ફિલ્મ રિવ્યૂ / ‘સાહો’ એક્શનથી ભરપૂર છે પણ વખાણવા લાયક બની શકી નહીં

'Saho' is full of action but could not be praised
X
'Saho' is full of action but could not be praised

Divyabhaskar.com

Aug 30, 2019, 07:29 PM IST

મુંબઈઃ એક્શન જોનરની ફિલ્મ્સનો બેઝિક નિયમ છે કે તેમાં અચરજ પામેડા તેવા સ્ટંટ્સ, ખૂનથી લથપથ વિલન તથા હાડકાંઓનો ભૂક્કો બોલાઈ જાય ત્યાં સુધીની એક્શન હોવી જોઈએ પરંતુ આમાં ઈમોશનને સહેજ પણ અસર થવી જોઈએ નહીં. એક્શન ફિલ્મને ઈન્ટેસ ઈમોશનનો સાથ મળવો જોઈએ. ત્યારે જ તે દર્શકોના દિલને સ્પર્શી શકે છે. આનું બેસ્ટ ઉદાહરણ ‘ગજની’ હતું, જેમાં શોર્ટ ટર્મ મેમરી લોસ ધરાવતો નાયકનો રિવેન્જ ડ્રામા દર્શકોને અંદરથી હચમચાવી ગયો હતો.

ફિલ્મ રિવ્યૂ સાહો
રેટિંગ 2.5/5
સ્ટાર-કાસ્ટ પ્રભાસ, શ્રદ્ધા કપૂર, ચંકી પાંડે, જેકી શ્રોફ
ડિરેક્ટર સુજીત
પ્રોડ્યૂસર યુવી ક્રિએશન, ટી-સીરિઝ
સંગીત તનિષ્ક, ગુરુ રંધાવા, શંકર-અહેસાન-લોય, બાદશાહ
જોનર એક્શન થ્રિલર

કેવી છે પ્રભાસની આ ફિલ્મ?

‘સાહો’માં એક્શનની સાથે સાથે થ્રિલર પણ છે. આવામાં ફિલ્મ પર રહસ્યથી ભરપૂર રહેવાની બેવડી જવાબદારી આવે છે. યંગ એજ રાઈટર તથા ડિરેક્ટર સુજીતના ખભા પર ઘણી જ મોટી જવાબદારી હતી. જોકે, સુજીત આ જવાબદારીના ભાર નીચે દબાઈ ગયો હતો. આ ફિલ્મ ના તો ઈન્ટેસ બની શકી ના તો રસપ્રદ. ડિરેક્ટરનું બધું જ ધ્યાન પાત્રોથી લઈને લોકેશન તથા સ્પેશિયલ ઈફેક્ટ્સ પર જ રહ્યું હતું. અબુ ધાબીની સીક્વન્સમાં ડિરેક્ટરે કામ તો સારું કર્યું પરંતુ ઈમોશન વગર કંઈ પણ નવાઈ પમાડે તેવું નહોતું. ફિલ્મની વાર્તા તથા સ્ક્રીનપ્લે ઘણો જ નબળો છે. આનું સીધું નુકસાન કલાકારોને થયું છે.

પ્રભાસના સંવાદોનું ડબિંગ કરાવવામાં આવ્યું નથી. હિંદીના સંવાદો પ્રભાસે જાતે બોલ્યા છે, આ પ્રયોગ ઘણો જ નુકસાનકારક રહ્યો છે. સંવાદોની સાથે પ્રભાસના ચહેરા પરના એક્સપ્રેશન મેળ ખાતા નથી. ‘બાહુબલી’ બાદ ‘સાહો’ને લઈ ચાહકોને ઘણી જ આશા હતી. પ્રભાસે ઘણો જ પ્રયાસ કર્યો પરંતુ તે ઈમ્પ્રેસ કરી શક્યો નહીં. એક્શન સીક્વન્સમાં પ્રભાસે પોતાના પર્ફોર્મન્સથી પૂરતો ન્યાય આપવાનો પ્રયાસ કર્યો હતો. જોકે, ભાષાકિય ભૂલોને કારણે ઈમોશન આવ્યાં જ નહીં. અનેક જગ્યાએ સારા સંવાદો હોવા છતાંય એકદમ ફ્લેટ લાગ્યાં. પ્રભાસના હિંદીને કારણે દર્શકો તેની સાથે કનેક્ટ થઈ શક્યાં નહીં. પોલીસ અમૃતા નાયરના રોલમાં શ્રદ્ધા કપૂરે સારું કામ કર્યું છે.

ફિલ્મ મૂળ રીતે એક્શન કોરિયોગ્રાફી માટે ચાહકોને યાદ રહી શકી હોત પરંતુ ફિલ્મની વાર્તાએ સહેજ પણ સાથ આપ્યો નથી. જેને કારણે ફિલ્મ એક સાધારણ બનીને રહી ગઈ. મેકર્સે એટ્રેક્શન માટે એક્શન સીન્સ ભરપૂર નાખ્યા પરંતુ અનેક જગ્યાએ એમ લાગ્યું કે પૈસાનું પાણી કર્યું છે.

વિલન કેરેક્ટર્સની આખી ટોળકી છે. મુખ્ય લડાઈ દેવરાજ તથા રોયના દીકરા વચ્ચે છે. વાજી સિટીની સત્તા મેળવવા માટે દેવરાજ તથા પ્રિન્સ, રોયનું ખૂન સુદ્ધાં કરી નાખે છે. આનો બદલો લેવા માટે નાયક જે કરે છે, તે સહેજ પણ રીતે કન્વિન્સ કરી શકાયું નહીં. પોલીસમાં જઈને અધિકારી બનવું અને એક બ્લેક બોક્સ પાછળ પડવું, જેની શોધ દેવરાજને પણ છે. વાજી સિટી તથા મુંબઈની વચ્ચેના પાત્રો વચ્ચે એટલી ખેંચતાણ થાય છે કે દર્શકો પણ કન્ફ્યૂઝ થઈ જાય છે. મેઈન મુદ્દા પર આવવા માટે ફિલ્મને ઘણો જ સમય લાગે છે. ‘સાહો’ સંસ્કૃત શબ્દ છે, જેનો અર્થ થાય છે કે કોઈના વખાણ કરવા. જોકે, સુજીતની ‘સાહો’ વખાણવા લાયક બની શકી નહીં.

COMMENT

Next Stories

    ની  સંપૂર્ણ વાંચનસામગ્રી