પ્રતિક્રિયા / લિયોનાર્દો ડિકેપ્રિયોએ દિલ્હીના વાયુ પ્રદૂષણને લઈ કહ્યું, વચનો આપ્યા છતાં પણ હવા અશુદ્ધ

Leonardo DiCaprio posts about Delhi air pollution
X
Leonardo DiCaprio posts about Delhi air pollution

Divyabhaskar.com

Nov 19, 2019, 03:48 PM IST
લોસ એન્જલસઃ હોલિવૂડ એક્ટર તથા પર્યાવરણવિદ લિયોનાર્દો ડિકેપ્રિયોએ હાલમાં જ દિલ્હીના વાયુ પ્રદૂષણને લઈ સોશિયલ મીડિયામાં પોસ્ટ કરી હતી. લિયોનાર્દોએ પોતાના ઈન્સ્ટાગ્રામ એકાઉન્ટમાં દિલ્હીના ઈન્ડિયા ગેટ આગળના વિરોધ પ્રદર્શનની તસવીરો શૅર કરીને ભારત સરકારે શું પગલાં લીધા તે અંગે વાત કરી હતી.

લિયોનાર્દોએ શું કહ્યું?

લિયોનાર્દોએ પોતાની પોસ્ટમાં વર્લ્ડ હેલ્થ ઓર્ગેનાઈઝેશનનો એક રિપોર્ટનો ઉલ્લેખ પણ કર્યો હતો. લિયોનાર્દોએ પોસ્ટમાં કહ્યું હતું કે ભારતમાં 15 લાખ લોકોના મોતનું કારણ પ્રદૂષણ છે. શહેરમાં વધતા પ્રદૂષણ પર તરત કાર્યવાહી કરવાની માગણી લઈને નવી દિલ્હીમાં ઈન્ડિયા ગેટ આગળ 1500થી વધુ લોકો ભેગા થયા હતાં. વર્લ્ડ હેલ્થ ઓર્ગેનાઈઝેશનના આંકડા પ્રમાણે, વાયુ પ્રદૂષણમાં ભારત પાંચમા નંબર છે. આ વિરોધ પ્રદર્શનમાં તમામ ઉંમરના લોકો સામેલ થયા હતાં. 

  • પીએમઓએ વિરોધ પ્રદર્શનના થોડાં કલાકોની અંદર જ આ મુદ્દે ધ્યાન આપવા માટે એક વિશેષ પેનલની રચના કરી અને આ પેનલ આગામી બે અઠવાડિયામાં આ મુદ્દા પર રિપોર્ટ રજૂ કરશે. 
  • ભારતની સુપ્રીમ કોર્ટે કેન્દ્ર સરકાર તથા સંબંધિત રાજ્ય સરકારને એક અઠવાડિયાની અંદર દિલ્હીની આસપાસના વિસ્તોરમાં પાક તથા કચરો સળગાવવાના મુદ્દાનો યોગ્ય ઉકેલ લાવવાનું કહ્યું છે
  • કેન્દ્ર સરકારે સ્વીકાર્યું છે કે ગ્રીન ફંડનો ઉપયોગ વાયુ પ્રદૂષમ સામે લડવામાં કરવામાં આવશે
  • ભારતીય વડાપ્રધાને કૃષિ મંત્રાલયને તાત્કાલિક એવા ઉપકરણો આપવાનું કહ્યું છે, જેથી પાક સળગાવવાની જરૂર ના પડે
  • આ વચનો બાદ પણ હવામાં હજી પણ પ્રદૂષણ છે
3. લિયોનાર્દોએ જૂનમાં ચેન્નઈને લઈ ચિંતા પ્રગટ કરી હતી

લિયોનાર્દો ડિકેપ્રિયોએ ઈન્સ્ટાગ્રામ એકાઉન્ટમાં ચેન્નઈની એક તસવીર શૅર કરીને પાણીની અછત અંગે ચિંતા પ્રગટ કરી હતી. ફોટો શૅર કરીને કહ્યું હતું, ‘હવે તો માત્ર વરસાદ જ ચેન્નઈને આ પરિસ્થિતિમાંથી બચાવી શકે છે. એક કૂવો પૂરી રીતે ખાલી છે અને એક શહેર પાણી વગરનું છે. ચાર જળાશયો સૂકાઈ ગયા બાદ ભારતનું શહેર ચેન્નઈ મુશ્કેલીમાં છે. કલાકો સુધી લાઈનમાં ઉભા રહ્યાં બાદ લોકોને પાણી મળે છે. જેમ-જેમ પાણીનું સ્તર ઘટતું જાય છે, તેમ-તેમ હોટલ તથા રેસ્ટોરન્ટ્સ બંધ થઈ રહી છે. સરકાર પાણીનો વિકલ્પ શોધી રહી છે પરંતુ લોકો હવે વરસાદ માટે પ્રાર્થના કરી રહ્યાં છે.’

4. લિયોનાર્દો ફાઉન્ડેશન ચલાવે છે

લિયોનાર્દોએ પોતાના નામથી 1998માં એક ફાઉન્ડેશન બનાવ્યું હતું. આ ફાઉન્ડેશન પર્યાવરણ જાગૃતત્તા વધારવાનું કામ કરે છે. ફાઉન્ડેશનની મદદથી જે ફંડ ભેગું થાય છે, તે પર્યાવરણની સુરક્ષા પાછળ ખર્ચ કરવામાં આવે છે.

5. લિયોનાર્દો ચાર વર્ષ પહેલાં ભારત આવ્યો હતો

લિયાનાર્દો ચાર વર્ષ પહેલાં એટલે કે 2015માં ભારત આવ્યો હતો. અહીંયા તેણે પોતાની ડોક્યુમેન્ટરી ફિલ્મ 'બિયોન્ડ ધ ફ્લડ'ના કેટલાંક હિસ્સાઓનું શૂટિંગ કર્યું હતું. આ સમય દરમિયાન સેન્ટર ફોર સાયન્સ એન્ડ એન્વાયરમેન્ટની સુનિતા નારાયણનો ઈન્ટરવ્યૂ લીધો હતો અને તાજ મહેલની મુલાકાત લીધી હતી.

દિલ્હીની હાલની સ્થિતિ

શનિવારે (16 નવેમ્બર) ચાર વાગ્યાના રિપોર્ટ પ્રમાણે, AIQ (એર ક્વોલિટી ઈન્ડેક્સ) 375 હતો, જે શુક્રવારે (15 નવેમ્બર) 458 હતાં. એર ક્વોલિટીમાં સુધારો ઝડપી પવનને કારણે થયો હોવાનું માનવામાં આવે છે. 

COMMENT

Next Stories

    ની  સંપૂર્ણ વાંચનસામગ્રી