Loading...

PM મોદી રશિયા જવા થશે રવાના, બંને નેતાઓ વચ્ચે આ મુદ્દે થઈ શકે છે ચર્ચા

વડાપ્રધાન મોદી રશિયાના રાષ્ટ્રપતિ સાથે કોઈપણ એજન્ડા વગર વાતચીત માટે 21 મેની સવારે રશિયાના સોચી પહોંચ્શે

Divya Bhaskar May 20, 2018, 04:26 PM
આ મુલાકાતમાં બંને નેતાઓ ઈરાન પરમાણુ સમજૂતીથી અમેરિકાના હટવાના પ્રભાવ સહિત વિવિધ વૈશ્વિક તેમજ ક્ષેત્રીય મુદ્દે ચર્ચા કરશે (ફાઈલ)

નવી દિલ્હીઃ વડાપ્રધાન મોદી આજે રશિયા જવા રવાના થશે. આ દરમિયાન તેઓ રશિયાના રાષ્ટ્રપતિ વ્લાદિમીર પુતિનની સાથે અનૌપચારિક શિખર બેઠક કરશે. આ મુલાકાતમાં બંને નેતાઓ ઈરાન પરમાણુ સમજૂતીથી અમેરિકાના હટવાના પ્રભાવ સહિત વિવિધ વૈશ્વિક તેમજ ક્ષેત્રીય મુદ્દે ચર્ચા કરશે.

મોદી રશિયા પ્રવાસે


- વડાપ્રધાન મોદી રશિયાના રાષ્ટ્રપતિ સાથે કોઈપણ એજન્ડા વગર વાતચીત માટે 21 મેની સવારે રશિયાના સોચી પહોંચ્શે.
- બંને દેશના વડાઓ વચ્ચે વાર્ષિક શિખર બેઠકનો દૌર ઘણાં વર્ષોથી ચાલી રહ્યો છે. અને આ બેઠક તેઓ દિલ્હી કે મોસ્કોમાં આયોજિત કરે છે.

બંને દેશો વચ્ચે મજબૂત સંબંધો અંગે થશે ચર્ચા


- વડાપ્રધાન મોદીની આ મુલાકાતને લઈને રશિયામાં ભારતના રાજદૂત પંકજ શરણે કહ્યું કે, "રાષ્ટ્રપતિ પુતિન અને પીએમ મોદી વચ્ચે આ ખાસ મુલાકાત છે."
- પંકજ શરણે વધુમાં કહ્યું કે, "રાષ્ટ્રપતિ પુતિન બે અઠવાડીયા પહેલાં જ આ પદે આરૂઢ થયા છે અને તેઓએ અનેક મુદ્દે વાતચીત કરવા માટે પીએમ મોદીને રશિયા આવવાનું આમંત્રણ આપ્યું હતું."
- શરણે કહ્યું કે, "પુતિનની ઈચ્છા છે કે બંને નેતા ભવિષ્યમાં રશિયાની પ્રાથમિકતાઓ, રશિયા વિદેશ નીતિ અને ભારત-રશિયા સંબંધે વાત થાય. આ ઉપરાંત બંને દેશો વચ્ચે આર્થિક સંબંધોને વધુ કઈ રીતે મજબૂત બનાવવા તે મુદ્દે પણ ચર્ચાની સંભાવના છે."
- તેઓએ કહ્યું કે, "રાષ્ટ્રપતિ પુતિન તરફથી આયોજિત લંચ પછી બંને નેતા ત્યાં ના સ્થાનિક સમય 1 વાગ્યે વાર્તા કરી શકે છે. બંને નેતા કેટલાંક કલાકો એકસાથે પસાર કરશે."

પરંપરાથી અલગ થઈ રહી છે આ મુલાકાત


- પરંપરાગત રીતથી ઔપચારિક બેઠકોથી હટીને વડાપ્રધાન મોદીએ હાલમાં જ ચીનના રાષ્ટ્રપતિ શી જિનપિંગની સાથે અનૌપચારિક શિખર વાર્તા કરી હતી.
- આ પ્રકારની મુલાકાત બાદથી કોઈ સત્તાવાર રીતે ઘોષણ પત્ર જાહેર નથી કરાતો.
- આધિકારિક સૂત્રોએ કહ્યું કે મોદી અને પુતિનની આ મુલાકાત ચારથી છ કલાક ચાલી શકે છે અને તે અંગેનો કોઈ નિર્ધારીત એજન્ડા નથી. આ બેઠકમાં દ્વિપક્ષીય મુદ્દે ઘણી જ સીમિત ચર્ચા થઈ શકે છે.

આ મુદ્દે થઈ શકે છે ચર્ચા


- અધિકારીએ જણાવ્યા મુજબ મોદી અને પુતિન વચ્ચે ઈરાન પરમાણુ સમજૂતીથી અમેરિકાની પાછીપાની, અફઘાનિસ્તાન તેમજ સીરિયાની પરિસ્થિતિ, આંતકવાદનો ખતરો તેમજ આગામી SCO અને બ્રિકસ શિખર સંમેલન અંગે ચર્ચા થઈ શકે છે.
- આ રીતે અમેરિકાના નવા કાયદા CATSA અંતર્ગત રશિયા વિરૂદ્ધ પ્રતિબંધથી ભારત-રશિયા રક્ષા સહયોગ પર સંભવિત અસરની પણ ચર્ચા થઈ શકે છે.
- મળતી માહિતી મુજબ આ અનૌપચારિક શિખર વાર્તાનો ઉદ્દેશ્ય બંને દેશોની મિત્રતા તેમજ વિશ્વાસને વધુ મજબૂત બનાવવાનો છે.

સંબંધિત સ્ટોરીના વધુ ફોટા માટે આગળની સ્લાઈડ પર ક્લિક કરો

Recommended


Loading...
Rashifal Gujarati સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: વડાપ્રધાન મોદી 21મીએ રશિયાના પ્રેસિડન્ટને મળશે | PM Modi will travel to Russia on Monday
(News in Gujarati from Divya Bhaskar)