ફિલ્મ રિવ્યૂ / ‘ઉજડા ચમન’માં અસરકારક મેસેજ પરંતુ ફિલ્મ ઘણી જ સ્લો ચાલે છે

Ujda Chaman film review
X
Ujda Chaman film review

Divyabhaskar.com

Oct 31, 2019, 11:09 AM IST

હાલના સમયમાં રોમેન્ટિક ફિલ્મ્સના જોનરથી અલગ પ્રકારની ફિલ્મ્સ બનાવવાનો ટ્રેન્ડ ચાલી રહ્યો છે. વાર્તામાં હવે રિલેશનશિપમાં રહેલાં કપલ સાત જન્મની વાત નથી કરતાં અને તેઓ પર્ફેક્ટ કપલ પણ હોતા નથી. ‘ઉજડા ચમન’ મૂળ રીતે રાજ બી શેટ્ટીની કન્નડ ફિલ્મની રીમેક છે. ફિલ્મમાં રિલેશનશિપને લઈ આજની પેઢીનો એપ્રોચ તથા પૂર્વા-ગ્રહ બતાવવામાં આવ્યો છે. સંબંધોમાં આજની તારીખમાં અનેક વિકલ્પ છે, જેને કારણે આજની યુવા પેઢી નક્કી કરી શકતી નથી કે તેને કોની સાથે પ્રેમ કરવો છે અને કોની સાથે લગ્ન કરવા છે. કોણ મિત્ર કરતાં વધુ છે અને કોણ બોયફ્રેન્ડ/ગર્લફ્રેન્ડથી ઓછું છે. સામાન્ય રીતે યુવકો ગર્લફ્રેન્ડ માટે અલગ ઍપ્રોચ રાખે છે અને લગ્ન માટે અલગ રાખે છે. મોટાભાગના કિસ્સામાં અંદરની સુંદરતાને બદલે બહારની ચમક-દમક તથા આકર્ષણની સાથે-સાથે ફ્યૂચર સિક્યોરિટીને લગ્ન-સંબંધોમાં લાવવામાં આવે છે. આ ફિલ્મ આ તમામ પહેલુઓને પોતાના પાત્રોની જર્ની સાથે એક્સપ્લોર કરાવામાં આવે છે.

ફિલ્મ રિવ્યૂ ઉજડા ચમન
રેટિંગ 3.5/5
સ્ટાર-કાસ્ટ સની સિંહ, માનવી ગાગરુ, સૌરભ શુક્લા, અતુલ કુમાર
ડિરેક્ટર અભિષેક પાઠક
પ્રોડ્યૂસર કુમાર મંગત પાઠક, અભિષેક પાઠક
સંગીત ગૌરોવ રોશીન, ગુરુ રંધાવા
જોનર કોમેડી ડ્રામા

કેવી છે ‘ઉજડા ચમન’?

આ ફિલ્મ રાજધાની દિલ્હીના રાજૌરી ગાર્ડન વિસ્તાર પર બેઝ્ડ છે. દિલ્હીના આ વિસ્તારમાં પંજાબી પરિવારો આધુનિકતા તથા જૂનવાણી વિચાર વચ્ચે ફસાયેલો છે. હિરો ચમન કોહલી (સની સિંહ) આ જ પ્રકારના પરિવારમાંથી આવે છે. તે 31 વર્ષનો થવાનો છે અને ટકલો છે. હિંદી પ્રોફેસર તરીકે કોલેજમાં નોકરી કરે છે. આસપાસના લોકો તથા કોલેજ સ્ટૂડન્ટ્સ સતત તેની મજાક ઉડાવે છે. 

પરિવારના જ્યોતિષે ભવિષ્યવાણી કરી છે કે જો તેના લગ્ન 31 વર્ષની ઉંમર પહેલાં નહીં થાય તો તે આજીવન કુંવારો રહેશે. આ વાતને કારણે ચમન કોહલીના માતા-પિતા ટેન્શનમાં આવી જાય છે. ચમનનો પણ આત્મવિશ્વાસ ડગમગી જાય છે, તે મોટાભાગે બીજાના કહેવા પર જ પોતાના નિર્ણયો લેતો હોય છે. ચમનને તેના પેરેન્ટ્સ લગ્ન માટે દબાણ કરે છે. ટકલા હોવાને કારણે અનેક છોકરીઓ દ્વારા રિજેક્ટ થયા બાદ ચમનના જીવનમાં અપ્સરા (માનવી ગાગરુ) નામની યુવતી આવે છે. અપ્સરા થોડી જાડી હોય છે અને તેથી જ તેને પણ કોઈ છોકરાઓ હા પાડતા નથી. અપ્સરા તથા ચમન એકબીજાના જીવનમાં કેવી રીતે ફીટ બેસે છે અને તેમના જીવનમાં શું પરિવર્તન આવે છે, તેના પર આધારિત આ ફિલ્મ છે. 

ફિલ્મનું ડિરેક્શન અભિષેક પાઠકે કર્યું છે, જે અત્યાર સુધી પ્રોડ્યૂસર તરીકે જાણીતો હતો. ડિરેક્ટર તરીકે અભિષેકની આ પહેલી જ ફિલ્મ છે. આ ફિલ્મ એક ડિસેન્ટ ફિલ્મ છે. કલાકારોના કાસ્ટિંગ તથા તેમના અભિનયથી એક અસરકારક મેસેજ આપવામાં અભિષેક એક હદ સુધી સફળ થયો છે. જોકે, ફિલ્મની ગતિ ઘણી જ ધીમી છે. કલાકારોએ પોતાની રીતે ઘણું જ સારું કામ કર્યું છે. સની સિંહે આત્મવિશ્વાસના અભાવમાં વ્યક્તિ કેવી રીતે વર્તન કરે, તે વાત બખૂબી રજૂ કરી છે. માનવીનું કાસ્ટિંગ પણ પર્ફેક્ટ કરવામાં આવ્યું છે. ભારત જેવા દેશમાં લગ્નને લઈ યુવક-યુવતીઓ પર ઘણું જ દબાણ રહે છે, જે બિનજરૂરી છે. આ વાતને ફિલ્મમાં ઘણી જ સારી રીતે બતાવવામાં આવી છે. 

COMMENT

Next Stories

    ની  સંપૂર્ણ વાંચનસામગ્રી