દુઃખદ / અમિતાભ બચ્ચનના વેવાણ રીતુ નંદાનું 71 વર્ષની ઉંમરમાં નિધન, લાંબા સમયથી કેન્સર હતું

shweta bachchan mother in law ritu Nanda passed away
(નીચેની હરોળમાં) ડાબેથી, રણધિર કપૂર, રીતુ નંદા, રીષિ કપૂર, રાજીવ કપૂર, રીમા જૈન
(નીચેની હરોળમાં) ડાબેથી, રણધિર કપૂર, રીતુ નંદા, રીષિ કપૂર, રાજીવ કપૂર, રીમા જૈન

Divyabhaskar.com

Jan 14, 2020, 02:38 PM IST

મુંબઈઃ રીષિ કપૂરની બહેન તથા અમિતાભ બચ્ચનના વેવાણ રીતુ નંદાનું સોમવાર (13 જાન્યુઆરી) રાત્રે દિલ્હીમાં નિધન થયું હતું. તેઓ 71 વર્ષના હતાં. રીતુ નંદાના ભાઈ રાજીવ કપૂરે કહ્યું હતું કે તેમની બહેનને લાંબા સમયથી કેન્સર હતું અને તેની સારવાર ચાલતી હતી. સોમવાર રાત્રે 12.30 વાગે તેમનું નિધન થયું હતું. તેઓ દિલ્હીની મેક્સ હોસ્પિટલમાં દાખલ હતાં અને અહીંયા જ તેમણે અંતિમ શ્વાસ લીધા હતાં. કપૂર પરિવારમાંથી સૌ પહેલાં રાજીવ કપૂર દિલ્હી ગયો હતો. બાકીના સભ્યો પણ મુંબઈથી દિલ્હી પહોંચી ગયા હતાં. રીતુ નંદાના અંતિમ સંસ્કાર આજે (14 જાન્યુઆરી)એ દિલ્હીમાં કરવામાં આવ્યાં હતાં.

2013માં કેન્સર થયું હતું
રીતુ નંદાને વર્ષ 2013માં કેન્સર થયું હતું અને તેઓ સારવાર માટે અમેરિકા પણ ગયા હતાં. રીતુએ 1969માં એસ્કોર્ટ ગ્રૂપના ચેરમેન રાજન નંદા સાથે લગ્ન કર્યાં હતાં. વર્ષ 2018માં રાજન નંદાનું નિધન થયું હતું. રીતુ નંદા લાઈફ ઈન્સ્યોરન્સના બિઝનેસ સાથે જોડાયેલા હતાં. તેમણે એક જ દિવસમાં 17 હજાર પેન્શન પોલિસી વેચવાનો રેકોર્ડ બનાવ્યો હતો, તેમનું નામ ગિનીઝ બુક ઓફ વર્લ્ડ રેકોર્ડમાં નોંધવામાં આવ્યું હતું. રાજન તથા રીતુને દીકરો નિખીલ તથા દીકરી નિતાશા છે. નિખીલ નંદાએ અમિતાભ બચ્ચનની દીકરી શ્વેતા બચ્ચન સાથે લગ્ન કર્યાં છે. નીખિલ-શ્વેતાને દીકરી નવ્યા નવેલી તથા દીકરો અગસ્ત્ય છે.

કપૂર પરિવારે સોશિયલ મીડિયામાં શ્રદ્ધાંજલિ પાઠવી
રીષિ કપૂરની દીકરી તથા રણબીર કપૂરની બહેન રિદ્ધિમા કપૂરે ઈન્સ્ટાગ્રામમાં રીતુ નંદાની તસવીર શૅર કરીને શ્રદ્ધાંજલિ પાઠવી હતી. નીતુ સિંહે રીતુ નંદા સાથેની એક તસવીર શૅર કરીને નણંદને શ્રદ્ધાંજલિ આપી હતી. અમિતાભ બચ્ચને પોતાના બ્લોગમાં લખ્યું હતું કે અચાનક જ તેમના વેવાણ તથા શ્વેતાના સાસુ રીતુ નંદાનુ અવસાન થઈ ગયું. તેઓ વધુ કંઈ કહે શકે તેમ નથી. હાલ દિલ્હી જઈ રહ્યાં છે. શાહરુખ ખાનની પત્ની ગૌરી આજે (14 જાન્યુઆરી) રાત્રે પાર્ટી આપવાની હતી પરંતુ આ દુઃખદ સમાચાર સાંભળ્યા બાદ તેણે પાર્ટી કેન્સલ કરી નાખી હતી.

રીતુ નંદા શો-મેન રાજકપૂરના મોટાં દીકરી હતાં
સ્વ. રાજ કપૂર તથા સ્વ. ક્રિષ્ના રાજ કપૂરને ત્રણ દીકરા તથા બે દીકરીઓ છે. સૌથી મોટા દીકરા રણધીર કપૂરનો જન્મ 1947માં થયો હતો. રીતુ નો જન્મ 1948માં થયો હતો. ત્યારબાદ રીષિ કપૂર, રીમા જૈન તથા રાજીવ કપૂરનો જન્મ થયો હતો.

અમિતાભ-ઐશ્વર્યા દિલ્હી ગયા

રીતુ નંદાના અંતિમ સંસ્કારમાં હાજરી આપવા માટે બચ્ચન પરિવારમાંથી અમિતાભ તથા ઐશ્વર્યા રાય દિલ્હી ગયા હતાં. બંને મુંબઈ એરપોર્ટ પર જોવા મળ્યાં હતાં. આ ઉપરાંત ગૌરી ખાન, કાજલ આનંદ, અપૂર્વ મહેતા તથા કરન જોહર પણ અંતિમ સંસ્કારમાં હાજરી આપવા માટે મુંબઈથી દિલ્હી ગયા હતાં.

X
shweta bachchan mother in law ritu Nanda passed away
(નીચેની હરોળમાં) ડાબેથી, રણધિર કપૂર, રીતુ નંદા, રીષિ કપૂર, રાજીવ કપૂર, રીમા જૈન(નીચેની હરોળમાં) ડાબેથી, રણધિર કપૂર, રીતુ નંદા, રીષિ કપૂર, રાજીવ કપૂર, રીમા જૈન
COMMENT

Next Stories

    ની  સંપૂર્ણ વાંચનસામગ્રી