Loading...

3 લાખ સૈનિકો સાથે રશિયાની ઐતિહાસિક મિલિટરી ડ્રિલ; નિષ્ણાતોએ કહ્યું - આ વિશ્વ યુદ્ધની તૈયારી

11થી 17 સપ્ટેમ્બર સુધી થનારા આ યુદ્ધાભ્યાસમાં ચીન અને મંગોલિયાના સૈનિકો પણ ભાગ લેશે

Divya Bhaskar Sep 11, 2018, 05:26 PM
રશિયાની આ ઐતિહાસિક મિલિટરી ડ્રિલમાં ચીન અને મંગોલિયાનું સૈન્ય પણ ભાગ લેશે.

ઇન્ટરનેશનલ ડેસ્કઃ વિશ્વ પર એકવાર ફરીથી પોતાનું વર્ચસ્વ સ્થાપિત કરવાના ઉદ્દેશ્યથી રશિયા મંગળવારે વોસ્ટોક 2018 નામનું યુદ્ધાભ્યાસ કરી રહ્યું છે. પૂર્વ વ્લાડિવાસ્ટોકમાં આજે 11થી 17 સપ્ટેમ્બર સુધી થનારા આ યુદ્ધાભ્યાસમાં ચીન અને મંગોલિયાના સૈનિકો પણ ભાગ લેશે. રશિયા વોસ્ટોક-2018ની મદદથી 3 લાખ સૈનિકો સાથે ઇસ્કેન્ડેર મિસાઇલ, ટી-80 અને ટી-90 ટેન્ક ઉપરાંત એસયુ-34 અને એસયુ-35 લડાયક વિમાનોનું પ્રદર્શન કરશે.

નિષ્ણાતોએ કહ્યું, ભવિષ્યમાં થનારા વિશ્વ યુદ્ધની તૈયારી


- આ જોઇન્ટ મિલિટરી ડ્રિલ એવા સમયે કરવામાં આવી રહી છે, જ્યારે રશિયા સામે યુરોપિયન સંઘ અને યુક્રેન તથા સીરિયામાં ચાલી રહેલા સંઘર્ષમાં હસ્તક્ષેપ કરવાનો આરોપ લાગ્યો છે.
- વોસ્કોટ-2018ને લઇને યુરોપિયન દેશો સહિત નાટોએ સખત નારાજગી વ્યક્ત કરી છે. વળી, રશિયાના મિલિટરી નિષ્ણાત પાવેલ ફેલગેનહૉરે તેને ભવિષ્યમાં થનારા વિશ્વ યુદ્ધની તૈયારી ગણાવી છે.


ચાર વર્ષ પહેલાં રશિયાએ કરી હતી સૌથી મોટી મિલિટરી ડ્રિલ


- આ પહેલાં રશિયાએ 1981માં દોઢ લાખ સૈનિકો સાથે સૌથી મોટી મિલિટરી ડ્રિલ કરી હતી. ત્યારબાદ 2014માં 1.55 લાખ જવાનોની સાથે વોસ્ટોક-2014 નામની ડ્રિલ કરી હતી.
- ગત વર્ષે બેલારૂસ સાથે મળીને જાપાક-2017 નામની મિલિટરી ડ્રિલ કરી હતી તેમાં 127000 સૈનિકોએ ભાગ લીધો હતો.


આગામી મહિને 40 દેશોની સાથે નાટો શરૂ કરશે પોતાની મિલિટરી ડ્રિલ


- વોસ્ટોક-2018 બાદ નાટો ઓક્ટોબર-નવેમ્બરમાં પોતાનો સૌથી મોટો યુદ્ધાભ્યાસ શરૂ કરશે. તેમાં 30 દેશોના અંદાજિત 40 હજાર સૈનિકો ભાગ લેશે. તેમાં 130થી વધુ એરક્રાફ્ટ અને 70થી વધુ યુદ્ધજહાજ સામેલ થશે.

આગળની સ્લાઇડ્સમાં જુઓ, આ ઐતિહાસિક મિલિટરી ડ્રિલની વધુ તસવીરો...

Recommended


Loading...
Rashifal Gujarati સાથે જોડાયેલા અન્ય અપડેટ જાણવા માટે અમને Facebook અને Twitter પર ફોલો કરો
Web Title: The week-long war games dubbed Vostok-2018 kicked off in far eastern Russia
(News in Gujarati from Divya Bhaskar)