દેબામિત્રા બિસ્વલની વાર્તા, શોએબ હસનની પટકથા તથા ભૂપેન્દ્ર સિંહના ડાયલોગથી સજ્જ આ ફિલ્મની કોમેડી ઘણી જ મસ્ત છે. ત્રણેયે સાથે મળીને જે કોમેડીના ‘લાડવા’ બનાવ્યા છે, તેને ખાઈને ક્યારેય પસ્તાવું નહીં પડે. નવાઝુદ્દીનની સાથે સાથે અથિયા શેટ્ટીએ પણ બુંદેલખંડની એક્સેન્ટને બરોબર સમજી છે અને પોતાનું કામ સારી રીતે કર્યું છે. આ ફિલ્મમાં નવની પરિહાર, વિભા છિબ્બર, સંજીવ વત્સ, વિવેક મિશ્રા, કરૂણા પાંડે જેવા કલાકારો છે. તમામે પોતાની દમદાર એક્ટિંગથી ફિલ્મમાં હાસ્ય તથા ઈમોશનના રંગ જોવા મળ્યાં છે.