સિંગર અરમાન મલિકે તેની ઇન્સ્ટાગ્રામ પરની બધી પોસ્ટ હટાવી, ડીપી અને બાયો પણ હટાવી દીધો

બોલિવૂડ ડેસ્ક: બોલિવૂડ ઇન્ડસ્ટ્રીના પ્લેબેક સિંગર અરમાન મલિકે તેના ઇન્સ્ટાગ્રામ અકાઉન્ટને એકદમ સાફ કરી દીધું છે. અગાઉની બધી પોસ્ટ તેણે હટાવી દીધી છે. એટલું જ નહીં તેણે ઇન્સ્ટા ડીપી અને બાયો પણ હટાવી દીધો છે. તેણે બે પોસ્ટ શેર કરી છે જેમાં એક પોસ્ટમાં લખ્યું છે કે આઈ કાન્ટ ટેક ઈટ એનીમોર. તેના ફેન્સ ઇન્સ્ટા પોસ્ટ પર કમેન્ટ કરીને ચિંતા જતાવી રહ્યા હતા.

રસપ્રદ વાત એ છે કે 10 માર્ચે જ સિંગરના ટ્વિટર પર 1 મિલિયન ફોલોઅર્સ થયા છે. ત્યારે તેણે ફોટો શેર કરીને બધાનો આભાર પણ માન્યો હતો. તેણે ત્યારબાદ ટ્વીટ કર્યા હતા જેમાં લખ્યું હતું સત્ય જાણતા પહેલાં જાતે વિચારીને નિર્ણય લઇ લેવો વધારે હાનિકારક છે. રાહ જુઓ તમને બધું ખબર પડશે.

ચર્ચાઓ એવી થઇ રહી છે કે આ કદાચ અરમાનના અપકમિંગ પ્રોજેક્ટ માટે પબ્લિસિટી સ્ટન્ટ હોઈ શકે છે. હવે આ શું છે તેની જાણ તો ખુદ અરમાન જ કરી શકે છે.