Loading...

તેલંગાણાઃ શ્રદ્ધાળુઓની બસ ખીણમાં પડી, મહિલાઓ અને બાળકો સહિત 52નાં મોત

સ્થાનિક મીડિયા મુજબ બસમાં સવાર મોટાભાગનાં યાત્રિકો મંગળવાર હોવાની સ્થાનિક આંજનેય સ્વામીના દર્શને જઈ રહ્યાં હતા.

Divya Bhaskar Sep 11, 2018, 05:43 PM
સ્થાનિક મીડિયા મુજબ બસમાં સવાર મોટાભાગનાં યાત્રિકો મંગળવાર હોવાથી આંજનેય સ્વામીના દર્શન કરી પરત ફરી હતા

હૈદરાબાદઃ તેલંગાણા જિલ્લાના કોંડાગટ્ટુની પાસે ઘાટરોડ પર એક RTC બસ પલટી જતાં ઓછામાં ઓછા 52 લોકોનાં મોત નિપજ્યાં છે. જ્યારે લગભગ 18 લોકો ગંભીર રીતે ઈજાગ્રસ્ત થયા છે. મૃતકોમાં 20 મહિલાઓ અને 7 બાળકો સામેલ છે. દુર્ઘટનાને કારણે મૃત્યુઆંક હજુ વધી શકે છે. તમામ ઈજાગ્રસ્તોને નજીકની સરકારી હોસ્પિટલમાં દાખલ કરવામાં આવ્યાં છે. જગત્યિાલના એસપી સિંધુ શર્માએ કહ્યું હતું કે, "ઘાયલને સારવાર માટે નજીકની હોસ્પિટલમાં ખસેડવામાં આવ્યાં છે. બચાવ કામગીરી હાલ ચાલી રહી છે."

વડાપ્રધાને ટ્વિટ કરી દુઃખ વ્યક્ત કર્યુ

- તેલંગાણાની ઘટનાને લઈને વડાપ્રધાન મોદી દુઃખ વ્યક્ત કર્યુ છે. મૃતકોના પરિવાર પ્રત્યે સંવેદન વ્યક્ત કરતાં ટ્વિટ કરી અને ઈજાગ્રસ્તો તાત્કાલિક સ્વાસ્થ્ય થઈ જાય તેવી પ્રાર્થના કરી હતી.

- જગત્યિાલ ડેપોથી આ બસમાં કુલ 70 યાત્રિકો સવાર હતા. દુર્ઘટનાની ગંભીરતાને જોતાં મૃતકોની સંખ્યામાં વધારો થઈ શકે છે. તમામ ઈજાગ્રસ્તોને સારવાર માટે નજીકની સરકારી હોસ્પિટલમાં ખસેડવામાં આવ્યાં છે.
- ઘાયલોમાં 15થી વધુ લોકોની સ્થિતિ ગંભીર ગણાવવામાં આવી રહી છે.

- રાજ્યના કાર્યવાહક મુખ્યમંત્રી કે. ચંદ્રશેખર રાવે દુર્ઘટના પર દુઃખ વ્યક્ત કર્યું છે. સાથે જ મૃતકોના પરિવારને 5 લાખ રૂપિયા આર્થિક સહાય આપવાની પણ જાહેરાત કરી છે.

Recommended


Loading...
Rashifal Gujarati સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: Telangana state run RTC bus accident near Kondaagattu more then 10 people death
(News in Gujarati from Divya Bhaskar)