ન્યૂ ટેક્નોલોજી:રિયલમીએ અપકમિંગ સ્માર્ટફોન માટે 108MPનો કેમેરા રજૂ કર્યો, ટિલ્ટ શિફ્ટ ટાઈમ લેપ્સ વીડિયો બનાવી શકાશે

રિયલમીએ તેની કેમેરા ઈનોવેશન ઈવેન્ટમાં કંપનીનો 108MP કેમેરા રજૂ કર્યો છે. આ કેમેરા તેની અપકમિંગ સિરીઝ રિયલમી 8ના સ્માર્ટફોન્સમાં મળશે. કંપનીએ તેમાં સેમસંગના ISOCELL HM2 સેન્સરનો ઉપયોગ કર્યો છે. તેની ખાસ વાત એ છે તેમાં દુનિયાનો પ્રથમ ટિલ્ટ શિફ્ટ ટાઈમ લેપ્સ વીડિયો, સ્ટારી ટાઈમ લેપ્સ વીડિયો અને નવાં પોટ્રેટ ફિલ્ટર મળશે.

કંપનીએ ઈવેન્ટમાં 108MP કેમેરાની કેટલીક તસવીરો રજૂ કરી છે. તેમાં વધારે શાઈની કલર્સ અને શાર્પ ડિટેલ જોવા મળી રહી છે.

ફોટો અને વીડિયો માટે નવી ટેક્નોલોજી

સ્ટારી ટાઈમ લેપ્સ વીડિયો ડેવલપ કરવું ચેલેન્જનું કામ

કંપનીએ કહ્યું કે, સ્ટારી ટાઈમ લેપ્સ વીડિયો ડેવલપ કરવું ચેલેન્જિંગ છે કારણ કે, તેમાં ફોટોના સિન્થિસિસ સંભાળવા માટે હાઈ પર્ફોર્મન્સની જરૂરિયાત હોય છે. રિયલમીએ એક એક્સક્લુઝિવ ટાઈમ લેપ્સ વીડિયો અલ્ગોરિધમ રજૂ કરી છે, જે સ્ટાર્સ અર્થાત તારાની તસવીરો પર આધારિત છે.