UK: જરૂરિયાતમંદોની મદદે આવ્યું સ્વામિનારાયણ મંદિર

સામાન્ય રીતે બધાને એવું જ લાગતું હોય છે કે, યુરોપિયન દેશો કે અમેરિકામાં ગરીબો કે ભીખારી ના હોય, પણ યુકેમાં પણ કેટલાંય ગરીબો ને રખડતાં લોકો છે. રહેવા માટે મકાન કે માથે છાપરું ના હોય એવા લોકોને ઘણીવાર ખાવાના ફાંફા પડી જતાં હોય છે. આવા હોમલેસ લોકો સુપરમાર્કેટ કે દુકાન તરફથી ચેરિટીરૂપે મળતા ખાવા પર નભતા હોય છે.

વિલ્સ્ડેન સ્વામિનારાયણ મંદિર દ્વારા ગત સપ્તાહે અનોખી ચેરિટીનું આયોજન કરવામાં આવ્યું હતું. છેલ્લા ત્રણ સપ્તાહથી સ્વયંસેવકો હોમલેસ લોકો માટે ખાસ ખાવાનું રાંધેને તેને પેક કરીને રાત્રે વહેંચવા નીકળે.
આવા સ્વયંસેવકો રોજ ઓફિસથી રોજનું કામ પતાવીને સીધા મંદિરે આવે ને ગરમ ખાવાનું અને સ્વેટર-ધાબળાં ભરીને હોલબોર્ન તરફ નીકળે. સેન્ટ્રલ લંડનના હોલબોર્ન વિસ્તારના સૌથી વધુ હોમલેસ અને ગરીબ લોકો ભેગા થતાં હોય છે.

લંડનમાં પડતી સખત ઠંડીને કારણે વિલ્સ્ડેન સ્વામિ. મંદિરમાં સ્વયંસેવકો હોમલેસ લોકોમાં ગરમ ચા કે કોફી, સોફ્ટ ડ્રિંક, ફ્રૂટ, શાલ, સ્વેટર, બ્લેન્કેટ, મોજા, ગ્વોવ્ઝ અને ગરમ ટોપી વહેંચવામાં આવ્યા છે. સ્વામિનારાયણ મંદિર દ્વારા 300 લોકોને મદદ કરવામાં આવી હતી.

મંદિરના સદકાર્ય અંગે વધુ જાણવા માટે સ્લાઇડ બદલો...
(તસવીરો અને અહેવાલઃ સૂર્યકાંત જાદવા, લંડન)