SBI રિસર્ચનો દાવોઃ મોંઘા પેટ્રોલ-ડીઝલથી 19 રાજ્ય 22700 કરોડ વધારાના કમાશે

ઇંધણથી ગુજરાત 2800 કરોડ વધારાના કમાશે, પેટ્રોલ `3 સસ્તું કરે તોપણ નુકસાન નહીં થાય

Divyabhaskar.com Sep 12, 2018, 10:08 AM IST

નવી દિલ્હી: સતત 27મા દિવસે પણ પેટ્રોલ અને ડીઝલના ભાવમાં 14 પૈસાનો વધારો થયો હતો. રાજસ્થાન, આંધ્ર બાદ બંગાળે ભાવ ઘટાડો કર્યો છે. તો બીજીબાજુ દિલ્હી હાઈકોર્ટમાં આ મુદ્દે એક પીઆઈએલ થઈ છે. દરરોજ વિક્રમી ઊંચાઈએ ભાવ પહોંચવાથી સામાન્ય લોકોનાં ખિસ્સાં ખાલી થઈ રહ્યાં હોય પણ રાજ્ય સરકારોને ખૂબ જ લાભ થઈ રહ્યો છે. SBI રિસર્ચના રિપોર્ટ મુજબ વધુ ભાવથી 19 મુખ્ય રાજ્યોને 2018-19માં 22,702 કરોડ રૂપિયાની વધારાની કમાણી થશે. જ્યારે ગુજરાતની વધારાની કમાણી 2800 કરોડ રૂપિયા હશે. ગુજરાત વધારાની કમાણીની બાબતમાં દેશમાં બીજા નંબરે હશે.

 

ભાવ વધવાથી કમાણીના મુદ્દે મહારાષ્ટ્ર પ્રથમ અને ગુજરાત બીજું

 

 

આ આકલન આખા નાણાકીય વર્ષમાં ક્રૂડની સરેરાશ કિંમત 75 ડોલર પ્રતિ બેરલ અને ડોલરની 72 રૂપિયા માનીને કરવામાં આવ્યું છે. રિપોર્ટમાં એમ પણ કહેવાયું છે કે રાજ્ય પેટ્રોલના ભાવ સરેરાશ 3.20 રૂપિયા અને ડીઝલના 2.30 રૂપિયા ઘટાડી દે તોપણ તેમની રેવન્યૂ તેમના બજેટ અંદાજ જેટલી હશે.

 

દાવો- 4 વર્ષમાં કેન્દ્ર-રાજ્યોની કમાણી 18 લાખ કરોડથી વધુ

 

 દેશમાં પેટ્રોલ અને ડીઝલનો સૌથી વધુ વપરાશ એ રાજ્યોમાં વધુ થઈ રહ્યો છે જ્યાં લોકો પાસે રૂપિયા વધુ છે અને વધુ ઉદ્યોગ છે. દેશમાં પેટ્રોલિયમ ઉત્પાદનોના વપરાશમાં મહારાષ્ટ્ર પહેલા અને ગુજરાત બીજા નંબરે છે. હકીકતમાં રાજ્ય પેટ્રોલ-ડીઝલના ભાવ અને ડીલર કમિશન પર વેટ વસૂલે છે. જે 19 રાજ્યો અંગે રિસર્ચ કરવામાં આવ્યું છે ત્યાં પેટ્રોલ પર વેટ 24 ટકાથી 39 ટકા સુધી છે. ડીઝલ પર આ ટેક્સ 17 ટકાથી લઈને 28 ટકા સુધી છે. ભાવ વધવાની સાથે વેટના રૂપમાં વસૂલાતી રકમ પણ વધી જાય છે. તેથી રાજ્યોની કમાણી વધશે. બીજી બાજુ, કેન્દ્ર સરકારની એક્સાઈઝ ડ્યૂટી ફિક્સ હોય છે. અત્યારે પેટ્રોલ પર તે 19.48 રૂપિયા અને ડીઝલ પર 15.33 રૂપિયા પ્રતિ લિટર છે.

 

વર્ષના અંતે ઘટાડાનો ખ્યાલ આવે છે: નીતિન પટેલ

 

રાજ્ય સરકાર પોતાના બજેટમાં મુકેલા અંદાજ મૂજબ વર્ષના અંતે જ નક્કી કરી શકે કે તેની કુલ આવકમાં વધારો થયો કે ઘટાડો થયો છે. બીજું એ કે, સરકારને ઘણા આકસ્મિક ખર્ચ પણ કરવાના આવતા હોય છે, રાજ્યમાં પૂર આવે, કર્મચારીઓને 7મું પગારપંચ, 2 ટકાનું ભથ્થુ વગેરે જેવા ખર્ચાઓ પણ મોટા થતા હોય છે. - નીતિન પટેલ, નાણામંત્રી

Share
Next Story

કોલસા કૌભાંડને લીધે બેન્કોનાં નાણાં ડૂબી ગયાં: રઘુરામ રાજન

Next

Loading...

Recommended News

Rashifal Gujarati સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: The 19 state will earn 22700 crore additional from the costly petrol-diesel
(News in Gujarati from Divya Bhaskar)