિલ્મ્સમાં કોરિયોગ્રાફી કરી છે

બોલિવૂડ ફિલ્મ્સની વાત કરીએ તો ટેરેન્સે અત્યાર સુધી ‘લગાન’, ‘ઝંકાર બીટ્સ’, ‘રામલીલા’માં કોરિયોગ્રાફી કરી હતી. 

COMMENT

Next Stories

    ની  સંપૂર્ણ વાંચનસામગ્રી