હોલિવૂડ એક્ટર વિલ સ્મિથે 'રાધા તેરી ચુનરી' સોન્ગ પર 'સ્ટુડન્ટ ઓફ ધ યર 2'ની સ્ટાર કાસ્ટ સાથે ઠુમકા લગાવ્યા

વિલ સ્મિથે 'સ્ટુડન્ટ ઓફ ધ યર'ના આલિયા ભટ્ટના હિટ સોન્ગ 'રાધા તેરી ચુનરી' પર ડાન્સ કરતા શીખ્યો. તેણે જણાવ્યું કે, આ હિપ હોપ કરતાં પણ અઘરું છે. હું પ્રયત્ન કરી રહ્યો છું આ અઘરા સ્ટેપ્સને શીખવા માટે. તેણે આ સોન્ગ પર 'સ્ટુડન્ટ ઓફ ધ યર 2'ની સ્ટાર કાસ્ટ ટાઇગર શ્રોફ, અનન્યા પાંડે અને તારા સુતરિયા સાથે સ્ટેજ પર પર્ફોર્મ કર્યું હતું.

રણવીર સિંહે વિલ સ્મિથને બોલિવૂડમાં એન્ટ્રીને લઈને થોડીક ટિપ્સ પણ શેર કરી હતી. ઉપરાંત તેણે હિન્દી ફિલ્મોની સ્ટોરી વિશે જણાવ્યું. એટલું જ નહીં, રણવીર સિંહે તો તેને બોલિવૂડમાં વપરાતા શબ્દો જેવા કે 'પૈસા વસૂલ'ને બોલતા શિખવાડ્યું અને તેનો અર્થ પણ સમજાવ્યો. રણવીરે તેને ફેમસ ડાયલોગ બોલીને પણ સંભળાવ્યા.કરણ જોહરે પણ તેને ભારતીય સિનેમાની ઝલક બતાવી.