મૂવી રિવ્યૂ / આર્ટિકલ 15, જાતિવાદના મુદ્દાને સ્ટ્રોંગ રીતે બતાવવામાં આવ્યો છે

Ayushmann Khurrana and 	Anubhav Sinha film article 15 review
X
Ayushmann Khurrana and 	Anubhav Sinha film article 15 review

Divyabhaskar.com

Jun 27, 2019, 06:56 PM IST
ફિલ્મ રિવ્યૂ આર્ટિકલ 15
રેટિંગ 4.5/5
સ્ટાર-કાસ્ટ આયુષ્માન ખુરાના, મનોજ પહવા, સયાની ગુપ્તા, કુમુદ મિશ્રા, ઈશા તલવાર
ડિરેક્ટર અનુભવ સિંહા
પ્રોડ્યૂસર અનુભવ સિંહા, ઝી સ્ટૂડિયો
સંગીત મંગેશ ધકડે
જોનર ક્રાઈમ ડ્રામા

ડિરેક્ટર અનુભવ સિંહાની ફિલ્મ 'આર્ટિકલ 15'માં જાતિવાદનો મુદ્દો ઘણી જ સારી રીતે રજૂ કરવામાં આવ્યો છે. ભારત અનેક ક્ષેત્રોમાં પ્રગતિ કરી રહ્યું છે પરંતુ સમાજ આજે પણ ધર્મ, જાતિ તથા લિંગને લઈ ભેદભાવ કરી રહ્યો છે. આ તમામ વાતોને સહેજ પણ ડર્યા વગર આ ફિલ્મમાં બતાવવામાં આવી છે. આ ફિલ્મ એટલા માટે પણ મહત્ત્વ છે, કારણ કે આ ફિલ્મ એ બધું બતાવે છે, જેના અંગે વાત કરવામાં અથવા બતાવવામાં લોકો ડરે છે.

આયુષ્માન ખુરાનાની ફિલ્મ કેવી છે?

1. દેશ હજી પણ જાતિવાદના ભરડામાં

પોતાના દેશમાં જાતિને લઈને હજી પણ ભેદભાવ રાખવામાં આવે છે, આ વાત અનુભવ સિંહાએ થ્રિલિંગ વાર્તા સાથે બતાવી છે. ઈમાનદાર આઈપીએસ ઓફિસર અયાન રંજન (આયુષ્માન ખુરાના)ની લાલગાંવમાં ટ્રાન્સફર થાય છે. પોસ્ટિંગ લેતા જ તેને ખ્યાલ આવે છે કે ગામમાંથી ત્રણ યુવતીઓ ગાયબ છે. તેને એ જોઈને નવાઈ લાગે છે કે તેના સાથી કર્મચારીઓ (મનોજ પહવા તથા કુમુદ મિશ્રા)ને એ વાતથી કોઈ ફરક પડતો નથી કે યુવતીઓ મળતી નથી. જ્યારે બે યુવતીઓની લાશ ઝાડ સાથે લટકેલી હાલતમાં મળે છે ત્યારે અયાનને આઘાત લાગે છે. ધીમે ધીમે તેને ખ્યાલ આવે છે કે આ યુવતીઓ નીચી જાતિની છે અને તેથી જ તેમની સાથે થયેલા દુષ્કર્મની વિરૂદ્ધ કોઈ ન્યાય માગવા તૈયાર થતું નથી. અયાન ન્યાય માટે લડે છે અને ત્રીજી યુવતીને શોધી કાઢવા માગે છે પરંતુ આજુબાજુની પરિસ્થિતિ તેને તેમ કરવા દેતી નથી.

2. ડાર્ક સબ્જેક્ટમાં દમદાર સંવાદો

સિંહાએ આ પહેલાં 'મુલ્ક' ફિલ્મ ડિરેક્ટ કરી હતી. જેમાં ધર્મને કારણે કરવામાં આવતા ભેદભાવ પર ભાર મૂકવામાં આવ્યો હતો. હવે જાતિવાદ પર ભાર મૂકવામાં આવ્યો છે. સ્ક્રીનપ્લે ગૌરવ સોલંકી અને અનુભવ સિંહાએ સાથે મળીને લખ્યો છે. આ ડાર્ક સબ્જેક્ટમાં પણ હાસ્ય તથા દમદાર સંવાદો છે. જેથી ફિલ્મ કંટાળાજનક બનતી નથી.

3. કમાલની એક્ટિંગ

ફિલ્મની સિનેમેટોગ્રાફી તથા બેકગ્રાઉન્ડ સંગીત કમાલનું છે. તે ફિલ્મને વધુ પ્રભાવશાળી બનાવે છે. આ સિવાય ફિલ્મનો સ્ટ્રોંગ પોઈન્ટ એ પણ છે કે સિંહાએ એક્ટર્સની પસંદગી ઘણી જ સાવચેતીથી કરી છે. અયાનના પાત્રમાં આયુષ્માન પર્ફેક્ટ છે. આયુષ્માને ઘણી જ સારી એક્ટિંગ કરી છે. મનોજ પહવા, કુમુદ મિશ્રા જેવા કલાકારોએ પણ પોતાનું પાત્ર દિલથી ભજવ્યું છે. તો એક્ટ્રેસિસની વાત કરવામાં આવે તો ઈશા તલવાર તથા સયાની ગુપ્તાએ સારું કામ કર્યું છે. મોહમ્મદ જીશાન આયુબનો રોલ નાનો હોવા છતાંય પાવરફૂલ છે. તેનું કેરેક્ટર નિષાદ,  જે બળવાખોર હોય છે અને જાતિવાદ સામે લડે છે.

એવી ફિલ્મ અચૂકથી જોવી જોઈએ, જે સાચું બોલવામાં સહેજ પણ ડરતી ના હોય. આવી ફિલ્મ્સને પ્રોત્સાહન આપવાની જરૂર છે.

COMMENT

Next Stories

    ની  સંપૂર્ણ વાંચનસામગ્રી