ચિતલના જસવંતગઢનો એક યુવાન ગઇરાત્રે વાડીએ પાણી વાળવા ગયો

News - ચિતલના જસવંતગઢનો એક યુવાન ગઇરાત્રે વાડીએ પાણી વાળવા ગયો હતો ત્યારે ચાર અજાણ્યા લુંટારૂઓ કોદાળી, પાઇપ અને લાકડી...

Divyabhaskar.com Sep 12, 2018, 02:01 AM IST

ચિતલના જસવંતગઢનો એક યુવાન ગઇરાત્રે વાડીએ પાણી વાળવા ગયો હતો ત્યારે ચાર અજાણ્યા લુંટારૂઓ કોદાળી, પાઇપ અને લાકડી જેવા હથિયારો સાથે વાડીમા ઘુસી આવ્યા હતા અને આ યુવકને મારમારી મોબાઇલની લુંટ ચલાવીને નાસી જતા તેણે પોલીસ ફરિયાદ નોંધાવી છે.

રાત્રીના સમયે વાડીએ પાણી વાળવાનુ કામ કરતા યુવાનને લુંટી લેવાયાની આ ઘટના અમરેલી તાલુકાના જસવંતગઢ ગામની સીમમા બની હતી. અહી રામાપીરના મંદિર પાસે રહેતો સાગર અરવિંદભાઇ માંગરોળીયા (ઉ.વ.25)નામનો યુવાન રાત્રે રાંઢીયા રોડ પર આવેલી પોતાની વાડીએ મોટર સાયકલ લઇ પાણી વાળવા ગયો હતો અને કપાસમા પાણી પાવાનુ ચાલુ હતુ ત્યારે રાત્રે સવા અગિયારેક વાગ્યાના સુમારે ચાર અજાણ્યા લુંટારૂઓ તેની વાડીમા ઘુસી આવ્યા હતા. આ ચારેય શખ્સો પાસે કોદાળી, ત્રિકમ, પાઇપ અને લાકડી જેવા હથિયાર હતા. અને સીધો જ તેના પર હુમલો કરી તેની પાસે રહેલા બે મોબાઇલ લુંટી લીધા હતા. જો કે આ યુવાન પાસેથી કોઇ રોકડ રકમ લુંટારૂઓને મળી ન હતી. 108 એમ્બ્યુલન્સની મદદથી યુવકને સારવાર માટે દવાખાને ખસેડાયો હતો જે અંગે તેણે પોલીસમાં ફરિયાદ નોંધાવી હતી.

Share
Next Story

લાઠીમા શિવાજી ચોક આહિર શેરીમા બોલેરો ગાડી પાછળ લેવા

Next

Loading...

Recommended News

Rashifal Gujarati સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: Amreli - ચિતલના જસવંતગઢનો એક યુવાન ગઇરાત્રે વાડીએ પાણી વાળવા ગયો
(News in Gujarati from Divya Bhaskar)