મૂવી રિવ્યૂ / પીએમ નરેન્દ્ર મોદી: સત્ય દેખાડવા કરતાં મોદીને સંતના રૂપમાં વધારે દેખાડતી અતિશય નબળી ફિલ્મ

Movie review of Vivek Oberoi Starer PM Narendra Modi
X
Movie review of Vivek Oberoi Starer PM Narendra Modi

divyabhaskar.com

May 24, 2019, 03:55 PM IST
સ્ટાર રેટિંગ     1.5/5
સ્ટારકાસ્ટ     વિવેક ઓબેરોય, ઝરીના વહાબ, મનોજ જોશી, બરખા સેનગુપ્તા, બમન ઈરાની, દર્શન કુમાર
ડિરેક્ટર   ઓમંગ કુમાર 
પ્રોડ્યૂસર     સંદીપ સિંહ, આનંદ પંડિત અને સુરેશ ઓબેરોય અને આચાર્ય મનીષ
જોનર     બાયોગ્રાફિકલ ડ્રામા
ટાઈમ     136 મિનિટ

બોલિવૂડ ડેસ્ક: ફિલ્મ ‘પીએમ નરેન્દ્ર મોદી’ને ભલે બાયોપિક કહેવામાં આવી હોય, પરંતુ ફિલ્મ જોઈને એવું લાગે છે કે, ડિરેક્ટર ઓમંગ કુમારે આ ફિલ્મને બસ બે કલાક માટે મોદીની વાહ-વાહ કરવા જ બનાવી છે. ફિલ્મમાં મોદીને એક એવી પર્સનાલિટી બતાવવામાં આવી છે, તે ભગવાનની જેમ જ સારા કામ કરે છે. એક બાયોપિક ત્યારે જ રસપ્રદ બને છે જ્યારે વ્યક્તિના જીવનને ઈમાનદારીથી દેખાડવામાં આવે. તમે ભલે સારી બાબતો પર ધ્યાન વધુ આપો, પરંતુ થોડાં ઘણાં ખરાબ પાસાં પણ બતાવો. જેથી ઓડિયન્સ તમારી સ્ટોરી પર વિશ્વાસ કરે. પરંતુ, અહીં ઓમંગ કુમારે આવું ન કર્યું અને તેનું પરિણામ એ આવ્યું કે, ફિલ્મ વધારે પડતી બોરિંગ છે. આશ્ચર્યની વાત તો એ છે કે, ડિરેક્ટરે પોતાની વાતને સાબિત કરવા માટે દેશના ઇતિહાસ સાથે ચેડાં કરીને તેને બતાવ્યો છે.

ફિલ્મ ‘પીએમ નરેન્દ્ર મોદી’

1. સત્ય કરતાં ‘સંત મોદી’ પર ફોકસ

મોદીના જીવનની વિવદાસ્પદ ઘટનાઓ જેવી કે તેમનું લગ્નજીવન, ગુજરાતના દંગા વગેરેને એકદમ બદલીને બતાવવામાં આવ્યા છે. સ્ટોરીમાં સત્યને દેખાડવા કરતાં મોદી સંત મહાત્મા છે અને તેઓ બસ આખી જિંદગી બીજા લોકોની નિઃસ્વાર્થ સેવામાં જ રહ્યા છે તેવું દેખાડવામાં આવ્યું છે. ફિલ્મ જોઈને સમજાય છે કે, ઈલેક્શન કમિશન શું કામ આ ફિલ્મની રિલીઝને ચૂંટણી દરમ્યાન અટકાવતી હતી. ફિલ્મના સ્ક્રીનપ્લેમાં તથ્ય સાથે અતિશય છૂટછાટ લેવામાં આવી છે. એક સીનમાં એવું પણ દેખાડી દીધું છે કે, સ્વયં મોદી આર્મી સાથે કશ્મીરમાં આતંકવાદીઓ સામે લડ્યા અને કશ્મીરના બરફના પહાડના શિખર પર ભારતનો ત્રિરંગો લહેરાવ્યો.

2. રીલ મોદી કેટલા રિયલ?

વિવેક ઓબેરોયે નરેન્દ્ર મોદીની બોડી લેન્ગવેજની નકલ કરવા માટે ઘણા પ્રયત્ન કર્યા છે છતાં તે રોલમાં ફિટ બેસતો નથી. ઝરીના વહાબે મોદીની માતાના રોલમાં સારું કામ કર્યું છે. રાજેન્દ્ર ગુપ્તા, બમન ઈરાની, મનોજ જોશી, દર્શન કુમારની મહેનત દેખાઈ આવે છે.

3. ઓમંગ કુમારે અંધ ભક્તિનો માર્ગ પસંદ કર્યો

નરેન્દ્ર મોદી જેવા વ્યક્તિત્વ પર એક અફલાતૂન ફિલ્મ બનાવવાનો ચાન્સ વેડફી નાખ્યો છે. ગરીબ પરિવારમાં ઉછરીને વડાપ્રધાન બનવા સુધીની મોદીની ઈન્ટરેસ્ટિંગ જર્નીને જો ઈમાનદારીથી બતાવવામાં આવી હોત તો ફિલ્મ ઘણી રસપ્રદ બની શકી હોત. પરંતુ તેમણે અંધ ભક્તિનો માર્ગ પસંદ કર્યો.

4. મોદીને સંત માનનારા લોકો માટેની ફિલ્મ

ફિલ્મમાં એવું કંઈ જ નથી જે તમને મોદીના જીવનની સાચી ઝાંખી કરાવે. જો તમે તેમને પાવરફુલ લીડરથી વધુ સંત મહાત્મા સમજતા હો તો તમે આ ફિલ્મ જોઈ શકો છો.

COMMENT

Next Stories

    ની  સંપૂર્ણ વાંચનસામગ્રી