સલમાનની ફિલ્મ ‘કભી ઈદ કભી દિવાલી’નો પ્લોટ સામે આવ્યો, દેશની હાલની રાજનીતિ પર આધારિત સ્ટોરી

બોલિવૂડ ડેસ્ક: સલમાન ખાને 10 જાન્યુઆરીના રોજ ટ્વિટર પર તેની નવી ફિલ્મ ‘કભી ઈદ કભી દિવાલી’નું અનાઉન્સમેન્ટ કર્યું હતું. તે ફિલ્મના રાઇટર અને પ્રોડ્યૂસર સાજીદ નડિયાદવાલા છે. આ ફિલ્મ આવતા વર્ષે 2021માં ઈદ પર રિલીઝ થશે. રિપોર્ટ્સ મુજબ ડિરેક્ટર ફરહાદ સામજીની આ ફિલ્મનો પ્લોટ સામે આવ્યો છે. બોલિવૂડ હંગામાએ ફિલ્મ સાથે જોડાયેલ સૂત્રોના હવાલે લખ્યું કે ફિલ્મની સ્ટોરી હાલની રાજનીતિ આસપાસ તૈયાર કરવામાં આવી છે.

હિન્દુ- મુસ્લિમ એકતાનો મુદ્દો ઉઠાવશે 
રિપોર્ટ મુજબ, હાલની પરિસ્થિતિ મુજબ અત્યારે શાંતિનો સંદેશ આપવાની જરૂર છે. સિનેમા ધર્મનિરપેક્ષતા માટેનું ઘણું મહત્ત્વનું પાસું છે. ‘કભી ઈદ કભી દિવાલી’ ફિલ્મ અગાઉની યશ ચોપરાની ફિલ્મો ‘ધર્મપુત્ર’ અને ‘ધૂલ કે ફૂલ’ જેવો અનુભવ કરાવશે. હિન્દુ- મુસ્લિમ એકતાનો મુદ્દો ઉઠાવશે

સલમાનના પરિવાર જેવો પ્લોટ 
આ પ્લોટ સલમાનની ફેમિલી જેવો છે. સલમાનના પિતા સલીમ ખાન મુસ્લિમ છે, માતા સુશીલા ચરક (સલમા) હિન્દુ, બીજી માતા હેલન ખ્રિસ્તી છે. ફિલ્મની સ્ટોરી પણ કંઈક આવી જ હશે. એક એવા પરિવારના ઉતાર- ચડાવને દેખાડશે જે ઈદ અને દિવાળી બંને ઉજવે છે. આ એકતા અને ભાઈચારા માટે સલમાનનું ટ્રિબ્યુટ હશે.